89. وعدے تے سزاواں ۲

عورت: ”ایہہ مینہ کدوں تھمے گا؟“

بندہ: ”کیہ نوح بالکل ٹھیک آکھدا سی؟“

(بیڑی اُتے مُکے مارن دی واج)

سارے: ”ساڈی مدد کرو! نوح، کھول، سانوں اندر آون دے!“

ہن بڑی دیر ہو گئی سی۔ خدا نے آپ بوہا بند کیتا سی۔ لوکاں نے اوہدی گل نئیں منی سی، تے ہن اوہناں نے سزا برداشت کرنی سی۔ اوہناں لوکاں نال سدا ایہو ہوندا اے جیہڑے خدا دے خلاف ٹُرن دا فیصلہ کردے نے۔

پانی اُتاں ای چڑھدا گیا۔ تے سارا کجھ اوسے طرح ہوندا گیا جس طرح خدا نے آکھیا سی، ۰۴ دن تے ۰۴ رات بس مینہ، مینہ تے مینہ۔

اوہ لوک ناامید ہو کے، چھتاں اُتے تے پہاڑاں اُتے چڑھ گئے۔ پر فیر وی ساریاں نالوں اُچے تھاں وی ۶۱ فٹ پانی دے ہیٹھ سن۔ ہر جیوندی شے اوس وڈے ہڑ وچ ڈب گئی۔ بس نوح تے جِنے اوہدے نال بیڑی وچ سن اوہ سارے بچ گئے۔

پانی دے لتھن وچ پورا اک سال لگ گیا۔

نوح: ”مینوں لگدا اے پئی دھرتی مُڑ سُک گئی ہووے گی۔ میَں اک کاں نوں باہر گھلاں گا۔“

نوح نے اک کُگی نال وی ایس طرح کیتا۔ اوہ ویکھنا چاہندا سی پئی پنچھیاں نوں کجھ ایسا لبھدا اے پئی اوہ کسے تھاں اُتے بہہ سکن۔ پر اوہناں نوں کوئی سُکی تھاں نہ لبھی تے اوہ اُڈ کے مڑ بیڑی وچ آگئے۔ اک ہفتہ لنگ گیا۔

نوح: ”میَں اک ہورکُگی نوں اُڈاواں گا۔“

(باری دے کھلن دی واج، پنچھیاں دے پراں دی وا)

نوح دی بیوی: ”ویکھو! اوہ آپنی چونج وچ ہری ٹہنی لے کے آوندی پئی اے۔“

نوح: ”ہن بہتی دیر نئیں اے۔“

جدوں نوح نے تیجی واری کُگی نوں اُڈایا، اوہ فیر کدی مُڑ نہ آئی۔ اک سال بعد، پانی مُک گیا سی تے دھرتی مُڑ سُک گئی سی۔

خدا نے آکھیا: ”نوح، آپنے ٹبر دے نال بیڑی وچوں باہر نکل آ تےسارےپنچھی تے جانو وراں نوں وی بیڑی نوں چھڈنا ہووے گا۔ برکت پاو تے دھرتی نُوں آباد کردیو۔“

جِنے لوک بچ گئے سن اوہ سارے بیڑی وچوں باہر نکلے تے سُکی دھرتی اُتے گئے۔

جے تُسی نوح ہوندے تے تُسی ساریاں نالوں پہلا کم کیہ کردے؟

اوہنے خدا لئی التار بنایا تے اوہدے اُتے قربانی چڑھائی۔ اوہنے آپنی نجات دی شکرگزاری ایس طرح کیتی۔ نوح نے خدا نوں آپنی زندگی دے دِتی۔ تے ایس تھوں خدا خوش ہویا۔

خدا نے آکھیا: ”میَں فیر کدی ہڑ نال دھرتی نوں برباد نئیں کراں گا۔ جدوں تیک دھرتی قائم رہوے گی، گرمی تے پالا، دن تے رات رہن گے۔ میَں عہد کراں گا۔ تے اوس عہد دا نشان قوسِ قزح ہووے گی۔“

اسمان وچوں ساریاں تھوں پہلی قوسِ قزح ظاہر ہوئی، کِڈے سوہنے رنگ! تے اج تیک ایہہ سانوں یاد دواندی اے پئی خدا وفادار اے۔ اوہ آپنے بول نوں پورا کردا اے۔ تُسی اوہدے اُتے ۰۰۱ فی صد بھروسہ کر سکدے او۔ جدوں وی تُسی فیر قوسِ قزح نوں ویکھو تے اوہدے بارے وچ سوچیو۔

لوک: بیان کرن والی، بندہ، عورت، نوح، نوح دی بیوی، خدا

حقوق: بحق سی ای ایف جرمنی محفوظ نے۔