Platt - Low German, Dramas: Piece 061 – Een nia Stiern 1

This page in HTML4 - Print - Bottom

Home -- Platt (Low German) -- Perform a PLAY -- 061 (A new star 1)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

61. Een nia Stiern 1

Millione Stierns dachen aum Himmel. Mana in Babylon beoabachten met groote Fernroasch dän wieden Stiernhimmel.

1. Stiernforscha: "Kjijt mol, een nia Stiern! Soo eenen haft daut noch niemols jejäft."

2. Stiernforscha: "Du hast rajcht. Oppeenmol een nia Stiern. Waut haft daut to bedieden?"

Dise kluage Menschen kjanden sich goot ut met Stierns beoabchten. Opp Steenatoflen un lanje Schreftrollen sochten see no eene Auntwuat un fungen dee uk werklich.

1. Stiernforscha: "Hia steit det: De Stiern wiest ons, daut de Kjennich von de Juden jebuaren es."

2. Stiernforscha: "Een gaunz besondra Kjennich! Daut es aum basten, wie siekjen am, un bäden am aun. Hee saul uk ons Kjennich senen."

Jesus dee eewja Kjennich es jebuaren.

Toiescht säd Gott daut to de Hoads un dan to de Stiernforschasch in Babylon.

Un boolt muaken de Stiernforschasch aules reed, uk Jeschenkja un pakten daut aules opp äare Kamele nopp. Mea aus 1000 Kilometa mussten see reisen. De Reis dieed poa Monat. Oba fa Jesus wia an daut Wieet. Am wullen see aunbäden un doamet wiesen, daut see am aus Harn in äarem Läwen aunerkjanen wullen.

Weet jie, wua de Kjennich von de Juden saul jebuaren woaren? Aus du am daut in dise Wienachtstiet uk wiesen west? West du, daut hee uk dien Har un Rada es?

Meed kaumen de Stiernforschasch in dee groote Staut Jerusalem aun.

1. Stiernforscha: "Woo es dee niejebuarna Kjennich? Wie haben sienen Stiern jeseenen un sent jekomen, om am auntobäden."

Kjeena deed iend auntwuaden. De Menschen vefieden sich un randen wieda. Kjennich Herodes vefieed sich aum mieschten. Dee grausama Kjennich, fa däm aula zetade, haud Angst, sienen Troon to velieren. Schwind roopt hee de Schreftjelieede no sich.

Herodes: "Weet jie, wua dee nia Kjennich von de Juden saul jebuaren woaren?"

Schreftjelieda: "Secha, wie haben doch Gott sien Wuat studieet. Ut Betlehem saul de Harscha komen."

Dise Wieed trofen Herodes aus een Schwiet. Oba hee leet sich nuscht aunmoakjen.

Heemlich fruach hee de Mana ut Babylon:

Herodes: "Wanea es de Stiern väajekomen? Wanea hab jie däm toom ieschten mol jeseenen?"

See wissten nich wuarom hee fruach, un säaden am daut. Nu wisst hee aules.

Herodes: "Got no Betlehem un siekjt daut Kjint. Wan jie daut jefunjen haben, dan sajcht mie daut, ekj well daut uk aunbäden."

Wull hee daut werklich? Nä. De onopprechtkja Liejna wull selfst Kjennich senen un doawäajens däm jungen Kjennich ombrinjen.

De Stiernforschasch veleeten Jerusalem.

Im näachsten Spell toom horchen woa wie iend wieda bejleiten.

Persoonen: Eena waut vetalen deit, twee Weise, Herodes, Schreftjelieeda

This page in HTML4 - Print - Top