STORIES for CHILDREN by Sister Farida

(www.wol-children.net)

Search in "Macedonian":

Home -- Macedonian -- Perform a PLAY -- 103 (The voice of the unseen 3)

Previous Piece -- Next Piece

КУСИ ИЗВЕДБИ – одглуми ги пред други деца!
Куси изведби за да ги изведуваат деца

103. Гласот на невидливиот 3


Мистериозна грмушка што горела (звук на крцкање на оган). Била во пламен, но не изгорела.

Мојсеј полека ѝ се приближил. По секоја цена сакал да ја одгатне таа мистерија.

Мојсеј: „Ова е многу чудно. Како може да биде тоа, грмушката да не изгори?“

Бог: „Мојсеј! Мојсеј!“

Некој го кажал неговото име, но во негова близина не можел да види никого.

Бог: „Мојсеј!“

Мојсеј: „Да. Овде сум“.

Бог: „Дојди поблизу. Собуј ги сандалите, зашто таму каде што стоиш е света земја. Јас сум твојот Бог, во Кој веруваа твоите татковци“.

Мојсеј бил вчудовиден. Бог бил таму! Среде грмушката што горела. Мојсеј не се осмелил да гледа натаму и со облеката го покрил лицето. Јасно го слушнал Божјиот глас.

Бог: „Го видов страдањето што фараонот им го прави на моите луѓе во Египет. Ги слушнав нивните повици за помош. Сега ќе ги ослободам и ќе ги водам во многу добра земја. Мојсеј, Ми требаш. Ти ќе одиш кај фараонот и ќе ги ослободиш Моите луѓе од ропство“.

Мојсеј: „Јас? Зошто јас? Не можам да го направам тоа“.

Мојсеј нашол многу изговори. Едноставно, не можел да замисли дека Бог ќе го исползува него. Но Бог бил многу сериозен во врска со тоа.

Мојсеј требало да ослободи милиони луѓе од ропство.

Јас и ти, исто така, имаме Избавител. Го знаеше ли тоа?

Се разбира, ние не сме робови во Египет. Но има некој кој сака да нè наведе на грев. Ѓаволот. Ги поробува луѓето и не сака да ги пушти на слобода. Но Исус е нашиот силен Избавител. Тој го победи ѓаволот.

Верата во Исус може да нè ослободи. Го посакувам тоа за тебе.

Бог сака да нè ослободи. Затоа Го испрати Исус кај нас и Мојсеј во Египет.

Бог го направил Мојсеј силен за таа задача и му дал моќ да прави чуда. Но најдобриот подарок било Неговото ветување.

Бог зборувал: „Мојсеј, не плаши се. Јас ќе одам со тебе и ќе ти помагам. И брат ти ќе оди со тебе. Веќе е на пат. Стани и оди“.

Бог бил со Мојсеј. Тоа било доволно.

Дали Мојсеј ќе успее да ги ослободи Израелците и да ги изведе од Египет?


Улоги: Раскажувач, Мојсеј, Бог.

© Copyright: CEF Germany

www.WoL-Children.net

Page last modified on August 08, 2023, at 08:55 AM | powered by PmWiki (pmwiki-2.3.3)