861. ٽيري سان سڀ ٺيڪ آهي 6

فلپ ۽ روٿ آرام سان سمهي رهيا هئا۔ انهن کي گھر ۾ ڪيترن ئي قدمن جو آواز ٻڌڻ ۾ نہ آيو۔ انهن کي اها بہ خبر نہ هئي تہ ڊاڪٽر لڳ ڀڳ سڄي رات ٽيري جي بستري وٽ ويٺو رهيو۔

يسوع، سٺو دراڙ، خاموشي سان ٽيري کي پنهنجي هٿن ۾ کڻي آسمان تي پاڻ سان گڏ وٺي ويو۔

اڳئين صبح، جڏهن روٿ ٻڌو تہ ٽيري فوت ٿي چڪو آهي، هوءَ لڳاتار روئي رهي هئي۔ هن ۽ فلپ پنهنجي سڀ کان سٺي دوست کي وڃائي ڇڏيو هو۔

سندس قبر تي پادري روبنجر يسوع جي ڪهاڻي اونچي آواز ۾ پڙهي۔ جنازي کانپوءِ، روٿ اداسي سان جنگل مان گذري رهي هئي۔ اهو سوچڻ تمام گھڻي تڪليف جي ڳالهہ هئي تہ ٽيري هاڻي زندہ نہ هو۔ هوءَ اخروٽ جي وڻ هيٺ ويهي زور زور سان روئي رهي هئي۔

ٽينر صاحب: ”روٿ، تون ڇو پئي روئين؟“

ٽينر صاحب اوچتو سندس ويجھو اچي بيٺا۔ هو چراگاهہ جي سڀني رڍن جو مالڪ هو۔ روٿ هنن کي اهو سڀ ڪجھہ ٻڌايو جيڪو ٿيو هو۔

روٿ: ”مون ڪيترائي ڀيرا دعا ڪئي، پر ڪجھہ بہ نہ ٿيو۔ ٽيري مري ويو۔“

ٽينر صاحب: ”ڇا توکي لڳي ٿو تہ يسوع ڪا غلطي ڪري ڇڏي آهي؟ تنهنجو ڇا خيال آهي، جيڪڏهن منهنجي ڪا هڪ رڍ گھڻو بيمار ٿي وڃي ۽ مان ان کي کڻان ۽ ان کي اهڙي چراگاهہ ۾ وٺي وڃان، جيڪا اڳ وارِي چراگاهہ کان وڌيڪ سٺي هجي؟“

روٿ کي سمجھہ ۾ اچڻ لڳو۔

ٽينر صاحب: ”يسوع ٽيري کي اهڙي جاءِ تي وٺي ويو آهي جتي هو تمام گھڻو خوش آهي۔ تنهنڪري توکي اداس ٿيڻ جي ڪا ضرورت ناهي۔“

روٿ: ”پر انهن کي ان کي زمين ۾ دفن ڪيو آهي۔ هو سٺي دراڙ سان گڏ ڪيئن ٿي سگھي ٿو؟“

ٽينر صاحب هڪ اخروٽ کنيو۔

ٽينر صاحب: ”ڏس، روٿ! هن اخروٽ جي سخت ڇلڪي جي ڪا اهميت ناهي، پر زندگي هن جي بلڪل وچ ۾ آهي۔ اهڙيءَ طرح نئون وڻ ٺهندو۔ تون ٽيري جي جسم کي هن ڇلڪي سان گڏ ڏس۔ جيتوڻيڪ هو زمين ۾ دفن آهي، پر هن کي ان جي ضرورت ناهي، پر ان جي وچ جو حصو، ان جي اصل زندگي يسوع سان گڏ آهي۔ اتي ان جي نئين جسم هوندي جنهن ۾ ڪا تڪليف نہ هوندي۔ هن بابت سوچي ڏس، روٿ۔“

گھر تي، فلپ محسوس ڪيو تہ روٿ هاڻي اداس نہ رهي۔

فلپ: ”روٿ، مون کي سٺي دراڙ بابت ٻڌائڻ لاءِ مهرباني، تہ جيئن مان هن کي ڄاڻان۔ ٽيري هاڻي هن سان گڏ آهي، ۽ هڪ ڏينهن اسان بہ هن وٽ وينداسون۔“

روٿ: ”۽ سڀاڻي مان اسڪول ۾ ٻارن کي سٺي دراڙ بابت ٻڌائڻ واري آهيان تہ جيئن اهي بہ هن بابت ڄاڻي سگھن۔“

توهان ڪنهن کي سٺي دراڙ يسوع، بابت ٻڌائي سگھو ٿا؟

ماڻهون: بيان ڪرڻ واري، ٽينر صاحب، روٿ، فلپ

ynamreG FEC :thgirypoC ©