311. کیہ تہاڈا خُدا سب کجھ کر سکدا اے

کیتھرین: ”جوڈی، ذرا سوچ۔ مینوں ۰۰۵۲روپےتھوں وی بہتے مل گئے نے۔ کیوں جو۔ کوئی وی نہیں جاندا سی پئی میَں پیسیاں لئی دعا کردی پئی ساں تاں جو مشنریاں نوں دے سکاں۔“

جوڈی: ”تہاڈا مطلب کیہ اے؟“

کیتھرین: ”جدوں وی مینوں وظیفہ ملدا اے، میَں ایہدے وچوں کجھ پیسے مشنری کماں لئی خدا نوں دینی اَں۔ تے ہن میَں اک گُڈی لے کے اینہوں ڈبے وچ پانا چاہندی اَں جیہڑا پئی چائنہ جائے گا۔ کیہ تُوں میرے نال آرہی ایں؟“

جوڈی: ”ہاں ضرور!“

کھڈونیاں دی دکان اُتے، اوہناں نے اک گُڈی خریدن دا فیصلہ کیتا جہدے لمبے وال سن تے سوہنے نیلے رنگ دے کپڑے سن۔ دعا دے بعد، کیتھرین تے جوڈی ہارٹمن دے گھر گئے۔ (بوہے دی گھنٹی دی واج، بوہا کھُلن دی واج)

کیتھرین: ”تہاڈا دن چنگا رہوے، خالہ ہارٹمن! ایہہ کرسمس دے تحفیاں لئی اے۔“

ہارٹمن: ”معاف کرنا پر اوہ ڈبہ بند ہو گیا اے۔“

کیتھرین: ”نہیں! پر ایہہ گُڈی دا چائنہ جانا بڑا ضروری اے۔ میَں ایہہ جاندی اَں پئی ایہو حقیقت اے۔ یسوع نے مینوں پیسے مہیا کیتے تاں جو میَں ایہہ لے سکاں۔“

جدوں ہارٹمن نے ویکھیا پئی کُڑی کِڈی سنجیدہ اے تے اوہناں نے ڈبہ کھول دِتا۔

کیتھرین: ”بہت بہت شکریہ ہارٹمن خالہ۔ خدا دا ایہدے پیچھے مقصد اے۔“

بہن روت نوں جیویں ایہہ پتہ لگ گیا ہوئے! اوہ چین وچ اک مشنری سی تے اک نِکی کُڑی نوں جرمن زبان سکھاندی سی۔

ادینا کول زباناں دی نعمت سی۔ پر اوہنے کدی وی زندہ خدا دے بارے وچ نہیں سی سُنیا جنہے معجزے کیتے تے اوہنوں بڑا پیار وی کردا سی۔

ادینا: ”کیہ تہاڈا خدا واقعی سب کجھ کر سکدا اے؟“

بہن روت: ”ہاں، اوہدے لئی کوئی کم ناممکن نہیں اے۔“

ادینا: ”تے فیر اوہنوں چاہیدا اے پئی اوہ مینوں اک جرمن گُڈی گھلے کرسمس لئی جہدے کپڑے نوے ہون۔ مہربانی کر کے اوہنوں ایہہ دس دیو!“

بہن روت سوچ وی نہیں سکدی سی پئی خدا کس طرح ایس خواہش نوں پورا کر سکدا اے۔ اوہ ہکی بکی رہ گئی جدوں اوہنے ڈبے نوں کھولیا دعا دے جواب وچ گُڈی۔ ایہہ کوئی اتفاق نہیں سی۔

بہن روت: ”شکریہ، خداوند یسوع۔ توں جیوندا ایں تے سچ اے پئی توں ہر کم کر سکدا ایں۔ ادینا دی وی مدد کر پئی اوہ تینوں جان سکے۔“

اوہ تحفہ سوہنے طریقے نال بند سی، تے اوہ اوہنوں ادینا دے کول لیائی۔

بہن روت: ”ایہہ ویکھو ادینا خداوند یسوع نے ایہہ تہاڈے لئی گھلیا اے۔“ (کاغذ دی واج)

ادینا: ”ایہہ تے بڑی سوہنی اے! ایہہ بالکل اونج دی ای گُڈی اے جنج دی میَں چاہندی ساں۔“

اوہ خوشی نال پورے کمرے وچ ٹپن لگ پئی۔ پر اچانک اوہ سنجیدہ ہو گئی۔

ادینا: ”بہن روت، یسوع سب کجھ کر سکدا اے۔ میَں اوہدے اُتے یقین کردی اَں کیوں جو اوہنے میری خواہش پوری کر دِتی۔ خداوند یسوع میری زندگی وچ آ تے میرے دل نوں صاف کردے۔ میَں تیرے نال ۰۰۱ فیصد تعلق رکھنا چاہندی اَں۔ آمین۔“

کرسمس دی خوشی ادینا دے دل وچ آگئی۔ یسوع کجھ وی کر سکد اے۔ تے اوہنے ایہہ بہت سارے لوکاں نوں دسیا۔

لوک: بیان کرن والی، کیتھرین، جوڈی، ہارٹمن، ادینا، بہن روت

حقوق: بحق سی ای ایف جرمنی محفوظ نے۔