35. حسد دے خوفناک نتیجے ہوندے نیں ۱

کیہ تہاڈے بہن بھرا ہے نے؟ کیہ تُسی اوہناں دے نال رل کے رہندے ہو یا اوہناں نال لڑدے رہندے ہو تے اک دوجے نوں بُرا آکھدے ہو؟ ایہہ سچ اے، اسی اک دوجے دے نال رہ کے سکھ سکدے اَں۔

یعقوب دے خاندان وچ، اجے اوہناں ایہہ نئیں سی سکھیا۔ اوہناں دی کہانی بائبل وچ ہے اے۔ سوچو اک خاندان وچ بارہ بھرا سن۔ اوہناں دے وچ بہت کجھ ہوندا پیا سی!

پہلا بھرا: ”بس میَں بہت برداشت کر لیا اے۔ یوسف نال سدا ساڈے نالوں چنگا سلوک کیتا جاندا اے۔“

دوجا بھرا: ”اوہ نکا جو اے اوہ ہر شے لے جاندا اے۔“

پہلا بھرا: ”اسی دن رات محنت کردے اَں تے ابا اوہنوں سارا کجھ دے دیندا اے جو کجھ وی اوہ منگے۔“

دوجا بھرا: ”اوہ بُرا مُنڈا اے! تساں اوہدا نواں کوٹ ویکھیا اے جیہڑا اوہنوں دِتا گیا اے؟“

پہلا بھرا: ”ابا اوہنوں ساڈے نالوں ودھ پیار کردا اے۔ ایہہ بالکل چنگی گل نئیں۔“

بھرا حسد نال بھرے ہوئے سن۔کی تساں کدی اینج گل کیتی اے جس طرح اوہناں نے کیتی؟ ساڈے دِلاں وچ حسد ہوون دے بُرے نتیجے ہوندے نے۔ ایہہ بالکل جنگلی بوٹیاں وانگ اے جنہاں اُتے سدا بُرا پھل ای لگدا اے: حسد، نفرت، لڑائی۔

میَں جاندی اَں میرے لئی ساریاں نالوں چنگا اے وے پئی چھیتی نال یسوع دے نال ایہدے بارے گل کیتی جائے، تے فیر اوہنوں آکھیا جاوے پئی میرے دِل وچوں حسد نوں کڈھے دوے۔

یوسف دے بھراواں نے ساریاں نالوں چنگا کم نہ کیتا پئی کہ معافی منگی جا وے۔ ایس لئی اوہناں دا حسد ہور وی ودھدا گیا۔ اوہناں یوسف نال نفرت کیتی تے اوہنوں بڑا حقیر سمجھیا۔ ا یس تھوں یوسف نوں دُکھ ہویا تے اوہنے آپنے خاندان وچ ہوندے ہوئے خود نوں خاندان تھوں وکھ سمجھیا، تے ایس تھوں وی ودھ کے ایہہ پئی اوہنوں ٹھٹھے مارے جاندے سن۔ پر اوہنے کدی اُک کے اوہناں کولوں بدلہ نہ لیا۔ خدا نے اوہنوں ایہہ سارا ظلم برداشت کرن دی ہمت دِتی۔ خدا نے یوسف نال خواب وچ گل کیتی۔ اگلی صبح اوہنے آپنے بھراواں نوں ایہدے بارے وچ دسیا۔

یوسف: ”میَں ویکھیا پئی اسی فصل پئے وڈھدے تے پولے پئے بنھدے اَں۔ اچانک میرا پُولا وچکار کھلو گیا تے تہاڈے پُولیاں نے میرے پُولے نوں سجدہ کیتا۔“

پہلا بھرا: ”ایس وچار دا کیہ مطلب اے؟ کیہ توں ساڈا بادشاہ بننا چاہندا ایں؟“

یوسف: ”اوہدے بعد میَں سُفنے وچ ویکھیا پئی سورج، چن تے گیارہ ستاریاں نے مینوں سجدہ کیتا۔“

دوجا بھرا: ”چپ، سُفنے ویکھن والیا۔ توں آپنے آپ نوں بہت کجھ سمجھنا ایں۔“

یوسف لئی ایہہ چنگا سی پئی اوہ ایہہ ناں دسدا پئی خدا نے اوہنوں سُفنے وچ کیہ دسیا اے۔ ایہدے بعد، اوہدے بھراواں نے اوہدے کولوں ہور وی بہتی نفرت کرنا شروع کر دِتی۔ اوہناں نے تے ایہہ وی سوچ لیا پئی ایہنوں ہن جیوندا نئیں رہنا چاہیدا۔ کیہ تُسی ویکھ سکدے ہو پئی حسد کرن دے کیہ نتیجے ہوندے نے؟

ہور تے ہور یوسف دے پیو نے وی اوہنوں ڈانٹیا، پر فیر وی اوہ اوہناں سُفنیاں نوں ناں بھل سکیا۔

ایس ساری گل دا کیہ مطلب سی؟

تُسی اگلی کہانی وچ ایہدے بارے ہور وی سُنو گے۔

لوک: بیان کرن والی، یوسف، دو بھرا

حقوق: بحق سی ای ایف جرمنی محفوظ نے۔