Home -- Azeri -- Perform a PLAY -- 095 (I can’t see him)
95. Allahın üzünü görməsəm belə
Bu gün bizə Əminə adlı bir qızdan məktub gəldi. Görək, Əminə bizə nə yazır?
(Zərfin cırılıb açılması və məktubun çıxarılması eşidilir)
Əminə: "Salam! Verilişləriniz çox-çox xoşuma gəlir. Mən musiqiyə, ilahi nəğmələrə, şeirlərə saatlarla qulaq asa bilərəm. 10 yaşım var və mən Müqəddəs Kitabdan hekayələrə qulaq asmağı sevirəm. Çox sevinirəm ki, Allah məni sevir. Ən sevdiyim mövzu dindir. Sağ olun. Sizin sadiq dinləyiciniz Əminə."
Çox sağ ol, Əminə. Madam ki musiqi və şeir sənin xoşuna gəlir, biz də sənin üçün gözəl musiqini və şeiri təqdim edəcəyik.
Gəlin birlikdə qulaq asaq, uşaqlar.
(musiqi çalır) Aparıcı ucadan oxuyur:
Allahın üzünü görməsəm belə,
Qulağım səsini duymasa belə,
İsanın Şəxsində O bizimlədir,
İmansız bu sözü qanmasa belə.
Çoxları imanlı oldu yalandan,
Çoxları Allahı çıxartdı yaddan,
Məsihçi adına ləkə gətirən
Adamlardır xalqı yoldan çıxardan.
İsaya vəfalı qalırıqsa biz,
Müqəddəs yolunu tuturuqsa biz,
İnsanlar İsanı görürlər bizdə
Beləcə ucalır bizim Rəbbimiz.
Bax, bu Kainatı saxlayan Kimdir?
Bizi min bəladan qoruyan Kimdir?
Hamını yaradan, yaşadan Allah
Hamının Atası, mənim Rəbbimdir.
Allahın üzünü görməsəm belə,
Qulağım səsini duymasa belə,
İsanın Şəxsində O bizimlədir,
İmansız bu sözü qanmasa belə.
Sevinin, uşaqlar! Rəbb buradadır. O həmişə hər birinizin yanındadır.
İsa dedi: Bilin ki, mən dünyanın qurtaracağınadək hər gün sizinləyəm. (Matta Müjdəsi 28:20)
Rollar: Aparıcı, Əminə
© Müəlliflik hüququ: CEF Germany