Malagasy, Dramas: Piece 030 – Fihaonana Tamin'i Jesoa

Home -- Malagasy -- Perform a PLAY -- 030 (Meeting Jesus)

This page in: -- Albanian -- Arabic -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- MALAGASY -- Malayalam ? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Sindhi -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

LALAO – tanteraho miaraka amin’ny ankizy hafa!

Tantara kely holalaovina an-tsehatra

30. Fihaonana Tamin'i Jesoa

Efa naniry ny hiaina tamin'ny 2000 taona lasa ve ianao mba nahafahanao nihaona tamin'i Jesoa? Afaka nahita sy nandre Azy?

Melanie, nanao ahoana izany ho anao? Oviana ianao no nihaona tamin'i Jesoa?

Melanie: "Tamin'ny alalan'ny fampianarana nomen'ny reniko anay. Nolazainy taminay ny lalana tokana mankany an-danitra amin'ny alalan'i Jesoa, izay hany afaka mamela ny fahotantsika rehetra satria maty ho antsika Izy. Ary nieritreritra aho hoe raha misy olona iray izay tsy nanota mihitsy nanao zavatra mahafinaritra toy izany ho an'ny hafa, maneho izany fa tena tia antsika Izy. Noho izany dia nanapa-kevitra ny hino aho ary nandray ilay fanomezana."

Ahoana no nanaovanao izany?

Melanie: "Nanao vavaka tsotra fotsiny aho."

Inona no nitranga taorian'izay?

Melanie: "Afaka nolazaiko taminy ny zavatra rehetra nampalahelo ahy, ary nisaotra Azy noho ny fanampiany isan'andro. Nataony ho olom-baovao aho, ary fantatro fa manana olona azoko itokisana foana aho izay tsy handiso fanantenana ahy mihitsy."

Sara, nihaona tamin'i Jesoa koa ve ianao? Lazao anay nanao ahoana no niantombohan'izany.

Sara: "Tamin'ny alalan'ny hira tena tiako (milalao mozika ho an'ny daholobe).
Ny tonony milaza hoe Andriamanitra dia tia ny ankizy rehetra, ny lehibe sy ny kely, ny mahantra sy ny manan-karena, ny tsara fanahy sy ny ratsy fanahy. Ny fitiavany dia ho antsika rehetra. Manokatra varavarana ho an'ny rehetra Andriamanitra. Afaka manatona azy ny isam-batan'olona. Esorin'Andriamanitra amin'izay rehetra mino Azy ny fanamelohana, ary omeny azy ireo ny fitiavany sy ny fiainana mandrakizay.
Teo am-panaovana an'io hira io aho dia tsapako fa marina tamiko izany. Noresahiko tamin'i Neny ny harivan'iny ihany ny momba izany; dia niara-nivavaka taminy aho. Izany no fomba nihaonako tamin'i Jesoa. Nangataka Azy hiditra amin'ny fiainako aho.
Tsapako fa toa nisy enta-mavesatra nianjera avy teo an-tsoroko-nahatsiaro ho afaka aho! Na ahoana na ahoana, tsy tokony hatahotra ny hihaona amin'i Jesoa – ny mahasoa antsika ihany no tena faniriana."

Tian'i Jesoa hahafantatra Azy ianao, satria tia anao Izy.

Hoy Izy: "Ary izay manantona Ahy dia tsy mba holaviko mihitsy." (Jaona 6. 37)

Nahoana ianao no tsy manao tahaka izay nataon'i Melanie-ambarao Aminy ny fahotanao, ary tahaka ny nataon'i Sara ihany koa-Angataho hiditra amin'ny fiainanao Izy. Mamaly ny vavaka ataonao Jesoa. Ho tonga zanak'Andriamanitra ianao.

Mpandray anjara: Mpitantara, Melanie, Sara

STORIES for CHILDREN by Sister Farida

30. Fihaonana Tamin'i Jesoa