STORIES for CHILDREN by Sister Farida(www.wol-children.net) |
|
|
Home عربي |
Home -- Quechua -- Perform a PLAY -- 070 (It‘s worth it) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- Punjabi -- QUECHUA -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
JUCH’UY WAKICHIYKUNA – rejsichisqa waj wawakunapaj!
Juchuy Kuentitus wawaskunapaj Ruwaskan
70. Kayqa valorniyojPedro: "¡Uuummm ní ujtachá jap’inchejchu! tukuy tuta mask’aspa ni uj challwata jap’inchejchu." Q’ala sayk’usqas sonqo q’enaqasqastaj qocha kantupi challwa jap’inanku ch’ipastaj mayllasqanku. Tukuy tuta llank’asqanku ni uj challwawan. Ajina kajtimpis ch’ipastaqa mayllanapuni chanta t’irina ima. Jinallapi manchay askha runakuna chay Genezaret qocha kantuman qayllaykusqanku. ¡Jesús chaypi kashasqa! uyariytataj munashanku, walejpuni chayqa. Parlasqasninqa yanapan kallpachantaj, chay chhika runakunaqa kayman jaqayman tanqaykachashanku, Jesústaj maynejpi mana sayaykuyta atinchu. Jesús: "Pedro, boteykita kaynejman apamuy chayman yaykunaypaj, aswan ukhunejmanta tanqaykurinki." Aaa… chaypeta tukuy rikuyta atinku uyarinkupis allinta. Parlayta tukuytawantaj, Pedrota qhawarispa: Jesús: "Pedro, boteykita aswan ukhunejman apay. Ch’ipaykitataj wijch’uykuy challwata jap’inaykipaj." Chayta nejtinkama Pedroj uyanta noqa rikuyta munayman karqa. ¿Challwa jap’ej rinmanchu karqa? Yachasqaman jinaqa, p’unchay challwakuna q’oñimanta ayqekuspa aswan ukhuman qhochapi yaykoj kasqankuta. Nitaj ujpis ch’ipaman yaykojchu kasqa, chaytaqa Pedro sumajta yacharqa, imaraykuchus challwa jap’ejpuni karqa payqa. Pedro: "Yachachej, tukuy tuta challwata mask’ayku nitaj ujtapis orqhomuykuchus..." Jesúspeqa atienikuyta atinchej mana allin kashawajtinchejpis. Pedro: "Jinapis qan niwasqaykirayku ujtawan ch’ipayta wijch’uykusaj..." Pedroj imayna kasqanqa allimpuni. Mana pay yuyakunchu tukuy imata yachasqantaqa. Uyarin Jesústa chaytaj may allimpuni mayk’ajllapis. Chaypi kajkunawan khuska barcosninkuman wicharinku, chawpinejkama rispataj chaypi ch’ipasninkuta wijch’uykunku. Chaypitaj t’ukuna ima karparin, may chhika challwakunatapuni jap’inku. Ch’ipasninkupis llik’ikuyta qallarisqa. Pedro: "¡Juan, Santiago! ¡jamuspa yanapawayku! Noqallayku mana atiykuchuu." Makisninkuwan wajyarakuspa kawsaqesninkuta wajyakuspa, iskay botesmanwan junt’achisqanku manchay askha ch’allwa jap’isqankutaqa. Chay chhika challwa jap’isqankuwan casi mama qochamampis p’ultikusqanku. Pedroqa manchharin Jesúsmantaqa. Cuenta qokun payqa mana imapis Jesuspa ñawpaqempi kasqanta. Pedro: "Señor, ithirikuy noqamanta, juchasapa kani." Jesústaj mana ithirikusqachu, manachay perdonasqa Pedrotaqa. Kikillantataj qanwan noqawampis ruwan, sichus juchasninchejmanta rimarinchej chayqa. Jesús: "Pedro ama manchikuychu. Kunanmantapacha runakuanta chay challwasta jian jap’inki." Mosoj llank’ana. Pedroqa runasta jap’inan karqa Jesúspaj, yanapanan karqa Jesusta rejsinankupaj chanta Jesustaj kawsayninkuta wajinaman tukuchinampaj. Sumajpuni Jesús mana may uyarisqa runakunatachu wajyasqanqa, manachay qanta noqanta jina, chanta Pedrota jinataj. Pikunachus nisqasninta uyarispa Paywan khuska puriyta qallarinaqa allimpuni. Personajes: Relator, Pedro, Jesús © Copyright: CEF Germany |