STORIES for CHILDREN by Sister Farida(www.wol-children.net) |
|
|
Home عربي |
Home -- Kazakh -- Perform a PLAY -- 041 (The chief and Jesus) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- KAZAKH -- Korean -- Kyrgyz -- Macedonian -- Malayalam? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
ДРАМАЛАР -- оларды достарыңа көрсет
Балалардың орындауына арналған Көріністер
41. Көсем және ИсаЕлші қызметкер көп күш салып джунгли арқылы өзіне жол салып өтті. Аспанда күн жарқын нұрын шашып тұрды. Ақыры ол үнді ауылына жетті, елші қызметкерді үнді тайпасының көсемі жылы қабылдады. Бұл үндістерге Иса туралы айту үшін бірде-бір ақ адам келген емес. Барабан дыбыстары бүкіл тайпаны жинап алды. Оларға елші қызметкер қуана уағыз айта бастады. Елші қызметкер: «Құдай мені сендерге көкке қалай жетуге болатынын айту үшін жіберді». Көсем бұл сөздерге өте қуанды. Ол бір жаққа кетті де, көп ұзамай қайтып оралды. Көсем: «Көсем Құдайға өзінің балтасын береді!» Содан кейін ол отырды да, елші қызметкерді тыңдауын жалғастырды. Елші қызметкер: «Құдай сендерді жақсы көреді және сендердің Өзіне келгендеріңді қалайды. Құдай киелі, ал сендердің күнәларың Құдайға баратын жолды бөгеп тастайды. Күнәкарлар аспанға кіре алмайды». Бұл сөздер үндістердің көңілдерін жабырқатты. Олар мұның рас екенін білді. Олар ұрлады, өтірік айтты және адам өлтірді, олар соның бәріне қатты ұялды. Елші қызметкер: «Көңілдерің түспесін! Құдай сендерді жақсы көреді. Ол сендердің барлық күнәларыңды кешіруді қалайды». Мұны естіген көсем қуанып орнынан тұрып кетіп қалды да, бір минөттен соң қолында әдемі түрлі-түсті кілеммен оралды. Көсем: «Көсем Құдайдың оны жақсы көргеніне қуанып, кілемін Құдайға береді!» Елші қызметкер: «Құдай Өзінің Ұлын бүкіл адамдардың күнәларының құнын төлеу үшін осы дүниеге жіберді». Құдай соншалықты көп жасады! Көсем барып, өзінің ең қымбатты затын алып келді. Көсем: «Көсем өз атын Құдайға береді. Енді менде ештеңе қалмады, мен Құдайға бұдан артық ештеңе бере алмаймын». Шынымен ештеңе қалмады ма? Елші қызметкер уағызын жалғастырды. Елші қызметкер: «Иса Құдайдың Ұлы, сендердің күнәларың үшін айқышта Өз еркімен өлді. Ол сендерді сүйеді. Оған сеніңдер, сонда Ол сендердің күнәларыңды кешіреді, содан соң бір күні көкке барасыңдар». Көсемнің жүзі нұрланып кетті. Көсем: «Аа, мен Құдайға тағы не бере алатынымды білемін! Мен Оған жүрегімді беремін және Оның мен үшін өлгеніне сенемін». Басқа да көптеген үндістер одан үлгі алып, үйлеріне қуанышпен оралды. Осындай бақытты болғың келе ме? Олай болса, көсемнің үлгісіне еліктеп, Тәңір Исаға сеніміңді арт. Рөлдер: Баяндаушы, елші қызметкер, көсем Авторлық құқықтар: CEF Germany |