STORIES for CHILDREN by Sister Farida(www.wol-children.net) |
|
|
Home عربي |
Home -- Platt (Low German) -- Perform a PLAY -- 119 (Dani fell 3) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen
119. Dani es raufjefollen 3Groossmame kjijt no de Kjäakjeklock. Dani musst aul längst mol Tus senen. See bäd opp stelles un Annett klautad met Pape opp däm Boajch nopp, om am to siekjen. Papa: "Dani! Dani, hiescht du ons?" Annett: "Papa, bestemt haft Lukas waut met de Sach to doonen. Ekj ran mol schwind toom am froagen." Annett rand nom Nobahus, un dan no de Schien. Aus eene wille Kaut kroop see opp de Lada nopp, un schmeet sich opp Lukas dee doa saut un hield. Annett: "Woo es Dani? Waut hast du met am jedonen?" Lukas: "Ekj weet nich wua hee es. Daut es nich miene Schult." Annett: "Waut wia nich diene Schult? Saj fuatz wua hee es, sonst woa ekj de Plizei holen." Lukas: "Dani es doot." Annett wort rein gaun blauss. Dan rand see Lukas hinjaraun, dee ar no däm Aufgrunt leiden deed, wua Dani raufjefolen wia. De Papa leet sich aun eenem Strank no unje brinjen. Bie eenem grooten Steen funk hee Danie un siene Been wieren gaunz vedrallt. Papa: "Dani läft, hee es nich doa im Wota vedrunken." Annett kjijd too, woo Papa met Dani huach klautren deed, un hee kun uk noch daut witte Mietzkji raden. Gott haut Dani sien Läwen beschitzt. Uk wan de Doktasch am sea goot behaundlen deeden, kun hee bloos noch opp Kjräkje gonen. Annett: "Lukas es Schult doaraun!" Haft Annett Rajcht? See hausst Lukas, un wort doaderch ema onjlekjlicha. In äarem Hoat wia kjeen Plautz fa daut, waut de Papa Zeowens ut de Bibel väaläsen deed. Daut interesieed ar nich, daut Jesus jiedrem leeft un Hot vejäwen deit. Vejäwen? Nä. See wull sich aufrakjen. Opp de Trapp von däm Nobahus sach Annett eenen Dach een wundaschmoket utjeschnitztet Pieet. See bwundat de Hoa, de Heefta, eefach wundaschmok. Annett: "Daut haud ekj Lukas nich tojetrut. Hee well bestemt dän ieschten Pries jewenen in de School wann dee aula äare Haundoabeit metbrinjen toom seenen wäa daut baste haft. Oba daut woa ekj nich toloten. (Een jelud: Holt fällt opp de Flua, traumplen met de Feet) See naum daut konstvolle Woakj von Lukas un schmeet daut opp de Ieed un vetraumpeld daut. Soo väl Hot kaun ut eenem Hoat komen. Annett wisst goot, daut det Onrajcht wia waut see deed, oba see docht: Lukas es noch väl schlajchta. Heemlich schlijd see sich doa wajch. Un im näachsten Spell toom horchen vetal ekj die, woo daut wiedajeit. Persoonen: Eena waut vetalen deit, Papa, Annette, Lukas Copyright: CEF Germany |