Home -- Punjabi -- Perform a PLAY -- 007 (On the winner's side)
!ڈرامے- ایناں نُوں اپنے بیلیاں لئی ادا کرو
بچیاں دے ادا کرن لئی ڈرامے
7. فتحمند ول
فلسطی اک واری فیر اسرائیلیاں نال جنگ کرن آئے۔ داؤد دے وڈے بھرا جنگ وچ سب توں اگے سن۔ داؤد دا کم اے سی پئی اوہ آپنے بھراواں لئی کھانا لیائے تے اوہناں دا دھیان رکھے کہ پئی اوہ ٹھیک ہے نے یا نئیں۔ جدوں ا وہ جنگ دے میدان وچ آیا اوہنے اک بہت ای اُچے تے لمبے بندے نوں ویکھیا –تقریباً دس فُٹ اُچے بندے نوں!- اوہ اوہناں دا دشمن سی۔ اوہدا ناں جاتی جولیت سی۔ اوہ اسرائیلیاں نوں للکار دا پیا سی تے اوہناں اُتے لعنت کردا پیا سی۔ اسرائیل دے سارے فوجی تے ساؤل بادشاہ وی اوہدے کولوں ڈردا پیا سی۔
کیہ اوہ بھل گئے سن پئی خُدا ساریاں توں زور آور اے؟
جاتی جولیت: ’’او گونگے اسرائیلیو! تسی ڈر رہے ہو ہاہاہا! مَیں تہانوں چیلاں دی خوراک بناواں گا۔ تہاڈا خُدا وی تہاڈی مدد نہیں کر سکے گا۔ مَیں اوہدے نالوں ودھ زور آور آں۔‘‘
داؤد: ’’کیہ تساں ساریاں نے اے سُنیا اے؟ اوہ خُدانوں وی ٹھٹھے ماردا پیا اے! کیہ تسی سارے اوہنوں اے سب کردیاں رہن دیو گے؟‘‘
اوس فلسطی دے ایس طرح بے عزتی کرن تے داؤد نوں دُکھ ہویا۔ اے ہور گل سی کہ اسرائیلیاں دا مخول اُرایا جا رہیاسی، پر اے گل وڈی سی کہ خُدا دا وی مخواُرایا ٹھٹھا ماریا جا رہیا سی۔ اوہ کجھ بہتا ای بول گیا!
داؤد چھیتی نال ساؤل بادشاہ دے کول گیا تے اوہنوں دسیا پئی مَیں جاتی جولیت نال لڑاں گا۔
داؤد سنجیدہ سی۔ اوہنے بھیڈاں چارن والی آپنی سوٹی تے آپنی غلیل لئی تے جاتی جولیت ول ٹر پیا۔
خُدا زور آور اے-جہنے اوہنوں ہمت دتی۔
بہت سارے فوجیاں نوں آپنیاں اکھاں اُتے یقین نہ آیا جدوں اوہناں نے اک ایالی نوں ویکھیا؛ اوہ حیران ہوئے تے اپنے ساہ روک لئے۔
جاتی جولیت نیڑے آوندا گیا۔
جاتی جولیت: ’’کیہ مَیں کوئی کُتا اَں کہ تُو اک سوٹی لے کر میرے سامنے آ رہیا ایں؟ کیہ تُو اے سوچ رہیا ایں پئی تیرا خُدا تیری راکھی کرے گا؟ ہاہاہا مَیں تیرے خُدا نالوں وی بہتا زور آور اَں۔ مَیں تینوں مار دیاں گا۔‘‘
داؤد: ’’تُو میرے نال لڑن لئی اک تلوار تے برچھی لے کے آیا ایں، پر مَیں تیرا مقابلہ خُدا دے ناں وچ کراں گا، جہدے اُتے تُو لعنت کیتی اے۔ اوہ تیرے نالوں بہتا زور آور اے! مَیں تینوں ہرا دیاں گا تے ساری دنیا ویکھے گی پئی اسرائیل زندہ خُدا دی خدمت کردا اے۔‘‘
داؤد نے آپنی غلیل لئی، تے اوہنوں گھُمایا۔۔۔ (غلیل دی واج)
جاتی جولیت: ’’آآآآہ!‘‘ (ڈگن دی واج)
داؤد دی غلیل وچوں نکلیا روڑا سیدھا جاتی جولیت دے سر وچ لگیا، اوہ زمین تے ڈگ پیا، تے مر گیا۔
جاتی جولیت نوں خُدا اُتے لعنت کرن دا کی فائدا ہویا؟ آخر فیر کون بہتا زورآور سی؟
خُدا ساریاں نالوں بہتا زور آور اے!
لوک: بیان کرن والی، جاتی جولیت، داؤد
حقوق: بحق سی ای ایف جرمنی محفوظ نے۔