STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 085 (The fiery oven miracle 3) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 58. اگ دی بلدی بھٹی دا معجزہ ۳وڈا بُت تیا رہو گیا سی۔ نو فُٹ چوڑا تےسو فُٹ لمبا۔ کوئی وی اوہنوں ویکھے بغیر نہیں رہ سکدا سی! بادشاہ دا سنیہا دین والا: ”سُنو! بادشاہ دا سنیہا ساریاں لئی اے۔ جدوں تُسی ساز وجدے ہوئے سنُو، تے تُساں ساریاںسیس نواونا اے تے سونے دی مورت دی عبادت کرنی اے جیہڑی بادشاہ نبوکدنضر نے بنوائی اے۔ پر جیہڑا وی ایہدے اگےسجدہ تے ایہدی عبادت نہیں کرےگا اوہنوں اگ دی بلدی ہوئی بھٹی وچ سُٹیا جاوےگا۔“ کوئی سوال نئیں: ہر کسے نے اوس مورت دے کول آونا سی۔ تین بندے چپ کر کے اک پاسے کھلوتے رہے۔ اوہ ایس سدے بارے ناں گھبرائے۔ بڑے ورھیاں پہلاں اوہناں نوں پھڑیا گیا تے اوہناں دے گھر اسرائیل وچوں اوہناں نوں کڈھ لیایا گیا۔ اوہناں دا گھر کھنج گیا سی، پر اوہناں نے خداوند اُتے اپنا ایمان ناں گوایا۔ تے اوہ جاندے سن پئی بادشاہ دا حکم بڑی دُور تیک چلدا اے۔ پر اک بُت دی عبادت۔ کدی نہیں! (ساز دی واج) ہر کسے نےسیس نوایا تے بُت دی پوجا کیتی۔ اوہناں تین بیلیاں نوں چھڈ کے۔ ایس کر کے اوہناں اُتےدھیان گیا۔ الزام لاون والا: ”بادشاہ، تُساں حکم دِتا سی پئی ہر کسےلئی ضروری اے پئی سونے دی مورت دی عبادت کرن۔ تین یہودی تہاڈے حکم نوں نہیں مندے پئے۔“ بادشاہ: ”کیہ؟ اوہ میرا حکم نہیں مندے پئے؟ چھیتی اوہناں نوں میرے کول لے کے آﺅ۔“ (دانی ایل تے او ہدے بیلیاں نوں بادشاہ دے کول لیایا گیا) بادشاہ: ”کیہ ایہہ سچ اےپئی تسی سونے دی مورت اگے سجدہ نہیں کیتا؟ میں تہانوں اک ہورموقع دیندا اَں۔ جے فیر وی تُساں انکار کیتا، تے تہانوں اوسے ویلے اگ دی بلدی بھٹی وچ سُٹ دِتا جاوے گا۔ ایہہ ناں سوچو پئی فیر تہاڈا خدا تہانوں بچا لوےگا۔“ تہاڈےلئی ایس حال وچ کیہ ضروری ہووے گا؟ تہاڈی زندگی یا فیر خدا دے نال وفاداری؟ اوہناں تین بیلیاں نوں جواب سوچن لئی بہتا ویلا نہیں چاہیدا سی۔ دانی ایل دا بیلی: ”جے ساڈا خدا چاہوے تے اوہ سانوں اگ دی بلدی بھٹی وچوں وی بچا لووےگا۔ پر جےاوہ ایس طرح ناں وی کرنا چاہوے، اسی تاں وی اوہدے نال وفادار رہواں گے۔ اسی اک بُت نوں کدی سجدہ نہیں کراں گے۔“ ایہہ بندے ہر شےنالوں ودھ خدا نوں پیار کردے نے۔ نبوکدنضر غصّےنال بھر گیا۔ بادشاہ: ”بھٹی نوں ست گنا بہتا گرم کرو تے اینہاں نوں اوہدے وچ سُٹ دیو۔“ فیراوہناں نوں اگ دی بلدی بھٹی وچ سُٹ دِتا گیا۔ اوہ بہت گرم سی ایڈی پئی جنہاں سپاہیاں اوہناں نوں چُک کے وچ سُٹیا سی اوہ وی سڑ گئے تے ڈِگ پئے۔ بادشاہ اگ نوں ویکھدا رہیا۔ بادشاہ: ”مینوں اگ وچ چار بندے ٹُردے پھردے دِسدے پئے نے۔ اوہناں وچوں اک دی شکل خدا وانگ اے۔“ بادشاہ نے بھٹی دا بوہا کھولیا۔ قادرِمطلق خدا دے نوکرو، باہر نکل آﺅ! اوہ بندے سڑے بغیر باہر آ گئے۔ اوہناں دا اک وال وی ناں دھوانکھیا، تے ناں ای اوہناں دے کپڑیاں وچ سڑن دی بو آوندی پئی سی۔ خدا نے اوہناں نوں اگ وچوں بچا لیا۔ کیہ تُسی ایس خدا نوں جاندے ہو جیہڑا ایڈے وڈےمعجزے کرسکدا اے؟ اوہدے نال سدا تے ہر تھاں وفا دار رہو۔ لوک: بیان کرن والی، بادشاہ دا سنیہا دین والا، الزام لاون والا، بادشاہ، دانی ایل دا بیلی حقوق: بحق سی ای ایف جرمنی محفوظ نے۔ |