STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 167 (Super idea, Aunt Margret 5) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 761. ودھیا خیال، خالہ ماگریٹ ۵روتھ تے فلپ نے ٹیری لئی تحفیاں نوں لپیٹیا تے لے گئے۔ اوہناں دا بیمار بیلی بڑا حیران ہووے گا۔ جنگل دے رستے وچ اوہ ٹیری دی ماں نوں ملے۔ اوہ روندی پئی سی۔ روتھ نے اوہناں نوں تسلی دین دی کوشش کیتی، تے اوہناں نوں یسوع دے بارے وچ دسن دی کوشش کیتی، جیہڑا چنگا ایالی اے، جیہڑا اوہنوں لبھدا پیا اے تے اوہدی مدد کرے گا کیوں جو اوہ اوہنوں پیار کردا اے۔ فلپ: ”اسی تہاڈے لئی وی کجھ لے کے آئے اَں (پیسیاں دی واج)۔ ساڈے کول ایہی کجھ اے۔ تُسی ٹیری لئی ایہدے نال دودھ لے سکدے او۔“ ماں: ”بہت بہت شکریہ، تُسی بڑے چنگے او۔ جاؤ، ٹیری تہاڈی اُڈیک کردا پیا اے۔“ (پیراں دی واج) فلپ: ”روتھ تینوں میرے اُتے غصہ تے نئیں آوندا پیا کیوں جو میَں سارے پیسے دے دِتے نے؟“ روتھ: ”نئیں، چنگے ایالی نے وی آپنی ساری حیاتی قربان کر دِتی جدوں اوہنے صلیب اُتے آپنی جان دِتی۔ تاں پئی اسی مشکل وچ ناں رہئے۔“ ٹیری آپنے تحفیاں نال خوش سی۔ پر اوہ پہلاں تھوں وی بڑا دُکھی سی۔ ٹیری: ”ڈاکٹر نے آکھیا اے پئی ہن اوہ میرے لئی کجھ نئیں کر سکدا۔ میَں چاہندا اَں پئی مر جاواں۔“ فلپ تے روتھ نے آپنے آپ کولوں ایہہ پُچھنا شروع کیتا پئی جے خدا نے اوہناں دیاں دعاواں دا جواب دِتا سی۔تے فیر اوہنے کرامات کیوں نئیں کیتی؟ اوہ دُکھی ہو کے گھر آگئے۔ ماگریٹ خالہ نے بڑی چنگی طرح مہماناں دے کمرے دی صفائی کیتی ہوئی سی۔ ماگریٹ خالہ: ”تہاڈا کیہ خیال اے جے اسی ٹیری تے اوہدی ماں نوں آپنے نال رہن دئیے؟“ روتھ: ”واہ! ایہہ تے بڑی چنگی گل ہووے گی۔“ ٹیری نوں اک ایمبولنس وچ گھر لیایا گیا۔ اوہنوں آپنا کمرہ پسند سی۔ اوہدا بستر ا کھڑکی دے کول سی۔ ٹیری: ”ایہہ بڑا چنگا اے۔“ فیر اوہنے دیوار اُتے لگی تصویر نوں ویکھیا۔ یسوع، چنگا ایالی، اوہنے آپنی گواچی ہوئی بھیڈ دا ہتھ پھڑیا ہویا سی۔ ٹیری: ”روتھ، مینوں اک تصویر چاہیدی اے جہدے وچ ایالی نے آپنی بھیڈ نوں آپنے ہتھاں وچ چُکیا ہویا اے جیہڑی اوہنوں مل گئی اے۔“ پادری روبنجر اوہدے لئی اک تصویر لے آئے۔ تصویر وچ بہت ساریاں بھیڈاں سن۔ یسوع ٹُر کے گیا تے بھیڈ نوں آپنے ہتھاں وچ چُک کے لے آیا۔ ٹیری: ”ایہہ اینہوں کِتھے لے کے جاندا پیا اے؟“ پادری: ”گھر۔“ ٹیری: ”اوہ کِتھے وے؟“ پادری: ”اوتھے جتھے یسوع رہندا اے۔ اوتھے جتھے رونا نئیں اے، تے پیڑ وی نئیں اے۔“ ٹیری: ”پیڑ نئیں اے؟ کیہ ہر کوئی اوتھے جاوے گا؟“ پادری: ”ہر کوئی جیہڑا چنگے ایالی دے نال تعلق رکھے گا۔“ ٹیری: ”میَں اوہدے نال تعلق رکھنا چاہندا اَں تے اوہدے کول جانا چاہندا اَں۔“ ٹیری نے دعا کیتی تے تصویر نوں گھُٹ کے آپنے ہتھاں وچ پھڑ کے رکھیا۔ تے فیر اوہ سوں گیا۔ پر ادھی رات نوں گھر دے وچ اینے پیراں دی واج دا کیہ مطلب اے؟ میَں تہانوں اگلی کہانی وچ ایہدا جواب دیاں گی۔ لوک: بیان کرن والی، فلپ، روتھ، ماں، ٹیری، پادری، ماگریٹ خالہ حقوق: بحق سی ای ایف جرمنی محفوظ نے۔ |