STORIES for CHILDREN by Sister Farida(www.wol-children.net) |
|
|
Home عربي |
Home -- Sindhi -- Perform a PLAY -- 145 (If I had 1000 lives 6) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malagasy -- Malayalam? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- SINDHI -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڍراما- هنن کي ٻين ٻارن جي سامهون پڻ پيش ڪريو 541. جيڪڏهن مون وٽ 0001 زندگيون هجن ها 6جھاز ڪناري تي پهتو۔ هدسن ٽيلر تمام گھڻي بيماريءَ جي حالت ۾ زمين تي لٿو۔ جن ڊاڪٽرن انگلينڊ ۾ هن جو علاج ڪيو، اهي هن جي لاءِ تمام گھڻو فڪر مند هئا۔ ڊاڪٽر: ”ٽيلر صاحب، اوهان چين واپس نہ وڃي سگھندا۔“ هدسن ٽيلر: ”جيڪڏهن خدا مون کي شفا ڏيڻ چاهي تہ هو ضرور ڏيندو۔“ ديوار تي چين جو هڪ وڏو نقشو ٽنگيل هو۔ هدسن ان کي ڏٺو ۽ روئڻ لڳو، ڇاڪاڻ تہ هو انهن لکين چيني ماڻهن جي باري ۾ سوچيندو هو جن کي اڃا تائين يسوع جي باري ۾ ٻڌڻ جو موقعو نہ مليو هو۔ هو اڪثر اها ڪهاڻي ٻڌائيندو هو: هدسن ٽيلر: ”مان جھاز ۾ سوار ٿي سنگ ڪيان فو ڏانهن ويس۔ پطرس بہ جھاز ۾ سوار هو۔ اسان يسوع جي باري ۾ ڳالهيون ڪيون۔ پوءِ مان پنهنجي ڪمري ۾ واپس ويس۔ اوچتو مون ڪنهن کي روئندي ڏٺو ۽ پوءِ هڪ زوردار آواز ٻڌو۔ پطرس جھاز تان ڪري پيو هو۔ مون پاڻي ۾ ٽپو ڏنو، پر مون کي هو نہ مليو۔ ’مدد ڪريو! مدد ڪريو!‘ مون ڪجھہ مڇي ماريندڙن کي آواز ڏني۔ پر انهن جواب ڏنو: اسان وٽ وقت ناهي۔ ’اسان مڇيون جھلون پيا۔ ڇا توهان اسان کي پئسا ڏيندا؟‘ مون انهن سان واعدو ڪيو تہ مان ڏيندس۔ انهن کي مدد لاءِ اچڻ ۾ گھڻو وقت لڳي ويو۔ انهن پطرس کي پاڻيءَ مان ٻاهر ڪڍيو۔ مون پطرس کي ٻيهر هوش ۾ آڻڻ جي تمام گھڻي ڪوشش ڪئي، پر هاڻي گھڻي دير ٿي وئي هئي۔ پطرس مري چڪو هو۔ هو بچي سگھي ها جيڪڏهن مڇي ماريندڙن وقت تي مدد ڪئي هجي ها۔“ ڪيتري خراب ڳالهہ آهي! هدسن ماڻهن کي بچائڻ چاهيندو هو، خاص طور تي انهن کي هنن جي گناهن کان۔ پر هاڻي هو بيمار هو۔ هدسن ٽيلر: ”مالڪ يسوع، مهرباني ڪري پنج مشنرين کي چين موڪل، تہ جيئن گھڻا ماڻهو تو تي ايمان آڻين ۽ بچي سگھن۔“ سندس دعا ٻڌي وئي۔ پر ڇا پنج مشنري لکين چيني ماڻهن لاءِ ڪافي هئا؟ هدسن ٽيلر 42 لاءِ دعا گھري، 001 لاءِ، 0001 لاءِ! ۽ خدا سندس دعا جو جواب ڏيندو ويو۔ مون هدسن ٽيلر کان هي سکيو آهي: يسوع کي کلي دل سان ٻڌايو جيڪو بہ توهان کي کپي ٿو ۽ هو توهان کي ڏيندو۔ يسوع اسان کي خوشيءَ سان ڏيندو آهي۔ هو اسان جون دعائون ٻڌندو آهي۔ هدسن ٽيلر ٻيهر ٺيڪ ٿي ويو ۽ نوَن مشنرين سان گڏ ٻيهر چين ويو۔ پهرين عورت: ”توهان سڀني جا دماغ خراب ٿي ويا آهن، هتي ئي رهجي وڃو!“ ٻي عورت: ”هتي توهان گھڻا پئسا ڪمائي سگھو ٿا۔ چين ۾ توهان بک مرندا ڇاڪاڻ تہ توهان کي جلدي وساريا ويندا۔ هدسن ٽيلر: ”وسارڻ؟ خدا ڪڏهن بہ پنهنجن ٻارن کي نہ وساريندو آهي!“ خدا ڪڏهن بہ هن کي نہ وساريو هو۔ هدسن ٽيلر: ”جيڪڏهن مون وٽ 0001 زندگيون هجن ها، تہ مان 0001 ڀيرا مشنري ٿيان ها۔“ ڇا توهان بہ مشنري بڻجڻ چاهيو ٿا؟ مان توهان کان واعدو ڪريان ٿي: توهان امير نہ ٿيندا، ۽ اهو اڪثر توهان لاءِ ڏکيو بہ هوندو۔ پر هر حال ۾: ان کان بهتر ڪوبہ ڪم ناهي جيڪو يسوع اسان کي ڪرڻ لاءِ چوي ٿو ۽ هر حال ۾ ان تي ڀروسو ڪرڻ گھرجي۔ ماڻهون: بيان ڪرڻ واري، هدسن ٽيلرم، ڊاڪٽر، پهرين عورت، ٻي عورت ynamreG FEC :thgirypoC © |