Home -- Aymara -- Perform a PLAY -- 085 (The fiery oven miracle 3)
85. Hornot khespiyi 3
Wali jach’a estatuajja tucuyatäjjewa. 3 metro ancho 30 metro altura. ¡Cawqhats uñtcaya!
Reyin mensajeropa: “¡Sumist’apjjam! Takenitaqui Reyin ordenapawa: Cunapachatï orquesta ist’apjjatajja, kori estatua nayrakatan quillt’asipjjañanacamawa uqhamarac yupaychapjjañanacama. Qhititï jan ist’canijja ucarat pachawa nijna hornor jakontatäni.”
Chekpachasa: Ucä ajjsarayañanacampejja takeniw phokapjjanijja.
3 jakenacaquiw takejakenacat jithiktatänjja. Amuqui. Janiw cusisitjamäcánti. Waljamaranacawa Israelat apanucutäjjäna. Marcap perjjapjjatayna, ucampisa Chekpach Diosar iyawsañapjja, janiwa.
Reyin ordenapajj janiw acchas walicänti. ¿Idolo nayrakataru yupaychañataqui? ¡Janipiniwa!
(Kochu)
Takeniw quillt’asipjjäna ucat estatuaru yupaychapjjäna.
Janiw takenijja – quimsaniwa sayt’ataquisipcänwa. Ucajj khanänwa.
Acusador: “Rey, jumajj ordentawa takenis estatuaru yupaychañapa. Ucampisa quimsa judiyonacaw jan ordenam phokapquiti.”
Rey: “¿Cunjama? ¿Jamit ordenajj pokhapqui? Anchhitpach acar apanipjjam.”
(Danielon amigonacaparuw apanipjje)
Rey: “Chekat jumanacajj diosajjaru jan yupaychañ munäpcta? Mä cutimpi churapjjäma. Janipin munapcátajja, phichhantatäpjjätawa. Jan amuyapjjamti Diosamajj imapjjatam ucjja.”
¿Cunas juc’ampi jumataquejj uqhaman asquïnjja? ¿Jacañama jan ucast Diosar arcaña? Quimsaninacajja janiw anch pensañapäcänti.
Amigo de Daniel: “Diosasatï munchijja, nina hornot khespiyapjjetaniwa. Ucampisa cuna razonatsa jan muncchijja, arcaaipcaquïwa. Janipiniw idolonacarojj jan Diosäqui ucanacarojj yupaychapcäti.”
Uca jakenacajj take cun sipatsa Diosaruw munpjjäna. Uca arusti, Nabucodonosor reyirusti walpin culirayatayna.
Rey: “Horno parintayapjjam pakall cuti juc’ampi ucat ucaru jakontapjjam.”
Ucatsti uca quimsa chachanacajja hornoruw jakontatäna. Hornojj ancha parintatapinitaynawa, qhtinacatï Danielon amigonacaparojj jakontpcänjja, paritampejj jiwarapjjänwa.
Reyijj nin uñtatayna.
Rey: “Quimsaniruw ninarojj jakontaytjja. Ucampis pusi uñjasctjja. Maynisti diosan wawapjamaw uñtasi.”
Reyejj horno puncuruw jac’achasi.
Rey: “Mistunipjjam, Jach’a Diosan servirinacapa.”
Quimsa chachajja ninat jan cunas naqhtata mistunipjjänwa. Mä ñic’utapasa chhejjchheratäcänti, jniw nina kaphinïcänsa. ¡Diosapajja ninat khespiyataynawa!
¿Uñt’tati uqham Dios milagronac lurirï? ¡Jupatacjampin jacam uqhamarac take chekansa!
Uñstirinaca: Parliri, mensajero del rey, acusador, rey, amigo de Daniel
© Copyright: CEF Germany