Home
Links
Contact
About us
Impressum
Site Map


YouTube Links
App Download


WATERS OF LIFE
WoL AUDIO


عربي
Aymara
Azərbaycanca
Bahasa Indones.
বাংলা
Български
Cebuano
Deutsch
Ελληνικά
English
Español-AM
Español-ES
فارسی
Français
Fulfulde
Gjuha shqipe
Guarani
հայերեն
한국어
עברית
हिन्दी
Italiano
Қазақша
Кыргызча
Македонски
മലയാളം
日本語
O‘zbek
Plattdüütsch
Português
پن٘جابی
Quechua
Română
Русский
Schwyzerdütsch
Srpski/Српски
Slovenščina
Svenska
தமிழ்
Türkçe
Українська
اردو
中文

Home -- Platt (Low German) -- Perform a PLAY -- 030 (Meeting Jesus)

This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen

30. Jesus bejäajnen


Hast du die uk aul mol jewenscht, daut du hautst kunt ver 2000 Joa jeläft haben un wiescht Jesus bejäajent? Un hautst am jeseenen un jehiet?

Nu es hee im Himmel. In eene Welt woo Gott es, un nich to seenen es. Oba bejäajnen kaust du am doawäajens. Woo? Doavon vetalen die miene beid Jast.

Melani, woo wia daut bie die? Woo best du Jesus bejäajent?

Melani: "In eene Kjinjastund, dee miene Mutta bie ons Tus aufhoolen deed. Doa deed wie doaräwa räden, daut maun bloos derch Jesus in däm Himmel nenkjemt, un daut hee ons aule Sinden vezeien kaun, wiels hee fa ons jestorwen es. Un dann docht ekj mie soo, wann wäa one Sinden es, un sowaut fa aundre deit, dan mott hee ons doch sea goot sennen. Un soo deed ekj mie entscheiden, Jesus in mien Hoat opptonämen."

Woo hast du daut jedonen?

Melani: "Met een Jebäd."

Un woo jinj daut dan wieda?

Melani: "Von dan aun kun ekj am aules sajen, waut mie trurich moakt un am uk danken, daut hee mie jeholpen haud. Jo, hee haft ut mie eenen aundren Mensch jemoakt un ekj weet, daut ekj ema wäm hab, däm ekj vetruen kaun, un von däm woa ekj uk niemols enttäscht."

Sara, du best uk Jesus bejäajent, woo haft daut bie die aunjefonjen?

Sara: "Met eenem Leet, daut ekj jiern hab: (Lizenzfriee Musikj bejleiten)
Doa es kjeena to groot, doa es kjeena to kjlien, doa es kjeena to oam ooda rikj.
Doa es kjeena to eefach un kjeena to schmok; siene Leew es fa aule jlikj.
Gott moakt fa jiedrem de Däa opp, jiedrem dee am frajcht.
Hee nemt de Schult, un jeft leew doafäa, wiels hee haft ons daut jesajcht.

Aus ekj dit jesungen hab, hab ekj jedocht, daut es ji uk fa mie. Zeowens hab ekj dan met miene Mama doaräwa jerät, un ekj hab met ar toop jebät. Soo sie ekj no Jesus jekomen. Ekj hab am jesajcht, daut hee in mien Läwen komen saul. Daut wia soo, aus wann eene sea groote Laust von mienem Rijen faulen deed, un ekj hab mie dan uk väl fria jefeelt. Emmahan, maun sull nich trjhoolend senen, Jesus to bejäajnen, wiels daut kaun bloos goot sennen."

Jesus mucht, daut du am kjanen lieescht, wiels hee die goot es.

Hee haft jesajcht: Wäa no mie kjemt, däm woa ekj nich rutsteeten. (Johanes 6,37)

Doo daut uk soo aus Melani, bekjan am diene Sinden un bedd am soo aus Sara, daut hee in dien Läwen kjemt. Jesus deit Jebäda erhieren. Un dan best du Gott sien Kjint.


Persoonen: Eena waut vetalen deit, Melani, Sara

Copyright: CEF Germany

www.WoL-Children.net

Page last modified on August 08, 2023, at 07:39 AM | powered by PmWiki (pmwiki-2.3.3)