411. هڪ فرشتو آيو

مرقس قالين تي ليٽيل هو۔ هڪ دلچسپ ڪتاب هن جو ڌيان کي پاڻ ڏانهن ڇڪيو هو۔ (دروازي تي گھنٽي جي آواز)

مرقس: ”هن وقت دروازي تي ڪير آهي؟“ (دروازو کولڻ جي آواز)

مرقس: ”ايلڪس، هي تون آهين؟ تون ڪٿان آيو آهين؟“

تون کي حيران ڪرڻ ۾ ڪامياب ٿِي ويس۔ مرقس خاموش هو۔ هن جو بهترين دوست ٻہ سال اڳ هليو ويو هو، ۽ ان وقت کان انهن هڪ ٻئي کي نہ ڏٺو هو۔

اسرائيل ۾ هڪ جوان ڇوڪرِي جي گھر اهڙو مهمان آيو جنهن جو هن سوچيو بہ نہ هو۔

بغير اجازت جي۔ اوچتو هو ان ڇوڪرِي جي سامهون آيو: هڪ فرشتو!

خُدا بہ ائين ئي آهي۔ هو اوچتو اچي ٿو۔ جڏهن ڪو بہ هن جي اچڻ جو نٿو سوچي۔

مريم کي بہ حيراني ٿي۔

فرشتو: ”ڊڄ نہ مريم۔ خُدا تو سان پيار ڪري ٿو۔“

خُدا اچي ٿو ۽ اسان سان ڳالهائي ٿو۔ ۽ هن اڄ بہ ائين ڪيو۔ هو پنهنجي ڪلام جي ذريعي اسان سان ڳالهائي ٿو، بائبل مقدس جي ذريعي۔ اڪثر هو معجزن جي ذريعي ڳالهائي ٿو ۽ ٻين ماڻهن جي ذريعي بہ۔ جڏهن بائبل نہ هوندي هئي، هن اڪثر خوابن جي ذريعي ڳالهہ ڪئي يا فرشتن کي ماڻهن جي وٽ موڪليو۔

فرشتو: ”مريم، خُدا تو سان گڏ آهي۔ تو کي هڪ پٽ ٿيندو۔ تون هن جو نالو يسوع رکجانءِ۔“

مريم: ”هي ڪيئن ممڪن آهي؟ منهنجي تہ شادي بہ نہ ٿي آهي ۽ منهنجو تہ مڙس بہ نہ آهي۔“

فرشتو: ”خُدا تنهنجي ذريعي معجزو ڪندو۔ روح القدس تو تي نازل ٿيندو ۽ خُدا تعاليٰ جي قدرت تو تي ڇانو ڪندي۔ ان سبب سان هو مولودِ مقدس خُدا جو پٽ سڏيو ويندو۔“

مريم: ”مان خُداوند جي خدمت ڪنديس۔ مون سان تنهنجي قول جي مطابق ٿئي۔“

معجزو ٿيو۔ بيت لحم جي واڙي ۾ خُدا جو پٽ پيدا ٿيو هو۔ يسوع ۾، خُدا اسان جي دنيا ۾ آيو هو۔

خُدا اسان وٽ آيو تہ جيئن اسان هن وٽ وڃي سگھون۔

مون ڪيترائي دفعا ڪرسمس ملهايو آهي، پر هي معجزو مون کي هميشہ حيران ڪندو رهي ٿو۔ عظيم خُدا انسان ٿِي اسان وٽ آيو۔ يسوع جي ذريعي خُدا اسان جي ويجھو آيو، ايترو ويجھو جو ماڻهو هن کي ڏسي سگھن ٿا ۽ هن کي هٿ هڻي سگھن ٿا۔ ان وقت دراڙ هن ڳالهہ سان تمام گھڻو خوش ٿيا هئا۔ خُدا اسان وٽ اچي ٿو، ۽ يسوع ۾ هو توهان وٽ بہ اچي سگھي ٿو۔

ڇا توهان هن کي پنهنجي زندگي ۾ اچڻ جي دعوت ڏيڻ پسند ڪندا؟ توهان هي ڪري سگھو ٿا دعا گھري، شايد هن طرح:

مرقس: ”خُداوند يسوع، مهرباني ڪري منهنجي زندگي ۾ اچو۔ مان توهان لاءِ پنهنجي دل جو دروازو کوليان ٿو۔ مان هميشہ لاءِ توهان سان تعلق رکڻ چاهيان ٿو۔ توهان جي عظيم پيار جي مهرباني۔“

خُدا توهان وٽ اچي ٿو تہ جيئن توهان هن وٽ وڃو۔

ماڻهون: بيان ڪرڻ واري، مرقس، فرشتو، مريم

ynamreG FEC :thgirypoC ©