STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 116 (Bill's special Christmas tree) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 611. بِل دا خاص کرسمس ٹریبِل: ”ایہہ تے غضب ہو گیا! سارے کرسمس ٹری وک گئے نے۔ امی، تُساں اینی دیر کر دِتی۔“ ماں: ”خیر، میرا خیال اےسی پئی جے اسی ایہہ بعد وچ لوانگے، تے کرسمس ٹری سستا ملے گا۔ تُسی جاندے ہو ساڈے کول بہتے پیسے نہیں نیں۔“ بِل: ”روزی نے کل دعا کیتی سی کرسمس ٹری لئی۔ اوہ بڑی دُکھی ہووے گی، تے دوجیاں کُڑیاں وی ہون گیاں۔“ بِل نوں آپنے پیو دا خیال آیا۔ جدوں اور جیوندے سن تے اوہ ہر سال پہلاں ای کرسمس ٹری لے آوندے سن۔ اوہناں دے بغیر ہر شے بڑی بدل گئی سی۔ ماں: ”بِل، اوہ ویکھو اودھر اک ملدی پئی اے۔ ہیلو، میَں ایہہ کرسمس ٹری لینا چاہندی اَں، مہربانی کرو گے۔“ بندہ: ”میَں اوہ والی نہیں ویچدا پیا۔ ایہہ میرے بچیاں لئی اے۔ اوہ بڑے دُکھی ہون گے جے میَں ایہہ کرسمس ٹری اج گھر نہ لے کے گیا۔ کرسمس مبارک!“ اوہ بندہ ٹُر گیا۔ بِل تے اوہدی ماں نے صنوبر دی لکڑ دیاں ٹہنیاں چُکیاں جیہڑیاں دھرتی اُتے پیاں سن تے اوہناں نوں گھر لے گئے۔ چار دُکھی کُڑیاں سامنے والے بوہے اُتے آئیاں۔ کُڑی: ”کیہ تُسی کرسمس ٹری لیائے او؟“ ماں: ”نہیں مینوں معاف کر دو۔“ چپ کر کے اوہ سارے میز دے چوفیرے کھان نوں بیٹھے۔ روزی دی واری سی پئی اوہ دعا کرے۔ روزی: ”پیارے خداوند یسوع، میَں تہاڈے اگے مِنت کیتی سی پئی سانوں کرسمس ٹری دیو۔ کیہ تُساں میری گل نہیں سُنی؟ پر ہن ایہدی لوڑ نہیں۔ ہن بڑی دیر ہو گئی ہے۔ سانوں کھانا دین لئی تہاڈا شکرہووے۔ آمین۔“ بعد وچ جدوں کُڑیاں سون لئی چلیاں گیاں، تے بِل نوں اک خیال آیا۔ اوہنے بڑی محنت نال جھاڑو دے دستے وچ آپنے چاقو نال دندے بنائے تے صنوبر دیا ٹہنیاں تار نال اوہدے وچ جوڑ دِتیاں۔ اوہنے ریت نال بھری بالٹی وچ اوس دستے نوں رکھیا تاں جو اوہ کھلوتا رہوے۔ تے فیر اوہنے ایہدے چوفیرے بُورے رنگ دا کاغذ لویٹ دِتا۔ ماں: ”بِل، کرسمس ٹری بڑی سوہنی پئی لگدی اے! توں اینہوں بڑا چنگا بنایا اے۔ میَں سجاوٹ دا سامان لے کے آوندی اَں تے فرشتہ اُتے لاون لئی۔ کُڑیاں تے حیران رہ جان گیاں۔“ روزی ساریاں نالوں بہتی خوش سی۔ روزی: ”بِل، ایہہ اوہناں ساریاں نالوں بہتی سوہنی کرسمس ٹری اے جیہڑی اج تیک سانوں ملی اے۔ یسوع نے میری دعا دا جواب دے دِتا۔“ خوشی نال، اوہ آپنی ماں دے اگے بہہ گیاں جدوں اوہ اُچی واج وچ کرسمس دی کہانی پڑھدی پئی سی۔ (صفحے پرتان دی واج) ماں: ”تے مریم دا پہلا پُتر پیدا ہویا تے اوہنے اوہنوں کپڑے وچ لویٹیا تے چرنی وچ لٹا دِتا۔“ تے ماں نے مسیح دے مصلوب ہون دی کہانی کیوں پڑھی؟ ماں: ”خداوند یسوع دی صلیب وی اصل وچ اک رُکھ ای سی۔ ایسا رُکھ جیہڑا کرسمس ٹری نالوں وی بہتا قیمتی سی۔ چرنی تے صلیب دا آپس وچ تعلق اے۔ خداوند یسوع دھرتی اُتے آیا تاں جو ساڈی خاطر آپنی جان دے سکے۔ صلیب دے بغیر کرسمس دا کوئی مطلب ای نہیں بندا۔“ لوک: بیان کرن والی، بِل، ماں، بندہ، کُڑی، روزی حقوق: بحق سی ای ایف جرمنی محفوظ نے۔ |