Home -- Azeri -- Perform a PLAY -- 049 (The good shepherd)
49. Yaxşı Çoban
Bu yaxınlarda maşınla gedəndə gözəl meşələrdən, meynələrdən, tarlalardan keçirdim. Birdən bir qoyun sürüsü gördüm.
Bilirsiniz, uşaqlar, qoyunlar, quzular yalnız çobanlarının səsini eşidirlər, başqalarına isə qulaq asmırlar.
Qoyunların və quzuların tez taqətdən düşdüyünü və özlərini müdafiə etməyə qadir olmadığını bilirdinizmi?
Qoyunların və quzuların itlərdən və ya atlatdan fərqli olaraq yol tapmağı bacarmadığını və asanlıqla yolunu azdığını bilirdinizmi? Qoyunların, quzuların onlara yol göstərən, onları qoruyan, onların qayğısına qalan çobana ehtiyacı var. Bizim də buna ehtiyacımız var.
Mən qoyun, yaxud quzu görəndə Rəbb İsanın bu sözü yadıma düşür.
İsa: "Yaxşı çoban Mənəm. Quzularım səsimi eşidir və Mənim ardımca gəlirlər."
İsa Yaxşı çobandır, biz də Onun quzularıyıq.
Bir dəfə İsa qoyunlar haqqında bir məsəl danışdı.
(Arxa planda qoyunların səsi eşidilir)
İsa: "Bir çobanın 100 qoyunu var idi. Çoban onları yaşıl otlaqlara, axan sulara aparırdı, vəhşi heyvanlardan qoruyurdu. Qoyunlar çobana yaxın olanda təhlükəsiz idi. Vəziyyətləri yaxşı idi. Axşam üstü çoban onları həmişəki kimi evə aparıb saydı: 97, 98, 99. Yalnız 99? Bir qoyun əskikdir! Yolunu azıb, itib. Köməksiz, yorğun itmiş qoyun zəif səslə köməyə çağırırdı. Yadda saxlayın ki, qoyunlar çobansız məhv olurlar.
Ancaq bu çoban, yaxşı çoban idi, o, qoyunu pis vəziyyətdə qoymadı. Onu tapana kimi kollarda axtardı. Tapanda çox sevindi, qoyununu çiyinlərinə qoyub evə apardı. Qoyun sağ-salamat sürüsünə qayıtdı.
Çoban dostlarına dedi: Mənimlə birlikdə sevinin, itmiş qoyunumu tapmışam.”
Bu qoyun çobana əziz və qiymətli idi. Çoban onu axtarıb tapdı. Onu sevirdi.
İsa Yaxşı çobandır.
Bəs sən İsanın səsini tanıyırsanmı? Onun ardınca gedirsənmi?
İsa ilə sən əmin-amanlıqdasan. İsa bizə lazım olanı verir. O həmişə bizimlədir və heç vaxt bizi pis vəziyyətdə qoymaz. Buna baxmayaraq, çox insan Ondan uzaqlaşır və öz yolu ilə gedir.
Oh, niyə insanlar belə edirlər?
Rollar: Aparıcı, İsa
© Müəlliflik hüququ: CEF Germany