Home
Links
Contact
About us
Impressum
Site Map


YouTube Links
App Download


WATERS OF LIFE
WoL AUDIO


عربي
Aymara
Azərbaycanca
Bahasa Indones.
বাংলা
Български
Cebuano
Deutsch
Ελληνικά
English
Español-AM
Español-ES
فارسی
Français
Fulfulde
Gjuha shqipe
Guarani
հայերեն
한국어
עברית
हिन्दी
Italiano
Қазақша
Кыргызча
Македонски
മലയാളം
日本語
O‘zbek
Plattdüütsch
Português
پن٘جابی
Quechua
Română
Русский
Schwyzerdütsch
Srpski/Српски
Slovenščina
Svenska
தமிழ்
Türkçe
Українська
اردو
中文

Home -- Quechua -- Perform a PLAY -- 128 (No more thirst)

Previous Piece -- Next Piece

JUCH’UY WAKICHIYKUNA – rejsichisqa waj wawakunapaj!
Juchuy Kuentitus wawaskunapaj Ruwaskan

128. Mana chakichikunapaj ujtawan


Askhas llajtapi rikuspa wasinkuman wajyarikoj kasqanku Jesustaqa.

Samaritana: "Tukuy mana allimpaj qhawawanku, paykunaj kawsayninkupis manchay sumaj kanman jinata yuyakuspa. Amallapis nipiwan tinkuymanchu yakuman rispaqa."

(Pasos y ruido de piedras)

Chawpi p’uchay chayta chay warmeqa yaku p’uñunta lijrariykuspa llajtamanta llojsimusqa. Chayratoqa manchayta intipis k’ararimushasqa, maynimpi jinalla chay phanita rispa piwampis tinkoj kasqa. Tukuypis yakunan tutamantawan, ch’isillanwan rej kasqanku á, chayrayku ch’inlla yaku pujyu kasqa.

Samaritana: "¿Pitaj yaku pujyu kantupi kunan tiyasqa kashanrí?"

Jesús: "Yakuta qoriway ujyanaypaj."

Samaritana: "¿Imaraykutaj noqawan parlashankirí? Qanqa judío kanki, noqataj samaritana."

Chaypi yakuta mañakojqa, manapis yachanmanchu judiokuna samaritanokunawan mana parlasqankuta jinalla kasqa, ¿imaraykuchus chay ujkunaqa waj dioskunata yupaychaj kasqanku kawsaj cheqa Diosta yupaychanankutaqa? Ari, Jesúsqa yacharqapuni á, jinapis Payqa mana ujkuna jina k’uchuncharpaspachu qhawallarqataj wajkunataqa. Payqa manapuni chayta ruwanmanchu karqa, Jesúsqa ujinataj.

Jesús: "Yachawajchus pichus kasqayta chayqa, noqamanta mana ujtawan yakumanta ch’akichikunaykipaj yakuta mañakuwankiman."

Samaritana: "¿Imawajtaj yakuta orqhowajri? Pujyuqa manchay ukhu."

Jesús: "Kay yakumanta ujyajqa ch’akichikullanqapuni, noqa yaku qosqayta ujyajrí, ni jayk’aj ch’akichikunqañachu."

Imakunatachus sonqonchejpi munanchej chaykunaqa yaku ch’akiy jina. Junt’akojtinqa, watej wajkunañataj jamullanta, ajinallapuni tukuy tiempo rin. Runaj sonqonqa ni jayk’aj junt’asqachu, ni jayk’aj chay ch’akiyqa chinkanchu.

Kawsayninchejpi ch’akiytaqa mana ujrato kusirikuqa chinkachinchu, ni pelota pujllaypi atipaspa t’inka jap’isqapis, ni sumaj kawsaqepis, nimapuni. Kawsayninchejpi ch’akiytaqa calmachiyta atin chay yaku pujyu kantupi tiyasqa kashasqa chaylla. Chay warmeqa ripasharqaña.

Samaritana: "Chay yakuta qoway arí, chaywanqa manaña kay pujyuman yakuman jamusajñachu."

Jesús: "Rispa qosaykita wajyamuy."

Samaritana: "Mana noqajta qosay kanchu."

Jesús: "Aaa, allinta ninki mana kanchu nispaqa. Phisqa qosasniyki karqa, kunan tiyashanki chaypis manallataj qosaykichu."

Jesúsqa tukuyta yachasqa. Chay tukuywampis mana karunchakusqachu chay warmimantaqa, nitaj qhesachasqapischu ujkuna jinaqa.

Samaritana: "Tata Dioschu kachamusunki. Noqa yachani uj Salvador jamunanta."

Jesús: "Noqa chay salvaj kani."

Jesúsqa tukuy juchanmanta perdonaspa uj mosoj k’acha sonqo junt’asqa kawsayta qosqa chay warmimanqa. Kusiymanta yaku p’uñunta saqerparispa ima, llajtaman t’ijusqa chaymantataj tukuyta wajyasqa Jesúswan tinkoj rinankupaj.

Jamuy jaku Jesusman, qan kikiykipuni rejsimuy Jesustaqa.

Niño: "Kunanqa Jesuspi creeni. Jinapis mana qan nisqaykiraykuchu, manachay noqapuni rejsimusqayrayku. Cheqamanta Jesúsqa kaypachata Salvajpuni jamorqa."


Personajes: Relator, samaritana, Jesús, niño

© Copyright: CEF Germany

www.WoL-Children.net

Page last modified on August 08, 2023, at 05:09 PM | powered by PmWiki (pmwiki-2.3.3)