Home
Links
Contact
About us
Impressum
Site Map


YouTube Links
App Download


WATERS OF LIFE
WoL AUDIO


عربي
Aymara
Azərbaycanca
Bahasa Indones.
বাংলা
Български
Cebuano
Deutsch
Ελληνικά
English
Español-AM
Español-ES
فارسی
Français
Fulfulde
Gjuha shqipe
Guarani
հայերեն
한국어
עברית
हिन्दी
Italiano
Қазақша
Кыргызча
Македонски
മലയാളം
日本語
O‘zbek
Plattdüütsch
Português
پن٘جابی
Quechua
Română
Русский
Schwyzerdütsch
Srpski/Српски
Slovenščina
Svenska
தமிழ்
Türkçe
Українська
اردو
中文

Home -- Platt (Low German) -- Perform a PLAY -- 084 (The mysterious dream 2)

This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish? -- Swiss German? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen

84. Een Droom voll Jeheemnisse 2


Kjennich Nebukadnezar kun nich mea schlopen. Nervees dreit hee sich von eene Sied no de aundre. Dann roopt hee sienen Deena. (Gloke kjlinjat)

Deena: "Mucht de Kjennich eewich läwen. Waut saul ekj doonen?"

Kjennich: "Roop fuatz aule Rotjäwasch un dee waut Dreem utlajen kjenen, hiahan."

(Aulahaunt Stemen, Schräd, Stell)

Kjennich: "Ekj haud eenen Droom, dee mie gaunz derchennaunda jebrocht haft. Sajcht mie, waut de Droom bedieden deit."

Deena: "Vetal ons dienen Droom, dan woa wie die aules erkjläaren."

Kjennich: "Nä, jie motten mie däm Droom sajen. Daut meen ekj soo. Wan jie daut doonen woa ekj junt beschenkjen. Wan nich, lot ekj junt dootmoaken."

Deena: "Wan wie däm Droom weeten, dann saj wie die waut dee bedieden deit."

Kjennich: "Fulet romräden. Jie wellen bloos Tiet jewenen."

Deena: "Waut du Kjennich von ons wellst, es onmäalich. Kjeen Mensch kaun dienen Droom weeten. Dreem erkjläaren, daut kjenn wie."

De Kjennich woat wuttich: "Ek jlot junt ombrinjen!"

Segoa Daniel in siene Frind kaumen dan uk unja dise Woarnung. Oba Daniel haud kjeene Angst. Aus hee de Uasak fa däm strenjen Oppdrach jehieet haud, jinj hee en sien Hus un vetald siene Frind aules.

Daniel: "Wie motten bäden. Ons Gott weet aules. Hee kaun mie ditt Jeheemnis sajen."

Gott wia dee eensja waut halpen kun. Un hee holp. Ene Nacht leet Gott däm Daniel weeten waut de Kjennich jedreemt haud.

Daniel: "Du best een wundaboara Gott. Ekj dank die. Du weetst aule Dinja. Du hast ons Jebäd erhieet."

Daniel leet sich nom Kjennich brinjen.

Kjennich: "Kaunst du mie werklich dän Droom sajen?"

Daniel: "Waut de Kjennich velanjt, kaun kjeen Mensch. Oba daut jeft eenen läwendjen Gott, dee kaun Jeheemnisse opdakjen. Hee haft die in dienem Droom jesacht, waut nochmol lota passieren woat. De Kjennich haft von eene riesich groote Figua jedreemt. Daut wia toom vefieren. De Kopp wia ut reinem Golt. Daut es dien Rikj. Daut es daut jratzte un machtiste. Oba waut du sest noch jeseenen hast, daut wiest doahan, daut det Kjennichrikj no die ema kjlanda woat woaren. Un tolatzt woat daut Rikj jedeelt woaren. Oba to jlikja Tiet woat Gott sien Rikj opprechten. Gott sien Rikj woat ema bliewen. Daut es eewich. Dis Droom es werklich soo."

Kjennich: "Dien Gott es de Kjennich äwa aule Kjennichs."

De Kjennich wia sea aunjedonen doavon, woo dis Droom utjelajcht wort. Hee muak Daniel sea rikj in beschonk am äwa Motten.

Un waut hee dan deed, woascht du im näachsten Spell toom horchen enwoaren.


Persoonen: Eena waut vetalen deit, Nebukadnezar, Droom utlajasch, Daniel, Deena

Copyright: CEF Germany

www.WoL-Children.net

Page last modified on August 08, 2023, at 07:51 AM | powered by PmWiki (pmwiki-2.3.3)