Macedonian, Dramas: Piece 056 – Бог никого не го заборава 4

Home -- Macedonian -- Perform a PLAY -- 056 (God forgets no one 4)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- MACEDONIAN -- Malayalam ? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

КУСИ ИЗВЕДБИ – одглуми ги пред други деца!

Куси изведби за да ги изведуваат деца

56. Бог никого не го заборава 4

Јосиф чекал. Поминала една недела, а потоа друга. Еден месец. Два месеци… поминало многу време, а Јосиф размислувал:

Јосиф: „Не сум виновен, но сум овде в затвор. Зошто некој не ме извади одовде?“

Еден затвореник кој бил ослободен му ветил на Јосиф дека ќе разговара со фараонот за него. Но сосема заборавил на Јосиф. Оттогаш поминале две долги години. Но имало еден кој не го заборавил Јосиф. Бог. Тој му ветил на Јосиф дека ќе биде голем управител. И тогаш Бог почнал да го исполнува Своето ветување.

Фараонот сонувал. Но никој не можел да му каже што значи сонот. Бил вознемирен. Тогаш слугата, кој му служел на фараонот, наеднаш се сетил на нешто.

Слугата: „Познавам некого кој може да толкува сонови. Јосиф. В затвор е, но е невин. Целосно го заборавив“.

Фараонот: „Веднаш донесете го кај мене“.

Заповедта на фараонот била исполнета.

Јосиф дошол пред владетелот на Египет и му се поклонил.

Фараонот: „Слушнав дека можеш да толкуваш сонови“.

Јосиф: „Моќен фараону, јас не можам да го направам тоа, но Бог може“.

Фараонот: „Сонував како стојам покрај Нил. Седум дебели крави излегоа од водата, но беа изедени од седум грди крави. Потоа сонував седум дебели класови кои беа проголтани од седум тенки класови. Што значи тоа? Можеш ли да ми кажеш?“

Јосиф: „Бог ти кажува дека доаѓаат седум плодни години. Во Египет ќе има изобилна жетва. Но потоа ќе следат седум години глад. Нема ништо да се роди. Тоа сигурно ќе се случи. Најдоброто нешто што треба да се направи е да се најде мудар човек кој може да го собира житото во годините на изобилство, така што луѓето нема да гладуваат за време на седумте години глад“.

Таа идеја му се допаднала на фараонот.

Фараонот: „Јосиф, ти си тој човек. Бог е со тебе. Те именувам како мој помошник. Секој во Египет мора да те почитува“.

Така Јосиф станал втор најмоќен човек во земјата! Тој одвај можел да поверува. Бог не го заборавил, дури и ако понекогаш изгледало така.

Браќата го мразеле, го продале како роб, а потоа бил затворен, иако бил невин.

Забележа ли дека Јосиф издржал десет тешки години? Тоа би требало да те охрабри. Бог никого не заборава. Дури ни тебе. Верувај Му и довери Му го твојот живот. Ќе се восхитиш од тоа што Бог го направил преку Јосиф.

Затоа биди сигурен дека ќе ја слушаш следната драма.

Улоги: Раскажувач, Јосиф, слуга, фараон.

STORIES for CHILDREN by Sister Farida

56. Бог никого не го заборава 4