STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 155 (Hands off 3) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 551. ہتھاں نُوں دُور رکھو ۳کیہ تُسی جاندے ہو پئی قسمت دا حال دسن والا کون ہوندا اے؟ بچہ: ”ایہہ کوئی ایسی عورت ہوندی اے جیہڑی شیطان لئی کم کردی پئی ہوندی اے، تے ایسے کر کے اوہ دسدی اے پئی آون والے ویلے وچ کیہ ہون والا اے۔“ اوہ جو دسدی اے اوہ پورا غلط نہیں ہوندا پر اوہ کوشش کردی ہوندی اے پئی رلدا ملدا دسدے۔ قسمت دا حال دسن والے بڑے لمبے عرصے تھوں موجود نے۔ جدوں پولس آپنے بیلی دے نال فلپّی نوں گیا، تے بائبل سانوں دسدی اے پئی اک عورت دوڑدی ہوئی اوہناں دے پیچھے گئی، تے اوس عورت وچ اک بدروح سی جیہڑی قسمت دا حال دسدی ہوندی سی۔ اوہ گلی وچ اُچی اُچی چیکن لگ پئی۔ قسمت دا حال دسن والی: ”ایہہ بندے خدا دے خادم نے۔ ایہہ تہانوں دسن گے پئی تُسی کس طرح بچ سکدے او۔“ بچہ: ”پر اینہے تے سچ آکھیا ناں!“ بالکل سچ۔ پر پولس اجے تیک ایہدے تھوں خوش نہیں سی۔ اوہنوں اوس عورت دی مشہوری دی لوڑ نہیں سی۔ پولس: ”یسوع مسیح دے ناں وچ: ایس عورت نوں چھڈ دے!“ قسمت دا حال دسن والی روح اوسے ویلے اوہنوں چھڈ گئی۔ یسوع ای فتح مند اے! شیطان اوہدے اگے کمبدا اے۔ ویسے تے اسی اوہنوں ویکھ نہیں سدے، فیر وی شیطان ایس کم وچ مصروف رہندا اے پئی اوہ لوکاں نوں خدا اُتے یقین کرن تھوں روکدا روئے۔ ایس لئی اوہ سانوں دوجا راہ وکھاندا اے: توہم پرستی دا راہ۔ ایہہ بالکل سچ اے پئی جو کوئی یسوع لئی آپنے دل دا بوہا بند کردا اے اوہ اینہوں توہم پرستی لئی کھولدا اے۔ اسی اہنوں اینہاں تعویزاں توں پچھان سکدے اَں جیہڑے پئی بہت سارے لوک گلے دے ہاراں تے ہتھ دے کڑیاں وچ پاندے نے۔ اسی اینہوں اوہناں شیواں وچ پچھان سکدے اَں جنہاں نوں لوک آپنی گڈی وچ ٹنگدے نے۔ شیطان سانوں ایس طرح دے ای جھوٹھے کھیڈاں وچ جھوٹن والیاں شیواں وچ پریشان کرن دی کوشش کردا رہندا اے تے سوچن تے مجبور کردا رہندا اے پئی اسی آپنے آون والی حیاتی نوں جانن دے چکر وچ لگے رہئے۔ بچہ: ”تے جے اسی ایہہ سب بس شغل میلے لئی کرئیے؟“ مارٹن نے وی ایہو سوچیا، جدوں اوہدے سکول وچ کجھ بچیاں نے گھومن والے گلاس دی مدد نال روحاں نال گل کرن دی کوشش کیتی۔ پر اوہدے بعد اوہ بڑے خوف وچ رہن لگ پیا تے اوہنوں خوف ناک خواب آون لگے۔ کیہ تہانوں سیاہی دان والے تجربے بارے پتہ اے؟ آپنی اک انگل نوں سیاہی دان وچ پاﺅ بس مذاق لئی۔ تے دوجی اُنگل نوں سنجیدگی نال پاﺅ۔ بچہ: ”بھائی، دونہویں انگلاں نیلی سیاہی نال بھر گئیاں نے!“ تے فیر آپنے آپ نوں دشمن دیاں دعوتاں تھوں بچا کے رکھو۔ ایہدے نال فرق نئیں پیندا پئی ایہہ مذاق لئی اے یا سنجیدگی لئی، کیوں جو پچھتاوا سدا رہندا اے۔ مثال دے طور تے، ہو سکدا اے تہاڈا دل ناں کردا ہووے پئی بائبل پڑھو یا دعا کرو۔ بچہ: ”کیہ تُسی آپنے ستاریاں دا حال پڑھدے ہو؟“ نہیں۔ بچہ: ”میری امی وی نہیں پڑھدی۔ اوہ آکھدے نے پئی خدا وی ایہدے تھوں منع کردا اے۔ اوہ چاہندا اے پئی اسی بس اوہدے اُتے یقین کرئیے۔“ تے جدوں تہاڈے کول یسوع ہووے، تے تہانوں ہور کجھ وی نہیں چاہیدا ہوندا۔ اوہ فتح مند اے تے دشمن دے جالاں وچوں سانوں کڈھن وچ ساڈی مدد کردا اے۔ اوہ تہاڈے نال پیار کردا اے تے ایس لئی اوہ آپ تہاڈی راکھی کرے گا! لوک: بیان کرن والی، بچہ (بچی)، پولس، قسمت دا حال دسن والی حقوق: بحق سی ای ایف جرمنی محفوظ نے۔ |