Platt - Low German, Dramas: Piece 063 – Sammy finjt waut

Home -- Platt (Low German) -- Perform a PLAY -- 063 (Sammy‘s discovery)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

63. Sammy finjt waut

Derch de Gausen von New York pust een kolda Wint. Sammy trok siene woame Metz äwa de Uaren. Jieda Owent, wan Pape spazieren jinj, durf hee met am metgonen. Autos juagen vebie. De Bramsen (Brick) piepten. Un Frues drenjgden met äare volle Enkoopstauschen sich im Bus nen. Aula hauden daut drok.

Sammy: "Daddy, to waut es daut?"

De Voda, dee gaunz met siene Jedanken beschaftijcht wia, frajcht:

Pape: "Waut meenst du?"

Sammy: "De Stiern, Daddy, de Stiern! Kaunst du däm nich seenen?"

Gaunz oppjeräacht wiest hee no een Fensta von eenem Hus. Doa stunt een Tauljlicht un de Flaum dacht aus eeen Stiern doa äwa.

Pape: "De Menschen haben fa äarem Sän een Licht im Fensta nenjestallt. Hee es wiet wajch im Kjrich un kjamft jäajen onse Fiend. Wann hee von eene Kugel woat jetroffen woaren, dan woaren see daut Tauljlicht utpusten."

Biem wieda gonen denkjt de Pape: Hopentlich bruck ekj fa mienem Sän niemols een Tauljlicht im Fensta nenstallen.

Sammy socht wieda no Stierns.

Sammy: "Papa, doa es noch eena. Un noch eena. Kjikj mol, doa sent fuatz twee Stierns aum Fensta, bestemt haft de Famielje twee Säns im Kjrich."

Aum Enj von de Gaus hoof Sammy dän Kopp un bleev oppeenmol stonen. Hee hild dän Odem aun, aus wan waut gaunz butajeweenlichet passiet.

Sammy: "Haft Gott uk eenen Sän? Hee haft eenen Stiern im Fensta."

Pape: "Jo, Gott haft eenen eenschen Sän. Dän haft hee jeschekjt, om jäajen daut Beese in de Welt to kjamfen. Hee haft jesiecht! Oba nich met Jewäare, oba met siene Leew. Daut haft am sien Läwen jekost. Oba hee leewd sogoa siene Fiend, waut am aum Kjriez noaglen deeden. Gott haft am vom Doot oppjewakjt. Derch am kjenn wie Fräd met Gott un Menschen haben."

Sammy docht lota noch ieremol aun de Stierns waut doa in de Fenstre wieren un aun däm, dee im Kaumf jäajen daut Beese sien Läwen jeopfat haft.

Jesus haft Fräd jebrocht. Un doch jeft daut vendoag noch ema Kjrich woo Menschen soo grausom lieden motten. Menschen läwen in Angst un Trua. Bomben un Kuglen moaken väl Menschen doot.

Oba dän Stiern in Gott sien Fensta kjennen see nich utlaschen. Un uk däm nich, de Radung un Fräd fa eenem jiedren haft, dee aun am jleeft: Jesus Christus.

Persoonen: Eena waut vetalen deit, Pape, Sammy

STORIES for CHILDREN by Sister Farida

63. Sammy finjt waut