Platt - Low German, Dramas: Piece 131 – Gott sien Sän met däm Doot bestroft

Home -- Platt (Low German) -- Perform a PLAY -- 131 (The death penalty for God’s Son)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish ? -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

131. Gott sien Sän met däm Doot bestroft

De Rechta wia fa de Doodesstroft. De Mana stunden aul reed toom dootmoaken. Un de Har Jesus wort aun siene Fiend utjeleewat.

See kjwielden am aun, schluagen Gott sienem Sän im Jesecht un pitschten am ut. Schlonen es soo aus wan maun sich veschuljt haft. Jesus haud sich nich veschuljt. Nie haft hee sich schuldich jemoakt. Un doch sull hee opp dee grausamste Oat hanjerecht woaren.

Opp däm bloodajin Rijen druach hee daut schwoare Holtkjriez derch de Gausen von Jerusalem.

Buten ver de Staut, opp däm Humpel Golgatha, wort hee von dee grausame Soldoten aun een Kjriez jenoagelt, un dichtbie am twee Vebräakja. Dee eena aun de linkje Sied un dee aundra aun de rajchte Sied.

Aum Kjriez stoawen es schrakjlich. Jesus däm kjwäld Koppweedoag, groota Darscht, un Odemnoot. Hee haud Angst.

Un doato kaum noch dee onveschämda Spott von de Fiend.

Spata: "Hey, wan du werklich Gott sien Sän best, dan kom doch raufa vom Kjriez."

Soldot: "Best du de Kjennich von de Juden, dan rad die selfst."

Wan Jesus sich haud wullt raden dan wia hee nich vom Himmel no de Ieed jekomen.

Hee es jekomen, om ons to raden, wiels hee ons goot es. Jesus leeft sogoa siene Fiend.

Jesus: "Voda vejef iend, wiels see weeten nich, waut see doonen."

Stal die nu mol dee dree Kjrieza väa. Jesus ene Medd raijsch un lingsch de Vebräakja. Sitt daut nich soo ut, aus wan Jesus dise Sinda de Henj entjäajenstrajt?

Vebräakja (lastat): "Du west de vesproakna Rada senen? Dan rad die selfst un ons uk."

Merda: "Sie stell, hast du Gott vejäten? Wie sent schuldich un haben de Stroft vedeent, oba disa haft kjeen Onrajcht jedonen. Har Jesus, denkj aun mie, wan du in dien Rikj kjemst."

Jesus: "Ekj saj die: Vendoag woascht du met mie im Paradies senen."

De Merda deed siene Schult tostonen. Un doawäajens kaum hee im Himmel.

Hee haud Rajcht: Wie sent aula schuldich. Oba Jesus vezeit, siene Henj sent ema nom Sinda utjestrajt.

Stal die dee dree Kjrieza nocheenmol fäa. Jesus in de Medd, raijsch un lingsch de Vebräakja. Eena vetrud opp Jesus, dee aundra spadad. Eena wort jerat, dee aundra jinj veloaren. Opp waut fa eene Sied steist du?

Jesus helt die de Haunt entjäajen. Siene Leew es jrata aus diene Schult.

Persoonen: Eena waut vetalen deit, Spata, Soldot, Jesus, Merda, Vebräakja

STORIES for CHILDREN by Sister Farida

131. Gott sien Sän met däm Doot bestroft