Home -- Punjabi -- Perform a PLAY -- 022 (Chariot of fire to heaven 7)
!ڈرامے- ایناں نُوں اپنے بیلیاں لئی ادا کرو
بچیاں دے ادا کرن لئی ڈرامے
22. آگ دا رتھ جنت نُوں ۷
کیہ تہانوں ایلیاہ دی ڈاہڈی کھوج یاد اے جہدے بارے میَں تہانوں تھوڑا چِر پہلاں دسیا سی؟ اوہدا غیب ہونا بجھارت بن گئی۔
بیان کرن والی: الیشع، تُو اوہدا ساریاں نالوں چنگا بیلی سیں۔ کیہ تینوں پتہ اے پئی ایلیاہ کِتھے وے؟
الیشع: ”ہاں جی۔ مینوں پتہ اے۔“
بیان کرن والی: ایس طرح لگدا اے تُسی بہت خوش ہو۔ میَں بڑی حیران اَں۔
الیشع: ”مینوں بالکل یاد اے اوہنے جان توں پہلاں کس طرح آپنا چولا لایا سی۔ میَں اوہدے نال جان دا فیصلہ کیتا سی۔ اوہنے مینوں آپنے نال نئیں آن دِتا، پر میَں اوہنوں آپنے بارےمنع نہ کرن دِتا۔ راہ وچ سانوں کجھ نبی ملے جنہاں سانوں پوچھیا: کیہ تُسی جاندے ہو پئی اج ایلیاہ دا تہاڈے نال آخری دِن اے؟“
بیان کرن والی: کیہ جدوں تساں ایہہ سُنیا تہانوں دُکھ ہویا سی؟
الیشع: ”میَں پہلاں ای جاندا ساں تے اوہناں نوں چپ رہن لئی وی آکھیا۔ تے فیر اسی پورب وَل ودھے۔ جدوں اسی یردن پہنچے، سانوں کوئی وی پُل نئیں سی پیا لبھدا۔ فیر ایلیاہ نے آپنا چولا لایا، تے اوہنوں طے کیتا تے پانی اُتے ماریا۔ ذرا سوچو! دریا وچوں دو حِصے ہو گیا تے اسی سُوکی دھرتی اُتے ٹُر کے گئے۔“
بیان کرن والی: کیہ ایہہ سچ اے؟
الیشع: ”ہاں جی، میَں اوتھے ای ساں! میَں خدا دی بزرگی تے زور ویکھ کے حیران ہویا، تے اوہنے کمزور لوکاں دے وسیلے ایہہ معجزے کیتے۔ جدوں اسی نال نال ٹُرے، اساں خدا دے بارے گل بات کیتی۔ تے فیر اک کم ہویا۔ آسمان توں اک اگ دا رتھ آیا، ایسا رتھ جہدے وچ اگ والے گھوڑے سن۔ حیران ہو کے میَں ویکھیا پئی ایلیاہ اوس رتھ اُتے بہہ کے خدا دی اوس بادشاہی وچ چلا گیا جیہڑی نظر نئیں آوندی۔ میَں اوہدے بعد اوہنوں واج وی دِتی، پر میَں اوہنوں فیر کدی نہ ویکھیا۔ ایلیاہ نوں خدا ایس اُتم طریقے نال اسمان اُتے لے گیا۔“
بیان کرن والی: تے ایس لئی کوئی وی اوہنوں کدی نہ لبھ سکیا۔ شکریہ الیشع، ساڈے سوالاں دے جواب دین لئی۔ بجھارت بُجی گئی۔
اونج تے موت دے سبب ساڈی زندگی مُک جاندی اے۔ پر ساڈے لئی ایہہ ایڈا ضروری نئیں پئی ساڈی زندگی کدوں تے کس طرح ختم ہووے گی، سگوں ایہہ ضروری اے پئی اسی موت دے بعد کدوں تے کِتھے ہوواں گے۔
ایلیاہ خدا دے نال اے کیوں جو اوہ خدا دے نال رہندا سی۔ بائبل وچ وی اک ایہو جیہی تھاں دا ذکر اے: جہدے کول بیٹا اے اوہدے کول زندگی اے؛ جہدے کول خدا دا بیٹا نئیں اوہدے کول زندگی وی نئیں (۱۔ یوحنا ۵: ۲۱)۔
اگلی کہانی وچ میَں تہانوں دساں گی پئی پطرس نے کس طرح یسوع دے نال آپنی زندگی شروع کیتی۔
لوک: بیان کرن والی، الیشع
حقوق: بحق سی ای ایف جرمنی محفوظ نے۔