94. چنگا ایالی

کجھ دیر پہلاں میَں سڑک اُتے گڈی پئی چلاندی ساں۔ میَں سوہنا جنگل ویکھیا، جہدے وچ انگور دے باغ تے پیلیاں سن، تے فیر میَں بہت ساریاں بھیڈاں نوں ویکھیا۔

تہانوں پتہ اے پئی بھیڈاں بس آپنے ایّالی دی واج نوں سُندیاں نے تے دوجے کسے دی واج نوں نئیں پچھاندیاں؟

تہانوں پتہ اے پئی بھیڈاں بڑی چھیتی تھک جاندیاں نے تے آپنا بچا وی نئیں کر سکدیاں؟

تے کیہ تہانوں پتہ اے پئی بھیڈاں نوں راہ لبھنا وی نئیں آوندا؟ اوہ کدی وی گھوڑیاں تے کُتیاں وانگ آپنے گھر دا راہ نئیں لبھ سکدیاں، مثال دے طور اُتے، بھیڈ نوں لازمی اک ایّالی دی لوڑ ہوندی اے جیہڑا پئی اوہناں نُوں راہ وکھالے تے اوہناں دی راکھی کرے تے اوہناں دادھیان رکھے۔ تے سانوں وی ایدی لوڑ اے۔

جدوں وی میَں بھیڈ اں نوں ویکھدی اَں مینوں یاد آوندا اے پئی یسوع نے کیہ آکھیا اے۔

یسوع: ”چنگا ایّالی میَں آں۔ میریاں بھیڈاں میری واج سُندیاں نے تے میرے مگر تُردیاں نے۔“

اوہ چنگا ایّالی اے تے اسی اوہدیاں بھیڈاں آں۔

یسوع نے اک واری بھیڈاں دے بارے وچ اک کہانی سُنائی۔

(پیچھے بھیڈاں دی واج)

یسوع: ”اک ایّالی دے کول سو بھیڈاں سن۔ اوہ اوہناں نوں گھا چارن تے پانی پیالن لے کے گیا۔ جدوں جنگلی جانور آئے، تے اوہنےفورا خطرے نوں ویکھ کے ساریاں بھیڈاں دی راکھی کیتی۔ بھیڈاں دی جان بچ گئی جدوں اوہ ایّالی دے کول رہیاں۔ اوہ بالکل ٹھیک سن۔ شاماں ویلے ایّالی اوہناں ساریاں بھیڈاں نوں گھر لے کے آیا تے اوہنے اوہناں نوں گِنیا، اے ویکھن لئی پئی ساریاں بھیڈاں پوریاں ہیں نے یا نئیں: ۷۹، ۸۹، ۹۹ ایہہ کیہ بس ۹۹؟ اک بھیڈ کٹ سی! اوہ کِتے ہور تُر گئی سی تے گواچ گئی سی۔ اوہدے کول تے مدد کرن والا وی کوئی نئیں اوہ تھک گئی ہووے گی، اوہ مدد لئی پکاردی ہووے گی۔ ایہہ گل تہاڈے چیتے رہنی چاہیدی اے پئی جے ایّالی نال نہ ہووے تے اوہ گواچ جاوے گی۔ پر ایّالی نوں بھیڈ دی یاد آئی تے اوہ اوہنوں لبھدا رہیا جدوں تک پئی اوہ اوہنوں جھاڑی وچ لبھ ناں گئی۔ اوہنے خوشی نال اوہنوں آپنے مونڈھیاں اُتے دھریا تے گھر لے آیا۔ ہن بھیڈ محفوظ سی تے اوہدا حال وی چنگا سی۔
ایّالی نے آپنے یاراں نوں آکھیا: میرے نال خوشی مناوو میری گواچی ہوئی بھیڈ مل گئی اے۔
اوہ اک بھیڈ ایّالی لئی بڑی قیمتی سی۔ اوہنے اوہدی کھوج کیتی تے اوہنوں لبھ لیا۔ تے اوہنے اوس بھیڈ نال محبت رکھی۔“

یسوع ای چنگا ایّالی اے۔

کیہ تُسی یسوع دی واج سن کے اوہدے پیچھے تُردے ہو؟

یسوع دے نال تُسی محفوظ تے چنگے ہو۔ اوہ سانوں ہر اوہ شے دیندا اے جہدی سانوں لوڑ ہوندی اے۔ اوہ سدا ساڈے نال اے تے کدی ساڈا سنگ نئیں چھڈدا جدوں وی اسی مصیبت وچ ہوئیے۔ فیر وی بہت سارے لوک اوہدے توں دُور چلے جاندے نے تے آپنی مرضی دیاں راہواں اُتے تُر دے نے۔

کیہ تُسی سوچ سکدے ہو اوہ لوک ایس طرح کیوں کردے نے؟

لوک: بیان کرن والی، یسوع

حقوق: بحق سی ای ایف جرمنی محفوظ نے۔