STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 108 (Bela's Bible) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 801. بَیلادی بائبلٹپری واساں دی گڈی چھونٹے لیندی سڑک اُتے چڑھی۔ بچیاں نے ہتھ ہلایا۔ بیلا: ”ابو، میَں کسان لئی کم کرنا چاہندا اَں۔“ پیو: ”توں چھیتی اک جاویں گا۔“ ماں: ”بیلا تے کم؟ کڈے مخول دی گل اے ایہہ!“ بیلا دا دل ادُکھی ہو گیا پئی اوہدے ماں پیو نوں اوہدے اُتے بھروسہ نئیں اے جد کہ اوہ کم کرنا چاہندا سی۔ اگلے ای شہر وچ اوہ گڈی توں چھال مار کے اُتر گیا تے دوڑ گیا۔ اوہنوں اوہ فارم پسند سی جہدی باریاں وچ پھُل سن۔ (کھڑکان دی واج) کسان: ”سلام۔ توں کون ایں؟“ بیلا: ”میرا ناں بیلا اے تے میَں تہاڈے لئی کم کرنا چاہندا اَں۔“ کسان: ”توں بالکل ٹھیک ویلے اُتے آیا ایں مدد کرن لئی آلو دی فصل دی واڈی لئی۔ پر پہلاں تینوں کجھ کھانا چاہیدا اے۔ آجا اندر آجا۔“ بورچی خانے وچوں آون والی خوشبو نے بیلا نوں ایہہ یاد کرا دِتا پئی اوہنوں اینی بھُک لگی اے جس طرح پئی کوئی بھُکھا ریچھ ہووے۔ کسان: ”اسی کھان توں پہلاں دعا کردے اَں۔ ’اے خداوند ہر چنگا تحفہ تے سب کجھ جو ساڈے کول اے سب تیرے وَلوں سانوں ملدا اے۔“ دعا کرنا تے بائبل وچوں پڑھنا بیلا لئی بڑی نوی گل سی۔ پر اوہنوں ملنسار کسان دے نال رہنا چنگا لگدا سی۔ سگوں کم کرن وچ اوہنوں مزہ آوندا سی، اجے پئی دن دے اخیر اُتے اوہدا لک پیڑ کردا سی۔ اک ہفتہ لنگ گیا۔ (کُتیاں دے بھونکن دی واج) بیلا: ”نیرو، کیہ گل اے؟ کیہ توں ایہہ چاہندا ایں پئی میَں گیند دے نال تیرے نال کھیڈاں؟“ باہر، نیرو نے آپنے کن خوشی نال کھلار لئے۔ نالے بیلا نوں نےوی ایہہ سُنیا (ولیتی سارنگی وجن دی واج)۔ بیلا: ”نیرو، کوئی ولیتی سارنگی وجاندا پیا اے۔ ایہہ ضرور میرے ماں پیو ہون گے۔ اوہ اگ دے کول بیٹھے، جنگلی چوہا بھُندے پئے نے تے گانے گاوندے پئے نے۔ مینوں گھر دی بڑی یاد آوندی پئی اے۔ کیہ توں ایہہ سمجھ سکدا ایں؟“ بیلا نے بورچی خانے وچ چہاتی ماری، پر اوتھے کوئی نئیں سی۔ اوہنے بائبل چُک لئی جیہڑی میز اُتے پئی سی تے رات دے ہنیرے وچ گواچ گیا۔ پیو: ”بیلا، ایہہ توں ایں۔ کیہ توں ساڈے لئی کجھ لیایا ایں؟“ بیلا: ”میَں آپنے نال ایہہ کتاب لیایا اَں۔“ ماں: ”گرِگر ایہنوں پڑھ سکدا اے۔“ گرِگر: ”پئی، ویکھو، ایہہ تے پاک کتاب اے۔ ایہدے اُتے لکھیا اے: ساڈے خداوند یسوع مسیح دا نواں عہد نامہ۔“ ماں: ”ایہہ چنگی کتاب اے ایہنوں ساڈے لئی پڑھ!“ گرِگر: ”اک بندہ یسوع دے کول آیا تے پوچھیا: مینوں آپنی نجات لئی کیہ کرنا چاہیدا اے؟ یسوع نے اوہنوں جواب دِتا: خدا دے حُکماں نوں من۔ چوری نہ کر۔“ ماں: ”چوری نہ کر؟“ شرم نال ٹپری واساں نے اک دوجے وَل ویکھیا، ایس تھوں پہلاں اوہناں وچوں ہر اک نے کجھ نہ کجھ چوری کیتا سی۔ بیلا نے تے بائبل وی چوری کیتی سی۔ پر اوسے شام، اوہ ایہنوں مُڑ لے گیا۔ کسان: ”بیلا، ایہہ تے کمال ہو گیا۔ توں ساڈی بائبل لے گیا سیں؟ خیر، میَں ایہہ تینوں دے دیناں۔“ بیلا: ”واقعی، کیہ میَں ایہنوں آپنے کول رکھ سکدا اَں؟“ بیلا خوش سی۔ بائبل دے وصیلے ٹپری واساں نے یسوع نوں جانیا تے اوہدے اُتے ایمان لیائے۔ لوک: بیان کرن والی، بیلا، پیو، ماں، گرِگر، کسان حقوق: بحق سی ای ایف جرمنی محفوظ نے۔ |