Platt - Low German, Dramas: Piece 103 – Eene Stemm un nuscht to seenen 3

This page in HTML4 - Print - Bottom

Home -- Platt (Low German) -- Perform a PLAY -- 103 (The voice of the unseen 3)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

103. Eene Stemm un nuscht to seenen 3

Een jeheemnisvolla Spekjastruck: (Een jeruschel, aus wan Fia brent) Daut gaunza Struck deed brenen, oba dee vebrend nich.

Mose jinj langsam noda. Dit Jeheemnis wull hee onbedinjt unjasiekjen.

Mose: "Dit es wundalich. Woo kjemt daut bloos, daut daut Struck nich vebrennt?"

Gott: "Mose! Mose!"

Irjendswäa deed sienen Nomen roopen. Oba wiet un breet wia kjeen Mensch to seenen.

Gott: "Mose!"

Mose: "Jo. Hia sie ekj."

Gott: "Kom noda. Trakj diene Schoo ut. Wiels doa, woo du steist, es Gott sien Launt. Ekj sie de Gott, aun däm dien Voda jejleeft haft."

Mose vefieed sich. Gott wia doa. Meddel in däm Struck waut doa brend. Mose woagd sich nich mea hantokjikjen. Met sienem Kjleet deed hee sien Jesecht bedakjen. Gaunz kloa hieed hee Gott siene Stemm.

Gott: "Ekj hab jeseenen, woo Farao mien Volkj in Ägypten veskloft haft. Ekj hab jehieet woo dee no Help schrieen. Un nu well ekj iend frie moaken, in en een goodet Launt fieren. Mose ekj bruck die. Du saust no Farao gonen un mien Volkj ut de Sklowerie frie moaken."

Mose: "Ekj? Wuarom ekj? Daut kaun ekj nich."

Mose haud väl toom doajäajen hoolen. Hee kun sich daut eefach nich väastalen, daut Gott am bruken kun. Oba Gott meend daut iernst.

Mose sul Millione Menschen frie moaken.

Du un ekj haben uk eenen dee ons frie jemoakt haft. Weetzt du daut?

Secha sent wie nich Sklowen in Ägypten. Oba daut jeft eenen, dee ons jiern toom beeset doonen bedwinjen well. De Diewel. Hee deit Menschen vesklowen un well nich daut wie frie woaren. Oba Jesus es de stoakjra waut ons frie moaken kaun. Hee haft däm Diewel besiecht.

De Gloowen aun Jesus moakt rechtich frie. Daut wensch ekj die.

Gott well frie moaken. Doawäajens schekjt hee Jesus no ons, un Mose no Ägypten.

Gott muak Mose fa dise Oppgow stoakj un gauf am de Macht, Wunda to doonen.

Oba daut scheenste wia sien vespräakjen:

Gott säd: "Mose, du brugst nich Angst haben. Ekj go met die un halp die. Dien Brooda woat met die metgonen. Hee kjemt die aul entjäajen. Moak die opp däm Wajch."

Gott jinj met. Daut riejt to.

Wudd Mose daut hankjrieen de Israeliten von Ägypten frie to moaken?

Persoonen: Eena waut vetalen deit, Mose, Gott

This page in HTML4 - Print - Top