STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 101 (Wellhidden 1)

This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish? -- Swiss German? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen

101. Goot vestoaken 1


Patrick kaum schaftich to de Kjinjastund. Wie musten lachen aus hee ons vetald: Ekj hab een Baby jekjräaen.

Ver väl Joaren freid Mirjam sich uk riesich äwa äa Broodakji. Daut wia seet! Oba see durf daut kjeenem vetalen. De Mame deed daut vestopen, wiels de Pharao eenen schrakjlichen Befäl jejäft haud.

Pharao: "Daut Volkj von de Israeliten woat ema jrata. Ekj hab Angst, daut see onse Fiend woaren. Dit es de Befäl aun mien Volkj: Wan bie de Israeliten een Sän jebuaren woat, dan schmiet daut fuatz in däm Nil."

Daut wia een scharkjlicha Befäl Kjinja dootomoaken. Riejd daut nich to, daut de Pharao de Israeliten to siene Sklowen jemoakt haud?

Oba de Elren von disem kjlienen Junj vetruden opp Gott un vestoppten daut Baby dree Monat lang. Un Gott siene onsechtboare Haunt deed däm Junj beschitzen. Oba aus dee iescht jrata wort, kunnen see däm nich länja vestoppen.

Miriam: "Mama, waut deist du met däm Schelp?"

Mama: "Ekj doo een Korfkje flajchten. Soo, nu noch dän Dakjel. Deist du bitte mie daut Jefäss met däm Pekj riekjen?"

Miriam: "Too waut brukst du daut?"

Mama: "Doamet moak ekj daut Korfkje Wotadicht. Miriam, wie motten onsen kjlienen Schautz wajchjäwen."

Miriam: "Waut west du met däm doonen?"

Mama: "Ekj laj am in daut Korfkje un stal däm biem Nil in daut huage Graus."

Miriam: "Un dan?"

Mama: "Dan woa wie seenen, woo Gott siene onsechtboare Haunt am beschizen woat."

Stell jinjen see nom Riefa. Daut wia de Mutta nich leicht. Oba see deed daut im Vetruen opp Gott.

Mama: "Miriam, vestopp die im Schelp un pauss opp waut doa passieren woat. Mie doaf hia kjeena seenen, doawäajens goo ekj nu wajch."

Doa kjemt wäa. De Dochta vom Pharao jinj met äare Deenstmäadches tom boden nom Nil.

Prinzesin: "Waut es daut? Brinjt mie daut schmoke Korfkje."

Miriam äa Hoat kloppad lud. Woat de Prinzesin äa Broodakji im Nil nenschmieten?

(Kjint hielt)

Prinzesin: "Daut es een israelitischa Junj. Dee deit mie soo leet."

Miriam kaum ut äarem Vestäakj rut.

Miriam: "Saul ekj eene Mame holen, dee daut Kjint Malkj jäwen kaun?"

Prinzesin: "Daut es eene goode Iedee. Doo daut."

Wäm Miriam holen deed, kaust du die denkjen. Dee iejne Mame kjrieech äa Kjint un durf daut een poa Joa vesorjen.

Jlekjlich dankten see Gott, wiels siene onsechtboare Haunt haud wundaboa beschitzt.

Nich soo, uk die haft Gott aul ieremol beschitzt. Dank am doch krajt nu doafäa.


Persoonen: Eena waut vetalen deit, Pharao, Miriam, Mama, Prinzesin

Copyright: CEF Germany

www.WoL-Children.net

Page last modified on August 08, 2023, at 07:55 AM | powered by PmWiki (pmwiki-2.3.3)