Platt - Low German, Dramas: Piece 113 – Kaun jun Gott werkjlich aules

This page in HTML4 - Print - Bottom

Home -- Platt (Low German) -- Perform a PLAY -- 113 (Can your God do everything)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish ? -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

113. Kaun jun Gott werkjlich aules

Kathrin: "Esther, stall die fäa, ekj hab 20 Euro jeschonken jekjräaen. Eefach soo. Kjeena wisst, daut ekj om Jelt fa miene Missionskaus jebät haud."

Esther: "Waut fa eene Kaus?"

Kathrin: "Von daut Jelt waut ekj ema wada kjrie, jäw ekj een Deel fa de Mission. Un nu well ekj fa daut Wienachtspaket waut no China jeit, eene Popp kjeepen. Kjemst du met?"

Esther: "Na secha!"

In däm Jeschaft, woo de Spälsachen sent, wälden see eene Popp ut, waut lange blonde Hoa haud in een bleiwet Kjleet. Von hia jinjen see fuatz no Fru Hartmann.

(Husdäa kjlinjat)

Kathrin: "Gooden Dach, Fru Hartmann, dit es fa daut Wienachtspaket."

Fru Hartmann: "Daut deit mie oba leet, daut es aul vepakt."

Kathrin: "O nä! Oba dise Popp mott met no China. Ekj weet daut gaunz jeneiw. Jesus haft mie doch daut Jelt doafäa jeschonken."

Aus Fru Hartmann sach, woo iernst daut de Mäadches wia, moak see daut Paket nochmol op.

Kathrin: "Välmol dankscheen Fru Hartmann. Gott haft bestemt waut fäa doamet."

Wan Schwesta Ruth daut jeont haud! See deed in China oabeiden un gauf eenem Mäadche Dietschunjarecht.

Adina wia sea begoft in Sproaken lieren. Oba noch niemols haud see von eenem läwendjen Gott jehieet, de Wunda deit un ar uk leeft.

Adina: "Kaun jun Gott werklich aules?"

Schwesta Ruth: "Jo, am es nuscht onmäalich."

Adina: "Dan saul hee mie toom Wienachtsfast eene dietsche Popp met eenem bleiwen Kjleet schekjen. Saj am daut!"

Schwesta Ruth kun sich nich väastallen, woo Gott disen Wensch erfellen wudd.

Oba dan musst see sich doch sea wundren, aus met de Wienachtspost dee jewenschte Popp kaum. Daut wia kjeen tofaul.

Schwesta Ruth: "Danke Har Jesus. Du läfst un kaunst werklich aules. Halp doch, daut Adina daut uk erkjant."

Schmok enjepakt brinjt see daut Jeschenkj no Adina.

Schwesta Ruth: "Hia Adina, dit schekjt die de Har Jesus."

(Papia ruschelt)

Adina: "Oba dee es schmok! Krajt soo eene Popp wull ekj."

Jlekjlich hupst see derch de Sto. Oba oppeenmol woat see iernst.

Adina: "Schwesta Ruth, Jesus kaun aules. Ekj jleew aun am, wiels hee mienen Wensch erfellt haft. Har Jesus, kom du en mien Läwen un moak mien Hoat rein, ekj well die gaunz jehieren. Amen."

Werkjliche Wienachtsfreid kaum in Adina äa Hoat. Jesus kaun aules. Daut haft see väl Menschen wiedavetalt.

Persoonen: Eena waut vetalen deit, Kathrin, Esther, Fru Hartmann, Adina, Schwesta Ruth

This page in HTML4 - Print - Top