STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 105 (The sign on the door 5)

Previous Piece -- Next Piece

JUCH’UY WAKICHIYKUNA – rejsichisqa waj wawakunapaj!
Juchuy Kuentitus wawaskunapaj Ruwaskan

105. Punkupi uj señal 5


Tuta tutamanta uj jatun carro ch’usanapaj wasi punkuman sayaykusqa.

Niño: "Mamáy, mamay, jamushankuña."

Mamá: "Uuum, chay palomasniykej wasinkuta oqharikuy uasqayta á."

Niño: "¿Jaimito uyarinkichu? Ripusunchej kaymanta, (gorjeo de pájaro) ¿munankichu? imaynacha kashanni ripunanchejmantaqa."

Mana wawakunallachu jina kasharqanku, kurajkunapaj kusiymantacha qharkarishasqanku ripunankuta yachaspaqa, ima oqharikunankuta mana atisqankuchu kusiywan sustuwan ima kashasqanku. Imayna t’ukunapunichu karqa, tukuy llajtitantimpuni ripunankupaj wakichikusqankoqa.

¿Qan imayna kasqankutataj yuyanki?

Chay Israelitakunaqa unay watakunaña mayta munasqaku chay wata runa kayninkumanta kacharichikuspa Egipto suyumanta llojsipuyta tukuy Irael llajtitantin. Faraóntaj manapuni kachariyta munasqachu, kallpawan qhepachisqa sinch’i llank’anapi k’irinchasqa kanankupaj. Chay jina ñak’ariypi kaspataj tuta p’unchay Diosman qhaparikusqanku, chayrayku Diostata askha milagrokunata ruwasqa, chaywampis Faraónqa sinch’illapuni kasqa mana kachariyta munaspa.

Diostataqa watej ujtawampis nillasqataj imachus kanantaqa.

Dios: "Moisés, riy tinkumullayta Faraónwan. Kunan tuta Egiptonta pasasaj sapa wasipitaj kuraj qhari wawanku wañunqa."

Chayta tutataj uj juch’uy wawa israelitakunamanta tatan corderota ñak’ajta qhawasqa:

Josué: "¿Tatáy, imaraykutaj kay corderota wañuchishankirí?"

Padre: "Josué, qampa kawsayniyki salvasqa kanampaj. Diostatanchej ajinata munan."

Chay tataqa corderoj yawarninta jap’ispa chaywan wasi punkusninman ujawisqa.

Padre: "Yawarqa uj jark’acha jina noqanchejpaj waway. Diostata kunan tuta kayninta pasanqa castigaspa Egiptoj sajra kayninta, wasi punkunchejpi yawarta rikuspataj, mana chay jasut’i noqanchejman chayawasunchu."

Josué: "Uuumm, llakikuni kay corderitomanta, jinapis wañuymanta salvawanqa."

Tukuy israelitakuna yawarqan uj señalta wasi punkusninkuman jawisqanku.

Padre: "Josué, yaykuy yaykuy waway laqhakamushanña. Sumajta p’achaykita churakuy, wakisqa kananchej tiyan."

Sayasqallapi mikhusqankupis.

Chawpi tutatataj manchay llakiywan qhapariykuna uyarikusqa. Sapa wasipi egipciospapeqa kuraj qhari wawanku wañusqa.

Faraón: "Usqayta kay Egipto suyumanta llojsiychej, tukuy imaykichejchu kajwan llojsiychej, ¡chinkasqata chinkaychej kaymanta kunitampacha!"

Chaypacha uj millón kuraj qharikuna, wajlla warmikuna, jinataj wawakunapis Egipto suyuta saqespa llojsisqanku.

Josuéqa kuraj kaj wawa kasqa kawsasharqataj, tatanqa yoqallituta makinmanta jap’ispa orqhosqa. Chay wasi punkuman yawarwan jawisqanku wañuymanta salvasqa.

Diostataqa salvayta munawanchejpuni jasut’iykunamantaqa. Payqa kawsayta munakun manataj wañuytaqa. Señor Jesúcristo cruzpi warkhurayaspa, may jina maqasqa yawarta jich’ashajtin, uj señal karqa Diostata wiñay wañuymanta salvanawanchejpaj. Chayrayku Jesús nerqa:

"Pichus noqapi creejqa, wañusqapi kawsanqa", nispa.


Personajes: Relator, niño, mamá, Dios, Josué, padre, Faraón

© Copyright: CEF Germany

www.WoL-Children.net

Page last modified on August 08, 2023, at 05:04 PM | powered by PmWiki (pmwiki-2.3.3)