211. سچائيءَ جو شيشو

توهان اڄ ڪيترا ڀيرا شيشيَ ۾ ڏٺو آهي؟

مرقس شيشيَ ۾ ڏٺو۔ هو حيران ٿي ويو۔ پر صابڻ ۽ پاڻي استعمال ڪرڻ جي بدران هن ڪاوڙ ۾ شيشيَ کي فرش تي اڇلايو۔ (شيشو ٽٽڻ جي آواز)

بلڪل اهڙي طرح ڪجھہ ماڻهو بائبل سان بہ ساڳيو سلوڪ ڪندا آهن۔ اها بہ هڪ شيشيَ وانگر آهي جيڪو ٻارن ۽ وڏن کي اهو ڏيکاري ٿي تہ انهن جي زندگي ۾ ڇا ڪجھہ غلط آهي۔ ۽ ڪيترائي ان کي پسند ئي نٿا ڪن۔

گھڻا سال اڳ يرمياہ نالي هڪ نبي هو، بلڪہ اسرائيل ۾ خدا جي طرفان ڳالهائڻ وارو بہ هو، ۽ ان کي بہ اهڙو ئي تجربو ٿيو۔ ان جو ڪلام بہ قوم لاءِ شيشيَ وانگر هوندو هو۔

پر اهي تبديل ٿيڻ نہ چاهيندا هئا۔ خدا انهن جي لاءِ گھڻو صبر ڪيو۔ پنجاهہ سال تائين انتظار ڪيو۔

خدا جي آواز: ”يرمياہ، طومار کڻ۔ جيڪو ڪجھہ مان توکي چوان ٿو اهو لکو۔ ٿي سگھي ٿو ماڻهو پوءِ منهنجي ڳالهہ ٻڌن ۽ پنهنجي زندگي ۾ جيڪي شيون آهن انهن کي تبديل ڪن۔“

هي ڪم پورو ٿيڻ ۾ هڪ مهينو لڳي ويو۔ يرمياہ خدا جا لفظ پنهنجي مددگار کي ٻڌايا ۽ ان هڪ هڪ لفظ لکي ڇڏيو۔

يرمياہ: ”باروڪ، آخرڪار اسان پنهنجو ڪم مڪمل ڪري ڇڏيو۔ تون ڄاڻين ٿو تہ مان هيڪل ۾ نٿو وڃي سگھان۔ تون اتي وڃ ۽ هي طومار پاڻ سان گڏ کڻي وڃ۔“

جڏهن طومار اُونچي آواز ۾ پڙهيو پئي ويو تہ ميڪاياہ بہ ٻڌو۔ ان جلدي سان بادشاهہ جي محل ۾ پنهنجي منشي جي ڳولها ڪئي۔

ميڪاياہ: ”باروڪ هيڪل ۾ خدا جو ڪلام پڙهيو آهي۔ اسان انهيءَ ريت نٿا رهيون جيئن اسان کي رهڻ گھرجي۔ خدا اسان کي سزا ڏيڻ وارو آهي۔“

منشي: ”ان ماڻهو کي طومارن سان گڏ اسان وٽ وٺي اچو۔“

باروڪ آيو۔ خدا جو ڪلام منشي جي دل لاءِ هڪ شيشيَ وانگر هو۔

منشي: ”باروڪ تون هي سڀ ڪيئن لکيو؟“

باروڪ: ”يرمياہ مون کي لکرايو ۽ مون ان کي مس سان لکيو۔“

منشي: ”اسان کي هي ڳالهہ بادشاهہ کي ٻڌائڻي پوندي۔ باروڪ، تون يرمياہ سان گڏ وڃي لڪي وڃ؛ ڪنهن کي بہ خبر نہ پوڻ گھرجي تہ توهان ٻئي ڪٿي لڪايل آهيو۔“

بادشاهہ يهوياقيم آرام سان پنهنجي سياري واري گھر ۾ باهہ جي سامهون ويٺل هو۔

ان جي زندگي ۾ گھڻيون اهڙيون شيون هيون جيڪي ترتيب طور ٺيڪ نہ هيون۔ پر هو بلڪل بہ خدا جي ڳالهہ ٻڌڻ نہ چاهيندو هو۔ جڏهن ڪجھہ حصا پڙهيا ويا تہ هو اٿيو، ڇري کنئي ۽ ڪجھہ طومار ڪٽي انهن کي باهہ ۾ اڇلايو۔ هن هي ڪم جاري رکيو جيسيتائين سڄو طومار سڙي نہ ويو۔

لڪڻ واري جاءِ تي هر شيءِ ٻيهر لکجي وئي۔

خدا جو پيار عظيم آهي۔ ان پنهنجي ڪلام کي اسان لاءِ بہ لکي رهڻ ڏنو۔

منهنجو توهان کي هي مشورو آهي: بائبل کي روزانو پڙهو۔ پاڻ کي تبديل ٿيڻ ڏيو۔

خدا چاهي ٿو تہ توهان سٺا لڳو، خاص طور تي توهان جو دل۔

ماڻهون: بيان ڪرڻ واري، يرمياہ، خدا جي آواز، منشي، باروڪ، ميڪاياہ

ynamreG FEC :thgirypoC ©