Aymara, Dramas: Piece 030 – Jacañamaru Jesúsajj

Home -- Aymara -- Perform a PLAY -- 030 (Meeting Jesus)

This page in: -- Albanian -- Arabic ? -- Armenian -- AYMARA -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

JISCKÁ UÑANCHAWINACA – ¡yakha wawanacataqui uñanchtáyam!

Jiscká uñanchawinaca uñanchawinaca wawanacataqui

30. Jacañamaru Jesúsajj

¿Pä waranka mara naira jacañ munastamti uqhamarac Jesusampi jiquisiñsa? ¿Juparu uñjawayasma uqhamaraqui ist’araquisma?

Jichhajja Jesusajj alajj pachanquiwa, jan uñjcaya Diosan pachapa. Ucampisa maynejj jupampejj jiquisispawa. Ucatwa parlistu aca pani jawsatanacasajja.

Manuela, ¿cunjamas jumar pastamjja? ¿Cunjamsa Jesusampi jiquistajja?

Manuela: “Mä cutijja mä tantachäwi wawanacataquejja mamajjajja waquichatayna, maynijja Jesusar iyawsañ tokequiwa alajj pacharojj mantaspa ucat parlañataqui uqhamaraqui Jupaw perdonistu take juchanacasa, jupawa jiwasanac laycu jiwawayi, cruzana jiwasanac lanti.
Ucat amuyta maynitejj jan juchanïsa uca juchan phokhantatäsqui ucanacataqui luraspajja (jiwaña), uqhamajja wal jupanacar munpacha. Ucatwa jupar chuymajjar catokaña amtasta.”

¿Cunjams lürta?

Manuela: “Oracionan jupar mayista.”

¿Ucjjaruti camachisa?

Manuela: “Ucat kheparusti cunatï nayar pasquitu Juparuw arsjjta, take llaquisiñanacsa uqhamaraqui yanapatapatsa yuspagaraña. Chekpachasa, Jupajj machakaruwa tucuyitu uqhamarac amuyt’ayituwa qhitir confiañasa nayan utjapinituwa uqhamaraqui janiw jupajj jaytquitaniti.”

¿Sara, jumasti Jesusampi jiquisiractati?

Sara: “Mä kochu toke nayar walpin gustitu.” (Music uchaña)

Kochu:

Janiw qhitis ancha jisc’aquiti janiraquiw qhitis ancha jach’aquiti,

Janiw qhitis ancha kamiriquiti inas pobrequiti,

Janiw qhitis ancha jisc’a jakequiti janiraquiw qhitis jach’a jakequiti

Diosajj katokewa take qhitinacatejj mayipqui ucanacarojja.

Juchanac apake uca lantisti munasiñap churistu uqhamjjay sawaychejja.

Sara: “Uca kochu kochusïnsti amuyästwa ucajj nayataquiraquïnwa. Uca arumajja mamajjämpiw aca toket pärlta uqhamarac jupamp chicaw oración lürta. Uqhämwa Jesusar jac’achasta. Nan jacañajjarum jutpan sasaw mayïsta.
Mä jathi kepis nayat apaketäcaspa uqhamaw amuyasta uqhamarac juc’amp sujaquïjjayapwa. Janiw qhitisa jupamp jiquisiñata pächasiñapaquiti, asquinaccamac jupar jisjjatañajj apani.”

Jesusajj jupar uñt’añam muni, jumarojj munästamjjaya.

Jupajj sïwa: Qhititï nayar jutqui ucarojja, janipiniwa alisnuccäti. (Juan 6:37)

Manuelam jupjam luram. Arsusim juchanacama ucat mayisiraquim, Sara jupjama, Jupajj jacañamaru mantpan. Jesúsajj ist’iwa oracionams jaysaraquiwa. Uqhamajja Diosan wawapäyatawa.

Uñstirinaca: Parliri, Manuela, Sara

STORIES for CHILDREN by Sister Farida

30. Jacañamaru Jesúsajj