Home -- Kazakh -- Perform a PLAY – 164 (The lost sheep 2)
164. Жоғалған қой 2
Рут ашуланып жүгірді. Маргарит апкенің сөздері оның соңынан ергендей болды: «Мен сені интернатқа жіберемін!»
Күн батқанда, қыз үйден алыстап кеткен еді, ол қайда түнеймін деп ойлана бастады. Мола артындағы қауым үйіне барса ше?
Ол қабір тастарының жанынан өтіп, кішкентай ақ айқыш ағаштың жанына тоқтады.
Рут: «“Джоанна Коллинз, 9 жаста. Исаға кетті”. Егер мен бүгін өлсем, мен де Исаға барар ма едім?»
Рут терең ойға шомып, ақырын қауымға кірді (есік сықырлайды).
Ол орындыққа жатып, ұйықтап кетті.
Келесі күні қауым жетекшісі қауымға келіп, сол жерден Рутты көрді.
Қауым жетекшісі: «Қайырлы таң. Бұл жерге қалай келдің?»
Рут бағушыға сеніп, оған өзінің қашып кеткені туралы айтып берді.
Біраз уақыттан кейін Рут оның үйінде таңғы ас ішіп отырды. Қауым жетекшісінің әйелі, Робинджер ханым, Маргарит апкеге қоңырау шалды. Рут бөлменің ішін аралап жүрді, қабырғадағы бір сурет ерекше оның назарын аударды.
Қауым жетекшісі: «Саған бұл сурет ұнады ма? Бұл Иса, Ізгі Бағушы. Ол жоғалған қойға қолын созып, оны құтқарғысы келеді. Бұл қой маған аздап сені есіме түсіріп тұр».
Рут: «Ол мені де табады ма? Мен де Джоанна Коллинз сияқты көкке барамын ба?»
Қауым жетекшісі: «Иә. Саған тек Оның баласы болғың келетініңді Исаға айтуың керек. Мен саған мына суретті беремін. Ал енді саған үйіңе баруың керек. Маргарит апке сен туралы уайымдап жатыр».
Қайтар жолда Рут қалтасынан суретті алды. Ол суретке қарап дұға етті.
Рут: «Тәңір Иса, бұл бұзық қой – менмін. Менің барлық күнәларымды кешір. Менің Сенікі болғым келеді және бір күні көкке, Саған барғым келеді. Әумин».
Иса мұндай дұғаларға бірден жауап береді. Рут бұл үшін Оған алғыс айтып, қуаныштан секірді.
Маргарит апке оны есік алдында күтіп тұрды. Олар құшақтасты.
Рут: «Маргарит апке, менің барлық әрекеттерім үшін мені кешіріңіз. Кешіріңіз! Мені интернатқа жібермеуіңізді өтінемін. Мен қазірден бастап жақсы қыз болуға тырысамын».
Маргарит апке: «Мен сені жақсы көремін. Қайталап көрейік».
Рут бар күшін салып тырысты. Ол Киелі кітап арқылы өзінің жүрегіне сөйлеген Ізгі Бағушының даусын тыңдады. Ол барлық уақытта өз дегенін істеткісі келетін тәкаппар «менді» тыңдамады.
Рут шынымен де өзгерді. Біраз уақыттан бері бәрі жақсы болды, бірақ бір күні...
Келесі шығарылымды жіберіп алмаңдар, балалар, мен сендерге осы қызықты оқиғаның жалғасын айтып беремін.
Рөлдер: Баяндаушы, Рут, қауым жетекшісі, Маргарит апке
Авторлық құқықтар: CEF Germany