13. کھیت تے الارم

کیہ تُسی ٹوم نوں جاندے ہو؟ اوہ جنوبی امریکہ وچ اک فارم وچ رہندا اے۔ اوہدی سالگرہ اُتے، اوہنوں اک اصلی چوچا ملیا۔ ٹوم نے اوہدا بڑا دھیان رکھیا۔ ہولی ہولی اوہ چوچا اک کُکڑی بن گئی۔ پیلے رنگ دے کُولے وال چِٹے کھنبان وچ بدل گئے، ایس لئی ٹوم نے آپنی کُکڑی دا ناں مسز وائٹ رکھیا۔ گودام وچ اوہنے اوہدے لئی اک آہلنا بنایا، تے مسز وائٹ جدوں وی اوہدے وچ آنڈہ دیندی سی، تے شور کر کے ساریاں نوں دس وی دیندی سی۔

(کُڑ کُڑ دی واج)

جیو یں ای پیلیاں وچ بیہ ودھن لگے، مسز وائٹ نے آنڈے دینا بند کر دِتا۔

ٹوم: ”اماں، مسز وائٹ نوں کیہ ہویا اے؟ اوہ ہن آنڈے نئیں دیندی تے پیلیاں وچ آپنے آپ نوں لُکا لیندی اے۔“

امی: ”ٹوم، بس اُڈیکدا رہو۔“

اوہدی ماں نے جدوں ایہہ آکھیا تے نال ای ہسی۔ تے کجھ ہفتیاں بعد، ٹوم نوں پتہ لگیا پئی کی سبب اے۔

ٹوم: ”امی، امی، ویکھو!“

مسز وائٹ پیلیاں وچوں نکل آئی تے اوہدے نال بہت سارے چوچے سن۔ ٹوم بڑا ای خوش ہویا۔

(سائرن دی واج)

اک دِن اگ لگن دا الارم وجیا۔ کھیتاںوچ اگ لگ گئی۔ تے اگ ایڈی ودھ گئی پئی فارم تک اپڑ گئی۔

ٹوم: ”مسز وائٹ کِتھے وے؟ کیہ اوہ۔۔۔“

ٹوم ایہہ گل نئیں سی سوچنا چاہندا جدوں تک اوہ پوری پیلی وچ اوہنوں لبھ نہ لیندا۔ پر اوہ کیہ سی؟ ٹوم نے اوہنوں سڑیا ہویا آپنے پیراں وچ پیا ویکھیا۔ اوہنے کُکڑی نوں چُکیا۔ تے کُکڑی دے ہیٹھاں اوہنے اوہدے سارے چوچیاں نوں ڈریا تے اک دوجے دے نال کٹھے ہویاں ویکھیا۔

ٹوم: ”ایہہ کس طرح ہو سکدا اے؟“

امی: ”جانوراں نوں چھیتی ای پتہ لگ جاندا اے جدوں خطرہ اوہناں دے نیڑے ہووے۔ جدوں اگ اوہدے کول آئی ہووے گی، چوچیاں نے آپنی ماں دے کول لُکن دی تھاں لبھن دی کوشش کیتی ہووے گی۔ کُکڑی اُڈ وی سکدی سی، پر چوچے اُڈ نئیں سکدے سن۔ مسز وائٹ آپنے بچیاں نوں پیار کردی سی، ایس لئی اوہنے آپنے کھنباں نوں اوہناں لئی کھلاریاں ہووے گا تے آپنے بچیاں دی تھاں آپنے آپ نوں اگ وچ سڑن دِتا ہووے گا۔ اوہنے آپنی جان دے دِتی تاں جو اوہدے بچے جیوندے رہن۔“

پیّو: ”تے یسوع دا پیار وی ایسے طرح اے۔ ٹوم، ہمیشہ یاد رکھیں پئی یسوع نے آپنی جان ساڈے لئی آپنی مرضی نال دِتی تاں جوں اسی جیوندے رہئے۔“

لوک: بیان کرن والی، ٹوم، ماں، پیّو

حقوق: بحق سی ای ایف جرمنی محفوظ نے۔