Home -- Platt (Low German) -- Perform a PLAY -- 016 (Gone without a trace 1)
16. Kjeena weet woo hee es 1
Doa miejcht sich eene Grupp Mana doch sea met siekjen. See sochten am hia un doa. Aulawäajend. Oba daut holp nuscht. See sochten am aum aun de Kaunt biem Jordanfluss, see sochten am ene Staut, see sochten am opp de Boaj. Oba noanich wia eene Spoa von am.
Feftich Mana wieren in de Grupp toom am siekjen. Dree lanje Doag hauden see aul jesocht. Oba kjeena haud am jeseenen. Kjeena kunn eenen Berecht jäwen. See funjen am nich. Wäm? Daut saust du nu selfst utfinjen. Bestemt hast du sienen Nomen aul mol jehieet.
Un dann wort groot bekaunt jemoakt:
Hee kjemt: Ut Tischbe
Siene Oabeit: Profeet
Hee räd waut Gott am beoappdroacht haud, un aules waut hee im verut jesajcht haft, daut es passieet.
Brow deed hee däm Kjennich in de Tiet opp siene Sinden hanwiesen.
Een Tiet lang brochten am de Väajel daut Freeschtich un daut Owentkost.
Opp eenem Boajch deed hee bäden un Gott leet Fia vom Himmel faulen.
De Bediedung von sienem Nomen es: Gott es de Har.
Weetzt du nu aul, wäa doamet jemeent es?
Wann du romsiekjen deist, kaun die de Bibel halpen.
In 1.Kjennichs, Kepitel 17, Farsch 13. Daut es im väaschten Deel von de Bibel, im Oolen Testament, doa finjst du däm, waut see siekjen. 1.Kjennichs 17, Farsch 13.
Schriew sienen Nomen opp, un schekj daut no ons.
Vejat nich diene Aunschreft un dien Ela opptoschriewen, un dan kjrichst du eene Auntwuat.
Un dann kaunst du boolt uk mea äwa dise Persoon hieren.
Persoon: Eena waut vetalen deit
Copyright: CEF Germany