Malagasy, Dramas: Piece 167 – Hevitra tsara tamin'i Nenitoa Margaret 5

This page in HTML4 - Print - Bottom

Home -- Malagasy -- Perform a PLAY -- 167 (Super idea, Aunt Margret 5)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- MALAGASY -- Malayalam ? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Sindhi -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

LALAO – tanteraho miaraka amin’ny ankizy hafa!

Tantara kely holalaovina an-tsehatra

167. Hevitra tsara tamin'i Nenitoa Margaret 5

Nofonosin'i Ruth sy Philippe ireo fanomezana ho an'i Terry ary lasa izy ireo. Ho gaga be mihitsy izao ilay naman'izy ireo narary.

Teo afovoan'ny ala dia nifanena tamin'ny renin'i Terry izy ireo. Nitomany izy. Niezaka nampionona azy i Rota ary nilaza taminy izay momba an'i Jesoa, ilay Mpiandry Tsara, izay nitady azy sy naniry hanampy azy, noho ny Fitiavana azy.

Philippe: "Nitondra zavatra ho anao izahay (volany maneno). Io no mba nanananay. Afaka mividy ronono ho an'i Terry amin'iny vola iny ianao."

Neny: "Misaotra indrindra fa tsara fanahy ianareo, mandehana fa miandry anareo i Terry."

(tonga)

Philippe: "Ruth, tezitra amiko ve ianao, satria nomeko azy ny vola rehetra?"

Ruth: "Tsia, ny Mpiandry Tsara aza dia nanao sorona ny ainy manontolo tamin'ny nahafatesany teo amin'ny hazo fijaliana, koa aoka isika tsy ho mahihitra."

Faly tamin'ny fanomezana i Terry. Kivy kokoa noho ny hatramin'izay anefa izy.

Terry: "Nilaza ny dokotera fa tsy afaka manampy ahy intsony izy ka aleoko maty."

Nanontany tena i Philippe sy i Ruth hoe nihaino ny vavaka nataon'izy ireo ve Andriamanitra. Nahoana Izy no tsy nanao fahagagana?

Ketraka izy ireo ny harivan'iny rehefa tonga tao an-trano. Nanadio ny efitrano fandraisam-bahiny i Nenitoa Margaret nandritra ny andro.

Nenitoa Margaret: "Ahoana ny hevitrareo raha avelantsika hiara-mipetraka amintsika i Terry sy ny reniny?"

Ruth: "Tsara! Tena hevitra tsara izany!"

Nisy fiara mpitondra marary nitondra an'i Terry nody. Tiany ny efitranony. Nipetraka teo akaikin'ny varavarankely ny fandriany.

Terry: "Mahafinaritra éry."

Dia nijery ilay sary hoso-doko teo amin'ny rindrina izy. Jesoa, ilay Mpiandry Tsara, dia naninjitra ny tanany hamonjy ny ondry very.

Terry: "Ruth a, mila sary misy ilay mpiandry ondry efa namonjy ny ondry aho sy ilay izy nitondra azy teny an-tsandriny."

Nitondra iray tamin'izany ny pasitera Robinger. Teo amin'ny sary dia nisy ondry maro. Nandeha teo aloha Jesoa ary nitrotro ondry teo an-tratrany.

Terry: "Aiza no hitondrany azy?"

Pasitera: "Any an-trano."

Terry: "Aiza izany?"

Pasitera: "Any amin'izay misy an'i Jesoa. Any dia tsy misy ranomaso na fanaintainana intsony."

Terry: "Tsy misy fanaintainana? Afaka mandeha any daholo ve?"

Pasitera: "Izay rehetra an'ny Mpiandry Tsara."

Terry: "Te ho Azy aho ary handeha any akaikiny."

Nivavaka i Terry sady nihazona mafy ilay sary teny an-tanany. Dia resin-tory izy.

Inona anefa izany fivezivezena tao an-trano tamin'ny misasak'alina izany?

Holazaiko aminao ny valiny amin'ny tantara manaraka.

Mpandray anjara: Mpitantara, Philippe, Ruth, neny, Terry, pasitera, Nenitoa Margaret

This page in HTML4 - Print - Top