STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 084 (The mysterious dream 2) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 48. رازوالاخواب ۲بادشاہ نبوکدنضرسو نہ سکیا۔ فکر وچ اوہ پاسے لیندا رہیا۔ فیراوہنے آپنے اک کامے نوں سدیا (گھنٹی دی واج)۔ نوکر: ”اے بادشاہ سلامت تہاڈی سدا تیک سلامتی ہووے۔ میَں تہاڈی کی خدمت کر سکدا اَں؟“ بادشاہ: ”چھیتی نال میرےمشیراں تےجادوگراں نوں کٹھیاں بلاﺅ۔“ (بہت ساریاں واجاں، لوک ٹُردے پئے نے۔ فیر چُپ) بادشاہ: ”میَں اک سُفنا ویکھیا جہنے مینوں بڑا ستا کےرکھیا اے۔ مینوں دسو پئی ایس سُفنے دا کیہ مطلب اے؟“ جادوگر: ”آپنے نوکراں نوں سُفنادسو تے فیر اسی تہانوں دساں گے پئی ایہدا کیہ مطلب اے۔“ بادشاہ : ”نہیں، تہانوں آپ ای سُفنا دسنا ہوے گا۔ میَں تہانوں حکم دیندا اَں! جے تساں مینوں میرا سُفنا دس دِتا تے میَں تہانوں انعام دیواں گا۔ جے ناں دس سکے تے میَں تہانوں مار دیواں گا۔“ جادوگر: ”بادشاہ نوں آپنے نوکراں نوں سُفنا دسنا پوے گا، تے تاں ای اسی تہانوں دس سکدے اَں پئی ایہدا کیہ مطلب اے۔“ بادشاہ: ”ایہہ بہانہ قبول نہیں کیتا جا سکدا۔ تُسی بس بہتا ویلا چاہندے ہو۔“ جادوگر: ”اسی سُفنیاں دا مطلب تے دس سکدے اَں، پر دھرتی اُتے ایسا کوئی بندہ نہیں جیہڑا تہانوں ایہہ دس سکے پئی تُساں کیہ سُفنا ویکھیا اے۔ تُسی جو کجھ پوچھدے پئے ہو اوہ نہیں ہو سکدا۔“ بادشاہ قہر نا ل بھر گیا: ”میَں ہن ای تہانوں ساریاں نوں مار سُٹاں گا!“ دانی ایل تے اوہدے بیلیاں اُتے وی ایہدا اثر ہویا۔ پر دانی ایل ناں ڈریا۔ جدوں اوہنے ایس خوف ناک حکم دا سبب سُنیا، اوہ آپنے گھر گیا تے آپنے بیلیاں نوں دسیا۔ دانی ایل: ”سانوں دُعا کرن دی لوڑ اے۔ ساڈا خدا سب کجھ جاندا اے۔ اوہ مینوں لُکے بھید والا سُفنا دس سکدا اے۔“ بس اک خدا ای سی جیہڑا مدد کرسکدا سی۔ تے اوہنے مدد کیتی۔ رات ویلے، خدا نے دانی ایل اُتے سُفنے نوں ظاہر کر دِتا۔ دانی ایل: ”خداوند توں ای تعریف دے لائق ایں۔ تیرا شکر ہووے! توں سب کجھ جاندا ایں۔ تے توں ساڈیاں دعاواں دا جواب دِتا۔“ دانی ایل نے مِنت کیتی پئی اوہنوں بادشاہ دے کول لے کے جایا جاوے۔ بادشاہ: ”کیہ توں واقعی مینوں میرا سُفنا دس سکدا ایں؟“ دانی ایل: ”بادشاہ دا فرمان کوئی وی بندہ پورا نہیں کر سکدا۔ پر زندہ خدا سارے بھید ظاہر کر سکدا اے۔ اوہنے تہانوں سُفنے وچ دسیا اے پئی آون والے ویلے وچ کیہ ہوون والا اے۔ بادشاہ نے اک وڈے بُت دے بارے سُفنا ویکھیا اے۔ اوہدی صورت جلال نال بھری سی۔ اوہدا سرسُچے سونے دا بنیا سی۔ ایہہ تہاڈی سلطنت نوں ظاہر کردا اے۔ ایہہ باقی ساریاں نالوں وڈی تے زور آور اے۔ پر تہاڈے بعد جیہڑی باد شاہی آوے گی اوہ نِکی توں نِکی ہوندی جاوے گی۔ آخر کار، باد شاہی ونڈی جاوے گی۔ پر خدا اوسے ویلے آپنی بادشاہی قائم کرے گا۔ خدا دی باد شاہی سدا تیک قائم رہوے گی۔ ایہہ ابدی ہووے گی۔ تہاڈا سُفنا سچا اے۔“ بادشاہ: ”تہاڈا خدا بادشاہواں دا بادشاہ اے!“ بادشاہ خواب دا مطلب جان کے خوش ہویا۔ اوہنے دانی ایل نوں بڑا امیر بنا دِتا تے اوہدے اُتے تحفیاں دا مینہ وسایا۔ ہور اوہنے کیہ کیتا ایہہ اگلی کہانی وچ سنیا جاسکدا اے۔ لوک: بیان کرن والی، نبوکدنضر، جادوگر، دانی ایل، نوکر حقوق: بحق سی ای ایف جرمنی محفوظ نے۔ |