STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 156 (Esther – star of the East 1) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 651. آستر – مشرق دا تارا ۱کُڑی: ”کیہ تُسی مینوں جاندے ہو؟ میرا ناں ہدسہ اے میَں فارس وچ رہندی اَں۔ پر میَں ایتھے پردیسی اَں۔ میرے ماں پیو مر گئے نے۔ میَں ہن ایہہ گل یاد وی نہیں کرنا چاہندی۔ مردکی، اک رشتہ دار نے مینوں پناہ دِتی۔ اوہ اک چنگا متریا پیو اے۔ اسی اک وڈے شہر سوسا وچ رہندے اَن۔ ایتھے ہر کوئی مینوں آستر آکھدا اے۔ میرے فارسی ناں دا مطلب اے ’پورب دا تارا‘۔“ اک انجان، سوہنی تے سمجھدار یتیم نوں ایہہ اندازہ نہیں سی پئی اوہ اک دن روشن تارے وانگ چمکے گی تے بڑی مشہور ہووے گی۔ آستر ملکہ بن گئی۔ اوہدی کہانی بائبل وچ بیان کیتی گئی اے۔ عظیم بادشاہ اخسویرس نے اوہنوں چُن لیا۔ ساریاں جوان کُڑیاں وچوں، اوہنوں آستر چنگی لگی۔ اوہنے اوہدے سر اُتے تاج دھریا تے اک بڑی وڈی دعوت رکھی۔ اوس دن اوہنے پورے ملک وچوں کوئی محصول ناں لیا ایہدے بجائے اوہنے تحفے ونڈے۔ ایہہ کوئی اتفاق نئیں سی پئی آستر عین اوسے ویلے ملکہ بنی۔ مینوں پکا یقین اے پئی خُدا دے اثر دی بدولت بادشاہ اخسویرس نے اے چناﺅ کیتا۔ آستر تے پوری دُنیا دے بادشاہ اُتے یقین رکھدی سی، جنہے بادشاہ دے دل نوں ایس معاملے وچ استعمال کیتا سی۔ آستر آپنے نال اک راز محل وچ لے گئی۔ کوئی نہیں جاندا سی پئی اوہ یہودی اے۔ اوہدے مترئے پیو نے اوہنوں منع کیتا پئی ایہہ کسے نوں ناں دسیں۔ اوہنے اوہدی گل منی تے ایہدے بارے چپ رہی۔ مردکی وی بادشاہ لئی کم کردا سی۔ اک دن اوہنے بادشاہ دے دو نوکراں نوں بادشاہ دے خلاف سازش کردے ہوئے ویکھ لیا۔ اوہناں نے اوہنوں مارن دا منصوبہ بنا لیا۔ مردکی نے ملکہ آستر نوں ایہدے بارے دسیا تے آستر نے فوراً بادشاہ نوں ایہدے بارے آگاہ کیتا۔ ایس سازش دا چھیتی ای ساریاں نوں پتہ لگ گیا تے قصوروار بندیاں نوں چھیتی ای سزا دے دِتی گئی۔ اخسویرس نے آپنے مُنشی نوں ایہدے بارے وچ آپنے روزنامچہ وچ لکھن نوں آکھیا، جیہڑا پئی اوہنے کیتا۔ اجے بہتا چِر نہیں سی ہویا پئی اک مطلبی قسم دا مُنڈا محل وچ آیا۔ غرور نال بھریا شیخی باز ہامان۔ اوہنے آپنے آپ نوں بادشاہ دی نظر وچ بڑا چنگا ثابت کر لیا۔ ہامان فارسی حکومت دے دوجے درجے دا ساریاں نالوں طاقتور بندہ سی۔ اوہ اک ایسا بندہ سی جہدے دل وچ ابلیس دا منصوبہ سی۔ اگلی کہانی وچ تُسی ایہدے بارے وچ سُنو گے۔ لوک: بیان کرن والی، کُڑی حقوق: بحق سی ای ایف جرمنی محفوظ نے۔ |