STORIES for CHILDREN by Sister Farida

(www.wol-children.net)

Search in "Macedonian":

Home -- Macedonian -- Perform a PLAY -- 159 (Whoever digs a hole 4)

Previous Piece -- Next Piece

DRAMAS -- perform them for other children!
Plays for children to perform

159. Кој на другиот му копа јама 4


Аман, тој ужасен човек, за малку ќе се онесвестел. Тој не видел што доаѓа: требало да му оддаде чест на Мардохеј пред целиот народ, кого што попрво би го обесил на бесилка заедно со сите други Евреи кои живееле во Персија.

Но не помислил на дејствувањето на живиот Бог, Богот Кој го сака и штити Својот народ.

Камо да знаел Аман што следува. Но бил премногу горд што повторно бил поканет да вечера со царот. Царицата Естира била подготвена за нејзините гости.

Во палатата никој не знаел дека Естира е ќерка на Мардохеј. Вечерта царот сакал да ѝ ја исполни секоја желба.

Царот: „Царице Естира, дали имаш желба? Би ти дал до половина од моето царство“.

Естира: „Царе мој, те молам дај ни ги мене и на мојот народ, Евреите, нашите животи. Некој сака да нè убие и да нè истреби“.

Царот (вознемирен): „Кој е тој? Каде е тој човек?“

Естира: „Овој Аман е нашиот најлош непријател“.

Царот бил совладан од гневот. А Аман молел за својот живот. Но, безуспешно. Слугите му ги покриле очите и го одвеле. Аман умрел на истата бесилка што ја изградил за Мардохеј.

Девојче: „Па, кој копа дупка за некој друг, самиот ќе падне во неа“.

Аман не бил првиот што сакал да ги истреби Евреите. И нема да биде последен. Но Бог го штити Неговиот народ. Тој го спречил овој злобен план.

Зашто Божјиот план бил Исус, нашиот Спасител, да се роди како Евреин. И тоа што Бог го сака, ќе се случи.

Дури и царот Ахасвер бил во Негови раце.

Царот: „Заповед на царот: Секој Евреин во моето царство има право да се брани“.

Гласниците на царот јавале на најбрзите коњи и ја пренесле оваа заповед до секоја провинција на земјата. Аман, најголемиот непријател на Евреите, го направил 13 декември ден на смртта на сите Евреи, но тој станал ден на радост затоа што Евреите ги поразиле своите непријатели.

Тие ја прославиле својата победа на 14 декември. Евреите си давале подароци и ја делеле својата храна со сиромашните луѓе.

Радоста излегла од тагата. Бог го избрал и го заштитил Својот народ, Израелците.

Тој секогаш го има последниот збор.


Улоги: Раскажувач, царот, Естира, девојче.

© Copyright: CEF Germany

www.WoL-Children.net

Page last modified on November 13, 2021, at 09:25 AM | powered by PmWiki (pmwiki-2.3.3)