03. یسوع نال مُلاقات

کیہ تہاڈا کدی ایہہ دل کیتا اے پئی تُسی ۰۰۰۲ سال پہلاں وی جیوندے ہوندے تے یسوع نوں ملدے؟

کیہ تُساں اوہنوں ویکھیا تے سُنیا اے؟

میلنی، تہاڈے نال کیہ ہویا سی؟ تُسی یسوع نوں کدوں ملے؟

میلنی: ”بچیاں دے پروگرام وچ جیہڑا کہ میری ماں ساڈے گھر وچ سکھاوندی سی۔ اساں ایہدے بارے گل کیتی پئی کس طرح کوئی خدا دی بادشاہی وچ جا سکدا اے بس یسوع دے وسیلے، تے اوہ ای ساڈے ساریاں دے گناہ معاف کر سکدا اے کیوں جو اوہنے ساڈے لئی آپنی جان دِتی۔ تے میَں آپنے دِل وچ سوچیا، جے کسے انسان نے کدی کوئی گناہ نہ کیتا ہووے تے دوجیاں لئی ایڈا چنگا کم کیتا ہووے، فیر تے اوہ سانوں بہت پیار کردا ہووے گا۔ تے میَں اوہنوں آپنے دل وچ آون دی دعوت دِتی۔“

تساں ایہہ کس طرح کیتا؟

میلنی: ”جدوں میں دُعا کیتی۔“

اوہدے بعد کیہ ہویا؟

میلنی: ”اوہدے بعد، میَں اوہنوں ہر اوس شے دے بارے وچ دس سکدی ساں جنہے مینوں دُکھی کیتا، تے میَں اوہدی چنگی مدد لئی اوہدا شکریہ کر سکدی ساں۔ اوہنے مینوں نواں انسان بنایا، تے میَں جاندی اَں پئی میرے کول کوئی ایہو جیہا ہے وے جہدے اُتے میَں بھروسہ کر سکدی اَں تے اوہ مینوں کدی نااُمید نئیں کرے گا۔“

سارہ، تُسی وی یسوع نال ملے سو؟ سانوں دسو ایہہ کس طرح شروع ہویا۔

سارہ: ”اک گیت دے وسیلے جیہڑا مینوں بڑا ای پسند اے (پیچھے عام گیت چلایا جاوے):

’کوئی وی امیر نئیں اے، کوئی وی غریب نئیں اے، کوئی وی بہتا وڈا تے بہتا چھوٹا نئیں اے۔
کوئی وی ایڈا سادہ نئیں اے، کوئی وی ایڈا چنگا نئیں اے، اوہدا پیار ساڈے ساریاں لئی اے۔
خدا ہر کسے لئی بوہا کھولدا اے۔ ہر کسے لئی جیہڑا اوہنوں لبھدا اے۔
اوہ قصور لے لیندا اے تے اوہناں دی تھاں پیار پھیر دیندا اے، کیونکہ او اپنی گل تے قائم رہندا اے۔

جدوں میَں ایہہ گیت گاوندی ساں، مینوں لگیا پئی ایہہ میرے لئی سچ اے۔ اوسے دِ ن شاماں ویلے میَں آپنی ماں نال ایہدے بارے گل کیتی، تے میَں اوہناں نال رَل کے دعا کیتی۔ ایس طرح میَں یسوع نال ملی۔ میَں اوہنوں آپنی زندگی وچ آون لئی آکھیا۔ تے مینوں ایس طرح لگیا جس طرح اک بہت وڈا بھار میرے موہڈیاں توں لتھ گیا اے۔ مینوں بڑی آزادی جاپن لگی! کسے وی مول تے، کسے نوں یسوع نال ملن توں نئیں روکنا چاہیدا۔ ایہہ بڑی اُتم گل اے۔“

یسوع چاہندا اے پئی تُسی اوہدے بارے جانو، پئی اوہ تہانوں پیار کردا اے۔

اوہنے آکھیا: ”جیہڑا وی میرے کول آوے گا، میں اوہنوں اپنے توں وکھ نہ ہون دیوانگا“ (یوحنا ۶: ۷۳)۔

تُسی وی ایس طرح کیوں نئیں کردے جو میلنی نے کیتا۔ اوہدے اگے آپنے گناہواں نوں منوں، تے جس طرح سارہ نے کیتا۔ اوہنوں آکھو پئی اوہ تہاڈی زندگی وچ آوے۔ یسوع دعاواں دا جواب دیندا اے۔ تُسی خدا دے پُتر تے دھیاں بن جاوو گے۔

لوک: بیان کرن والی، میلنی، سارہ

حقوق: بحق سی ای ایف جرمنی محفوظ نے۔