311. ڇا توهان جو خدا سڀ ڪجهہ ڪري سگهي ٿو

ڪيٿرِينَ: ”جوڊي، ٿورو سوچي ڏس! مون کي 52 ڊالرن کان بہ وڌيڪ پئسا ملي ويا آهن۔ ڇو تہ ڪنهن کي بہ خبر نہ هئي تہ مان پئسن لاءِ دعا ڪري رهي هيس تہ جيئن مشنريز کي ڏئي سگھان۔“

جوڊي: ”تنهنجو مطلب ڇا آهي؟“

ڪيٿرِينَ: ”جڏهن بہ مون کي وظيفو ملي ٿو، مان ان مان ڪجھہ پئسا مشنري ڪمن لاءِ خدا کي ڏيندي آهيان۔ ۽ هاڻ مان هڪ گُڏِي خريد ڪري اُن دٻي ۾ وجھڻ چاهيان ٿي جيڪا ڪرسمس تي چائنا ويندو۔ ڇا تون مون سان گڏ اچي رهي آهين؟“

جوڊي: ”ها، ضرور!“

رانديڪن جي دڪان تي، انهن هڪ گُڏِي خريد ڪرڻ جو فيصلو ڪيو جنهن جا ڊگھا وار هئا ۽ خوبصورت نيري رنگ جا ڪپڙا هئا۔ دعا کان پوءِ، ڪيٿرِينَ ۽ جوڊي هارٽمن جي گھر ويا۔ (دروازي جي گھنٽي جي آواز، دروازي کولڻ جي آواز)

ڪيٿرِينَ: ”توهان جو ڏينهن سٺو رهي، آنٽي هارٽمن! هي ڪرسمس جي تحفن لاءِ آهي۔“

هارٽمن: ”اري، معاف ڪجو پر دٻو تہ بند ٿِي ويو آهي۔“

ڪيٿرِينَ: ”ائين نہ ڪريو! ان گُڏِي جو چائنا وڃڻ ضروري آهي۔ مان هي ڄاڻان ٿي تہ هي حقيقت آهي۔ يسوع مون کي پئسا ڏنا تہ جيئن مان هي خريد ڪري سگھان۔“

جڏهن هارٽمن ڏٺو تہ ڇوڪري ڪيتري سنجيدہ آهي تہ هنن دٻو کوليو۔

ڪيٿرِينَ: ”گھڻِي گھڻِي مهرباني هارٽمن آنٽي۔ هن جي پويان خدا جو مقصد آهي۔“

ڀيڻ روت کي ڄڻ معلوم ٿي ويو هجي! هو چين ۾ هڪ مشنري هئي ۽ هڪ ننڍڙي ڇوڪري کي جرمن ٻولي سکائي رهي هئي۔

ادينا کي ٻولين جي نعمت حاصل هئي۔ پر هن ڪڏهن بہ زندہ خدا جي باري ۾ نہ ٻڌو هو جنهن معجزا ڪيا ۽ ان سان تمام گھڻو پيار بہ ڪندو هو۔

ادينا: ”ڇا توهان جو خدا واقعي سڀ ڪجھہ ڪري سگھي ٿو؟“

ڀيڻ روت: ”ها، ان لاءِ ڪو بہ ڪم ناممڪن ناهي۔“

ادينا: ”تہ پوءِ ان کي گھرجي تہ هو مون کي ڪرسمس لاءِ هڪ جرمن گڏي موڪلي جنهن جا ڪپڙا نيري رنگ هجن۔ مهرباني ڪري ان کي هي ٻڌائي ڇڏجو!“

ڀيڻ روت سوچ بہ نہ ڪري سگھي تہ خدا ڪيئن هن خواهش کي پورو ڪري سگھي ٿو۔ هو حيران ٿي وئي جڏهن هن دٻو کوليو دعا جي جواب ۾ گُڏِي۔ هي ڪو اتفاق نہ هو۔

ڀيڻ روت: ”مهرباني، خداوند يسوع۔ تون زندہ آهين ۽ سچ ۾ تون هر ڪم ڪري سگھين ٿو۔ ادينا جي بہ مدد ڪر تہ هو توکي ڄاڻي سگھي۔“

هي تحفو خوبصورت طريقي سان بند ٿيل هو، ۽ هو ان کي ادينا وٽ کڻي وئي۔

ڀيڻ روت: ”هي ڏس ادينا خداوند يسوع هي تو لاءِ موڪليو آهي۔“ (ڪاغذ جي آواز)

ادينا: ”هي تہ تمام پيارو آهي! هي بلڪل اهڙي گڏي آهي جھڙي مان چئي رهي هيس۔“

هو خوشي سان سڄي ڪمري ۾ ٽپا ڏيڻ لڳي۔ پر اوچتو هو اداس ٿي وئي۔

ادينا: ”ڀيڻ روت، يسوع سڀ ڪجھہ ڪري سگھي ٿو۔ مان ان تي يقين ڪريان ٿي ڇو تہ ان منهنجي خواهش پوري ڪئي۔ خداوند يسوع منهنجي زندگي ۾ اچ ۽ منهنجي دل کي صاف ڪري ڇڏ۔ مان تو سان 001٪ تعلق رکڻ چاهيان ٿي۔ آمين۔“

ڪرسمس جي خوشي ادينا جي دل ۾ اچي وئي۔ يسوع ڪجھہ بہ ڪري سگھي ٿو۔ ۽ ان هي ڳالهہ ڪيترن ئي ماڻهن کي ٻڌائي۔

ماڻهون: بيان ڪرڻ واري، ڪيٿرِينَ، جوڊي، هارٽمن، ادينا، ڀيڻ روت

ynamreG FEC :thgirypoC ©