STORIES for CHILDREN by Sister Farida

(www.wol-children.net)

Search in "Macedonian":

Home -- Macedonian -- Perform a PLAY -- 072 (Sensation on the sea)

Previous Piece -- Next Piece

DRAMAS -- perform them for other children!
Plays for children to perform

72. Сензација на морето


Сензација на Галилејско Езеро!

Петар: „Многу сум возбуден од Исус. Тешко ми е да поверувам: со пет леба и две риби нахрани 5000 мажи, сите жени и деца и сите јадеа сè додека не се наситија“.

Ученик: „Виде ли колку многу храна остана? Многу повеќе од таа со што почна“.

Петар: „Одлично, Тој од малку може да направи многу“.

Исус, Божјиот Син, е особен. Тој може да направи многу од малку.

Луѓето биле воодушевени од тоа чудо и вечерта се вратиле во нивните домови. Тогаш Исус се вклучил во разговорот на учениците.

Исус: „Влезете во бродот и допловете до другата страна“.

Тој не влегол во бродот, туку се искачил на планината да се моли.

Учениците веслале и пловеле по езерото во текот на ноќта без Исус. Одеднаш почнала бура. Рибарите ги спуштиле едрата. Првиот бран удрил во бродот. Камо да беше Исус со нив во таа страшна состојба. Биле исплашени и викале. Но, тогаш станало полошо.

Петар: „Таму, дали го гледате тоа? Тоа е дух!“

Ученик: „Не можам да издржам повеќе“.

Една бела фигура одела по водата и доаѓала право кон нивниот брод. Учениците врескале. Но тоа не бил дух.

Исус: „Охрабрете се, Јас сум! Не плашете се!“

Учениците го препознале тој глас. Тоа бил Исус. Петар бил првиот што се осмелил да зборува.

Петар: „Господе Исусе, ако навистина си Ти, тогаш овозможи ми да дојдам кај тебе по водата“.

Исус: „Дојди!“

Неверојатно! Петар излегол од бродот и тргнал да оди по водата кон Исус. Сè додека гледал во Исус, сè било добро. Но кога погледнал кон брановите почнал да тоне.

Петар: „Господе, спаси ме! Помогни ми!“

Исус ја испружил раката, го фатил Петар и го спасил.

Исус, Божјиот Син, е особен – Тој спасува!

Исус: „Верувај ми. Дај ми го целото срце“.

Петар се вратил во бродот со Исус. Бурата стивнала и ветерот престанал. Сите клекнале пред Исус и се поклониле пред прекрасниот Господ.

Петар: „Ти си Божјиот Син!“

Исус, Божјиот Син, е особен. Ништо не е невозможно за Него.

Тој не бара да одиш по вода. Но оди таму каде што си со Исус. Во секоја состојба ќе те води и ќе ти помага.


Улоги: Раскажувач, Петар, учениците, Исус.

© Copyright: CEF Germany

www.WoL-Children.net

Page last modified on November 15, 2021, at 01:11 PM | powered by PmWiki (pmwiki-2.3.3)