STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 123 (The runaway) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 321. دوڑ جانااوہ نِکے راہ اُتے دوڑیا، روڑیاں نال ٹھیڈے لگے تے اوہدیاں لتاں اُتے کنڈیاراں نال کھروچاں لگیاں۔ اُنیسمس (ہولی واج وچ بولدے ہوئے): ”مینوں دور دوڑ جانا ہووے گا۔ میَں تنگ آ گیا اَں۔ مینوں ہر روز کم کرن دی کوئی خواہش نہیں۔ میَں اک نوی حیاتی شروع کرن لگا اَں۔ دور، بڑی دور۔ پر مینوں دھیان رکھنا ہووے گا پئی میَں پھڑیانہ جاواں۔“ دوڑن والے غلاماں نوں بڑی بھیڑی سزا ملدی سی۔ کدی تے اوہناں دے پنڈیاں اُتے کِتے نہ کِتے دُھکدے لوہے نال نشان بنا دِتا جاندا، یا اوہناں نوں جنگلی جانوراں اگے کھان نوں سُٹیا جاندا۔ ایس خیال نے اُنیسمس نوں ہور تیز دوڑن لئی مجبور کر دِتا۔ اوہدے ناں دا مطلب سی ”فیدہ دین والا“۔ کیہ ایہہ ناں کسے ایسے بندے دا وی ہو سکدا اے جیہڑا چوری کر کے دوڑ جاندا اے؟ اوہنے اک نوے مُلک وچ اک نوی حیاتی دا سُفنا ویکھیا سی۔ اوہ جا کے روم وچ لُک جانا چاہندا سی۔ پر کنہے سوچیا سی پئی ایس وڈے شہر وچ اُنیسمس ساریاں لوکاں تھوں دور دوڑ جاوے گا۔ آپنے اُستاد دے بیلی دے کول؟ پولس: ”ٹھیک، ٹھیک، توں دوڑ آیا ایں۔“ اُنیسمس: ”میَں آپنی حیاتی وچ کجھ کرنا چاہندا اَں تے میَں صرف غلام نہیں رہنا چاہندا۔“ پولس: ”تے؟ کیہ تُوں آپنی نوی حیاتی تھوں خوش ایں؟“ اُنیسمس: ”اصل وچ، میَں سوچیا سی ایہہ بڑی وکھری ہووے گی۔ کاش میَں نہ دوڑ دا۔ تے فیر پیسیاں دا وی مسئلہ اے۔۔۔ میرے خیال وچ میرا طریقہ ایڈا بُرا نہیں سی۔“ پولس: ”اُنیسمس، توں نوی حیاتی نوں لبھیا پر تھاں غلط چُنی۔“ اوتھے روم وچ اُنیسمس نوں سمجھ آ گئی پئی کوئی وی بندہ آپنے لئی نوی حیاتی صرف یسوع وچ پا سکدا اے۔ کیوں جو اوہ ساڈے گناہ معاف کردا اے تے سانوں نوا بناندا اے۔ کیہ تُساں وی کدی ایہہ خواہش کیتی اے پئی تُسی وی اپنی حیاتی نوے سرے تھوں شروع کر سکو؟ یسوع تہانوں نوی حیاتی دے گا۔ اوہ ساریاں نوں دیندا اے جیہڑا وی آپنے گناہ مندا یا مندی اے تے جیہڑا وہدے اُتے بھروسہ رکھدا اے۔ اُنیسمس نے ایہہ نوی حیاتی حاصل کر لئی۔ پر ایہدے تھوں اگلا قدم کی سی؟ پولس: ”ساریاں نالوں چنگا ایہہ وے پئی تُوں فلیمون دے کول مُڑ چلا جا، آپنے اُستاد دے کول۔“ اُنیسمس: ”مُڑ فیر اوتھے؟“ پولس: ”فکر نہ کر۔ میَں تیرے لئی اک خط لکھاں گا اوہنوں دین لئی۔ اوہ میرا بیلی اے۔ اوہ یسوع نال پیار کردا اے تے اوہ خوشی نال تینوں آپنے کول رکھ لوے گا۔“ تے بڑے آرام نال اُنیسمس مُڑ چلا گیا۔ فلیمون: ”توں مُڑ آ گیا ایں۔ اساں تینوں ہر تھاں لبھیا۔“ اُنیسمس: ”میَں تہاڈے لئی ایہہ چٹھی لے کے آیا اَں۔“ فلیمون: ”پیارے فلیمون، میَں اُنیسمس نوں موڑ گھلدا پیا اَں۔ اوہنے یسوع دے نال آپنی نوی حیاتی شروع کیتی اے۔ جے اوہنے کسے وی طرح تیرا کوئی نقصان کیتا اے تے میَں اوہدی قیمت تینوں ادا کراں گا تے سارا کجھ فیر چنگا کر دیاں گا۔“ اُنیسمس نوں بڑی خوشی نال مُڑ قبول کر لیا گیا تے اوہ فلیمون دے نال خوشی نال رہیا۔ یسوع دے وسیلے نال اوہنوں پرانی تھاں اُتے ای نوی حیاتی مل گئی۔ لوک: بیان کرن والی، اُنیسمس، پولس، فلیمون حقوق: بحق سی ای ایف جرمنی محفوظ نے۔ |