STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 066 (He's finally here) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 66. آخرکار او آگیاسوین: ”آخر اوہ کدوں آون گے؟“ سوین بڑی مشکل نال اُڈیکدا پیا سی۔ اوہ مُڑ مُڑ باری ول جاندا پیا سی۔ سوین: ”امی، ابو کدوں آون گے؟“ ماں: ”ہن بہتا چِر نئیں اے۔ اوہناں اج ای آپنے کم دے بعد گھر آونا اے۔ مینوں امید اے اوہ گڈیاں دی بھیڑ وچ ناں پھس گئے ہوون۔“ سوین: ”اوہ اج میرے لئی نوی کمپیوٹر گیم لے کے آوندے پئے نے۔ کاش اوہ ایسے ویلے آ جاون!“ کاش اوہ ایسے ویلے آ جاوے! اسرائیل دے لوکاں نے بڑے ورھیاں پہلاں ایہو گل سوچی۔ اوہناں نے اُڈیک کیتی تے امید رکھی پئی اوہ چھیتی آوے گا، اوہ بچاون والا جہدا خدا نے وعدہ کیتا سی۔ اندریاس نوں بے صبری نال اُڈیک سی۔ اوہ اوہدی اُڈیک وچ سی جیہڑا نجات تے سلامتی لیاوے گا۔ اوہ بہتا یوحنا دے نال رہندا سی۔ اوہ سدا اوہدے بارے وچ گل کردا سی تے اوہنوں ویکھیا وی ہویا سی۔ تے فیر اندریاس دی زندگی دا ساریاں نالوں چنگا دن آ گیا۔ اوہ یوحنا دے نال یردن دریا دے کنڈے کھلوتا سی جدوں یوحنا اچانک پکاریا: یوحنا: ”ویکھو، اوہ رہیا: یسوع! وعدہ کیتا ہویا بچاون والا۔“ اندریاس نے اوس پاسے ویکھیا جتھے یسوع کھلوتا سی۔ اندریاس: ”اوہ جے! آخر اوہ ایتھے آ ای گیا اے۔“ اندریاس یسوع نوں جاننا چاہندا سی۔ اوہ آپنے دوست دے نال یسوع دے پیچھے ٹُر پیا۔ یسوع نوں ایہہ چنگی طرح پتہ اے پئی کون اوہنوں لبھدا پیا اے تے کون اوہنوں جاننا چاہندا اے۔ اوہ پیچھے مڑیا تے پوچھیا: یسوع: ”تُسی کیہنوں لبھدے پئے ہو؟ تُسی کیہ چاہندے ہو؟“ اندریاس: ”تُسی کِتھے رہندے ہو؟“ یسوع: ”میرے نال آوو میَں تہانوں وکھالاں گا۔“ اوہ بڑی خوشی تے جوش وچ یسوع دے نال ٹُر گئے۔ اوہناں نے ویکھیا پئی اوہ کِتھے رہندا اے تے سارا دن اوہدے نال رہے۔ یسوع دے نال رہ کے ساریاں نوں بڑی خوشی ملدی اے۔ کیہ تہاڈے کول ایہہ خوشی ہے؟ اندریاس دی خوشی دی کوئی حد نئیں سی۔ اوہ ایس عجیب تجربے بارے کسے نوں دسنا چاہندا سی۔ دوجیاں نوں وی دسو۔ بس اینا ای کم کرنا اے! تُسی یسوع دے بارے اج کیہنوں دس سکدے ہو؟ اندریاس نے ساریاں نالوں پہلاں آپنے بھرا نوں دسیا۔ اندریاس: ”شمعون، سانوں یسوع مل گیا اے! اوہ ایتھے ای اے۔ میرے نال آوو، تہاڈے لئی وی ضروری اے پئی اوہنوں جانو!“ اندریاس دا جوش ویکھن والا سی۔ شمعون نے آپنے بھرا دا یقین کیتا تے اوہدے نال ٹُر گیا۔ تے ایس طرح لگدا پیا سی جس طرح یسوع اوہناں نوں اُڈیکدا ہووے۔ یسوع نوں اوہدا ناں وی پتہ سی۔ یسوع: ”توں شمعون ایں۔ پر ہن تھوں تینوں پطرس آکھیا جاوے گا۔“ اک نواں ناں۔ ایہدا مطلب سی پئی یسوع اوہنوں اک نواں انسان بناون گے۔ یسوع نوں لبھن تے اوہدے پیچھے ٹُرن نال ساڈی زندگی بدل جاندی اے۔ ایس تھوں مینوں تسلی ملدی اے، کیوں جو اوہ مینوں وی بدل سکدا اے۔ لوک: بیان کرن والی، سوین، ماں، یوحنا، اندریاس، یسوع حقوق: بحق سی ای ایف جرمنی محفوظ نے۔ |