521. جان لیوا تیر ۲

اکو بندے وچ ایہہ ہمت سی پئی اوہ سچ بول سکے۔ ۰۰۴ دے خلاف اک!

میکایاہ: ”بادشاہ اخی اب، خدا نہیں چاہندا پئی ایہہ جنگ ہووے۔ جے تُسی اوہدی گل نہیں منو گے، تے آپ آپنی جان گنواﺅ گے۔“

اخی اب: ”کیہ تُساں ایہہ سُنیا؟ ایہہ مینوں میری موت دی خبر دیندا پیا اے۔ ایہنوں قید وچ سُٹ دیو۔ ہن ای!“

اخی اب بادشاہ خدا دی گل سُنن دا بس ”وکھاوا“ کردا پیا سی۔ اوہنے آپنے دماغ وچ ایس گل نوں بٹھا لیا پئی رامات شہر اُتے حملہ کرنا اے۔

جیہڑا وی خدا دی گل نہیں سُندا اوہ آپنی جان نوں خطرے وچ پاوندا اے۔ اخی اب دے جاسوساں نے دشمناں دا منصوبہ لُک کے سُن لیا۔

جاسوس: ”جدوں اسی اخی اب تے اوہدی فوج دے نال جنگ کراں گے، تے سپاہیاں نوں ناں مارنا سگوں بادشاہ نوں مارنا۔“

پر اخی اب چالاک سی۔

اخی اب: ”یہوسفط بادشاہ، میَں آپنا روپ بدل لواں گا، پر توں آپنے بادشاہی لباس وچ ای رہویں۔ تے فیر اسی دونہویں جنگ لئی جاواں گے۔“

یہوسفط بادشاہ نال گیا مینوں کجھ سمجھ وچ نہیں آیا۔ اوہنے خدا دی گل کیوں نئیں سُنی؟ ویسے تے اوہ سدا خدا دی مدد نال فیصلہ کردا سی۔

ایہہ اک مشکل جنگ سی۔ تے دشمناں دا نشانہ صرف بادشاہ سی۔

تُسی ضرور اندازہ لا لو گے پئی کیہ ہویا ہووے گا۔ جدوں دشمناں نے یہوسفط بادشاہ نوں اوہدے شاہی لباس وچ ویکھیا تے اوہناں نے سوچیا پئی اوہ اخی اب بادشاہ اے تے اوہدے اُتے نشانہ لایا۔ یہوسفط آپنی جان بچاون لئی چیکیا۔ ہن اوہنوں سچ دا پتہ لگا: جیہڑا وی خدا دی گل نہیں سُندا اوہ آپنی جان نوں خطرے وچ پاوندا اے۔ یہوسفط مرن والا سی۔ پر خدا نے دشمناں نوں روکیا پئی اوہ اوہدے اُتے نشانہ نہ لان۔

اک سپاہی نے آپنی کمان تانی تے بغیر نشانہ بنھے وار کردا گیا تے بادشاہ اخی اب نوں بڑا زخمی کر دِتا۔ شام دے ویلے اوہ مر گیا۔ اوہنے آپنی جان گنوا دِتی کیوں جو اوہنے خدا دی گل نہیں سی سُنی۔

تے یہوسفط نوں ہوش وچ لیایا گیا۔

کیہ ہن اوہ کدی خدا دے بغیر کوئی فیصلہ کرے گا؟

جیہڑا وی خدا دی گل نہیں سُندا اوہ آپنی جان نوں خطرے وچ پاوندا اے۔ یہوسفط بادشاہ نے اوہ راہ چُنیا جہدے اُتے اوہ خدا دے بغیر چلیا۔ ایہدے بعد اوہ اینہاں ساریاں گلاں دے بارے شرمندہ سی۔

جدوں تہاڈے آسے پاسے دے بیلی وی ایہہ سوچن پئی خدا دی گل سُنن دا کوئی فیدہ نہیں تے فیر اوس مچھی وانگ بن جاﺅ جیہڑی پُٹھے پانی چڑھدی اے۔ ایہہ نہ سوچو پئی دوجے کیہ سوچن گے، سگوں خدا دی گل نوں سُنو۔ تے اوہناں لوکاں کولوں مشورہ لو جیہڑے مسیح نوں جاندے تے اوہنوں پیار کردے نے۔

جیہڑا وی خدا دی گل نہیں سُندا اوہ آپنی جان نوں خطرے وچ پاوندا اے۔ مینوں حقیقی خوشی ملدی اے جدوں میں خدا دی گل نوں سُندی اَں، کیوں جو مینوں پتہ اے پئی اوہ میرے لئی ودھیا انتخاب کرے گا۔

لوک: بیان کرن والی، اخی اب، میکایاہ، جاسوس

حقوق: بحق سی ای ایف جرمنی محفوظ نے۔