Home
Links
Contact
About us
Impressum
Site Map


YouTube Links
App Download


WATERS OF LIFE
WoL AUDIO


عربي
Aymara
Azərbaycanca
Bahasa Indones.
বাংলা
Български
Cebuano
Deutsch
Ελληνικά
English
Español-AM
Español-ES
فارسی
Français
Fulfulde
Gjuha shqipe
Guarani
հայերեն
한국어
עברית
हिन्दी
Italiano
Қазақша
Кыргызча
Македонски
മലയാളം
日本語
O‘zbek
Plattdüütsch
Português
پن٘جابی
Quechua
Română
Русский
Schwyzerdütsch
Srpski/Српски
Slovenščina
Svenska
தமிழ்
Türkçe
Українська
اردو
中文

Home -- Armenian -- Perform a PLAY -- 084 (The mysterious dream 2)

Previous Piece -- Next Piece

ԹՈՂԱՐԿՈՒՄՆԵՐ – ներկայացրո՛ւ սա ուրիշ երեխաների!
Թողարկումներ երեխաների համար

84. Խորհրդավոր երազը 2


Նաբուգոդոնոսոր արքան չէր կարողանում քնել։ Նա անհանգիստ մի կողմից մյուսն էր պտտվում։ Հետո նա իր սպասավորներին կանչեց։ (Զանգի ձայն)։

Սպասավոր. - Թող թագավորը հավիտյան ապրի։ Ի՞նչ կարող եմ անել Ձեզ համար։

Թագավոր. - Իմ խորհրդականներին և գուշակներին արագ հավաքե՛ք։

(Շատ ձայներ, ոտնաձայներ, լռություն)։

Թագավոր. - Ես մի երազ եմ տեսել, որն ինձ շատ է անհանգստացնում։ Ասե՛ք, թե ինչ է նշանակում երազս։

Իմաստուններ. - Պատմե՛ք երազը Ձեր սպասավորներին, և մենք կասենք երազի նշանակությունը։

Թագավոր. - Ո՛չ, երազը դո՛ւք պետք է ինձ պատմեք։ Հրամայո՛ւմ եմ ձեզ։ Եթե պատմեք ինձ երազը, ես ձեզ կվարձատրեմ։ Եթե չպատմեք, ապա ձեզ կսպանեմ։

Իմաստուններ. - Թող թագավորն իր ծառաներին պատմի երազը, իսկ հետո մենք կասենք, թե ինչ է այն նշանակում։

Թագավոր. - Պատճառաբանությո՛ւն, դուք պարզապես ժամանակ եք ուզում շահել։

Իմաստուններ. - Մենք կարող ենք մեկնել երազները, բայց երկրի վրա այդպիսի մեկը չկա, ով կկարողանա ասել, թե ինչ երազ եք տեսել։ Դուք անհնարին բան եք պահանջում։

Թագավորը խիստ բարկացավ. - Ես բոլորիդ կսպանեմ։

Այս ամենը Դանիելի և իր ընկերների վրա էլ էր ազդելու։ Սակայն Դանիելը չէր վախենում։ Երբ նա իմացավ այս դատավճիռի պատճառի մասին, գնաց տուն և պատմեց իր ընկերներին։

Դանիել. - Մենք պետք է աղոթենք։ Մեր Աստված ամեն բան գիտի։ Նա մեզ կարող է պատմել գաղտնի երազը։

Աստված էր միակը, ով կարող էր օգնել, և Նա օգնեց։ Գիշերն Աստված Դանիելին ցույց տվեց երազը։

Դանիել. - Դու հրաշալի Աստված ես։ Շնորհակալ եմ։ Դու ամեն բան գիտես։ Դու պատասխանում ես մեր աղոթքներին։

Դանիելը խնդրեց, որ իրեն տանեն թագավորի մոտ։

Թագավոր. - Իրոք կարո՞ղ ես իմ երազը պատմել։

Դանիել. - Ոչ մեկը չի կարող անել այն, ինչ հրամայել է թագավորը։ Սակայն կենդանի Աստված կարող է յուրաքանչյուր գաղտնիք բացահայտել։ Նա ձեզ ասել է, թե ինչ է լինելու ապագայում։ Թագավորը երազում մի մեծ արձան է տեսել։ Դրա տեսքը պարզապես հիանալի էր։ Գլուխը պատրաստված էր մաքուր ոսկուց։ Սա նկարագրում է ձեր թագավորությունը։ Այն բոլորից ամենամեծն ու ամենաուժեղն է, բայց ձեզանից հետո եկող թագավորությունն ավելի ու ավելի է փոքրանալու։ Վերջում թագավորությունը կմասնատվի, բայց միևնույն ժամանակ, Աստված Իր թագավորությունը կկառուցի։ Աստծո թագավորությունը հավիտյան կլինի։ Այն հավերժական է։ Ձեր երազն իրական է։

Թագավոր. - Քո Աստվածը թագավորների Թագավորն է։

Թագավորը երազի մեկնությամբ հիացած էր։ Նա Դանիելին մեծարեց ու շատ մեծ պարգևներ տվեց։

Իսկ թե ինչ արեց նա, կլսենք հաջորդ թողարկմանը։


Հերոսներ` հեղինակ, Նաբուգոդոնոսոր, իմաստուններ, Դանիել, սպասավոր։

© Copyright: CEF Germany

www.WoL-Children.net

Page last modified on August 05, 2023, at 01:52 PM | powered by PmWiki (pmwiki-2.3.3)