STORIES for CHILDREN by Sister Farida(www.wol-children.net) |
|
|
Home عربي |
Home -- Malagasy -- Perform a PLAY -- 020 (On the run 5) This page in: -- Albanian -- Arabic -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- MALAGASY -- Malayalam? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Sindhi -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
LALAO – tanteraho miaraka amin’ny ankizy hafa!
Tantara kely holalaovina an-tsehatra
20. Eo amin'ny ankihikely 5Nidobodoboka teny an-dalana ny kitron-tsoavaly ho any an-tranon'ny mpanjaka. Avy be ny orana. Nitsambikina i Ahaba mpanjaka raha vao nijanona ilay kalesy, ary niditra tao an-dapa. Ahaba: "Ry Jezebela, Jezebela, tsy azonao vinavinaina ny zavatra nitranga androany. Nisy afo nilatsaka avy tany an-danitra. Hitan'ny olona rehetra fa ny Andriamanitr'i Elia no hany Andriamanitra marina. Tsy nahavita nanampy i Bala, maty daholo ny mpanara-dia azy." Nohenoin'ny mpanjakavavy avokoa ny teny rehetra. Mety handresy lahatra azy ve fa Jehovah no Andriamanitra ny fisian'io vaovao io sy ny orana milatsaka? Tsia, tezitra be izy nandre izany! Jezebela: "Hovonoiko i Elia." Ary nony ren'i Elia fa nitady hamono azy ny vadin'ny mpanjaka, dia nandositra izy. Nihazakazaka haingana be noho izay efa nataony teo amin'ny fiainany izy. Nihazakazaka teo amin'ny 200 kilometatra teoi zy! Saingy na dia teo aza izany, mbola tsy nahatsiaro ho voaro ihany. Dia nihazakazaka nianatsimo izy, fa ny tahotra nitondra azy ho any an-efitra. Inona no ataonao rehefa matahotra ianao? Eo Andriamanitra! Navelan'i Elia hitarika azy foana Andriamanitra. Fa tamin'ity indray mitoraka ity, navelany hitarika azy ny tahotra... Rehefa tsy afa-namindra intsony izy na dingana iray aza, dia nipetraka teo ambanin'ny roimemy, ary nivavaka hoe: Elia: "Tompo ô, tsy zakako intsony ilay izy. Avelao aho ho faty." Eo Andriamanitra. Saingy tsy namaly izany vavaka izany tamin'ny "eny" Izy. Navelan'Andriamanitra natory i Elia, ary avy eo dia naniraka anjely izy hamoha azy. Anjeli: "Mitsangàna, ry Elia. Mihinàna sy misotroa!" Nahiratra ny mason'i Elia, ka nijery ny manodidina izy. Nahita rano iray tavoahangy sy mofo voaendy teo akaikiny izy dia nihinana. Natsiro be izany! Niverina natory indray i Elia, ary niverina ilay tranga teo aloha. Eo Andriamanitra. Nahafantatra izany fahamarinana izany ilay irak'Andriamanitra satria hitany ny fitiavana izay nikarakaran'Andriamanitra azy teo afovoan'ny tany efitra. Afaka nandre ny feon'Andriamanitra indray izy. Niverina izy satria nandray iraka vaovao. Eo Andriamanitra! Tsy mila matahotra ianao. Tiako ny hampahery anao amin'ny andinin-tsoratra masina ao amin'ny Baiboly: "Ny Tompo no mpanazava sy mpamonjy ahy, ka iza no hatahorako? Ny Tompo no toy ny manda miaro ny aiko, ka iza no hangovitako?" (Salamo 27. 1) Mpandray anjara: Mpitantara, Ahaba, Jezebela, Elia, anjely © Zon'ny mpamorona: CEF Alemaina |